Կոռուպցիայի կանխարգելման հանձնաժողովի գործունեության գնահատում

«Թրանսփարենսի Ինթերնեշնլ հակակոռուպցիոն կենտրոն» ՀԿ

Հետազոտության նպատակն է աջակցել ՀՀ կառավարությանը և Կոռուպցիայի կանխարգելման հանձնաժողովին (ԿԿՀ) բարելավելու կանխարգելիչ հակակոռուպցիոն մարմնի գործունեությունը։ Խնդիրն է՝ գնահատել ԿԿՀ համապատասխանությունը ՄԱԿ-ի «Կոռուպցիայի դեմ կոնվենցիայից» բխող պահանջներին և Ջակարտայի հայտարարությամբ սահմանված սկզբունքներին և ներկայացնել կառույցի կայացմանն ու գործունեության արդյունավետությանն ուղղված առաջարկներ:

ԿԿՀ գնահատումն իրականացվել է Թրանսփարենսի Ինթերնեշնլ միջազգային կազմակերպության քարտուղարության կողմից մշակված հակակոռուպցիոն մարմինների գործունեության գնահատման գործիքով, որի հիմքում ընկած են Ջակարտայի սկզբունքները։