Պաշտոնը` Ադմինիստրատիվ օգնական
Աշխատաժամանակ՝ լրիվ
Տևողությունը` երկարաժամկետ
Աշխատանքի սկիզբը` հունիսի 1, 2015
Վայրը` Երևան, Հայաստան

Աշխատանքի հակիրճ նկարագրություն՝

ԹԻՀԿ-ն հայտարարում է ադմինիստրատիվ օգնականի թափուր աշխատատեղի մրցույթ կազմակերպության ամենօրյա ադմինիստրատիվ և լոգիստիկ գործունեությանն աջակցելու, ինչպես նաև գանձապահի գործառույթներն իրականացնելու համար: Ադմինիստրատիվ օգնականն անմիջականորեն ենթարկվում է Մարդկային ռեսուրսների և կազմակերպական զարգացման համակարգողին:

Աշխատանքային պարտականություններ`

  • պատասխանել հեռախոսազանգերին՝ ապահովելով կապ/ տեղեկատվության փոխանակում գործընկեր և շահագրգիռ կազմակերպությունների հետ;
  • ընդունել, ուղարկել Կազմակերպության նամակները և իրականացնել ելքային և մուտքային փաստթղթերի կազմումը;
  • պարբերաբար թարմացնել շահագրգիռ կողմերի կոնտակտները;
  • իրականացնել կազմակերպության գույքի և ծառայությունների գնումը` ապահովելով ծառայությունների մատուցման պայմանագրերի կնքումը՝ ըստ անհրաժեշտության;
  • իրականացնել կազմակերպության գանձապահի գործառույթները;
  • աջակցել հանդիպումների, քննարկումների, գործընկերների այցելությունների և այլ միջոցառումների կազմակերպմանը, այդ թվում հյուրանոցների և սրահների ամրագրման աշխատանքներին;
  • կազմակերպել կազմակերպության սարքավորումների վերանորոգումը` ըստ անհրաժեշտության;
  • կատարել թարգմանություններ՝ ըստ անհրաժեշտության:

Որակավորմանը ներկայացվող պահանջներ՝

  • բարձրագույն կրթություն
  • առնվազն 2 տարվա աշխատանքային փորձ
  • հաղորդակցման հմտություններ
  • համակարգչային ծրագրերի իմացություն /MS Office/
  • հայերեն, անգլերեն և ռուսերեն լեզուների գերազանց իմացություն
  • սթրեսային իրավիճակներում աշխատելու ունակություն:

Դիմելու ընթացակարգը և վերջնաժամկետը՝

Համապատասխան որակավորում ունեցող անձինք կարող են ներկայացնել իրենց ամփոփ կենսագրականը և ուղեկցող նամակը ‎անգլերեն կամ հայերեն լեզվով` [email protected] հասցեով` մինչև ս.թ. մայիսի 20-ը, ժամը 19:00-ը:

Միայն փաստաթղթերի հիման վրա ընտրության առաջին փուլն անցած անձինք կհրավիրվեն մասնակցելու հարցազրույցի: Խնդրում ենք ձեռնպահ մնալ զանգերից և այցելություններից:

Կազմակերպության մասին.

«Թրանսփարենսի Ինթերնեշնլ հակակոռուպցիոն կենտրոն» հասարակական կազմակերպությունը հիմնադրվել է 2000 թ.՝ ներկայացնելով Թրանսփարենսի Ինթերնեշնլ համաշխարհային հակակոռուպցիոն շարժումը Հայաստանում: Կազմակերպության առաքելությունն է կոռուպցիան նվազեցնելու ու ժողովրդավարությունն ամրապնդելու ճանապարհով նպաստել լավ կառավարմանը Հայաստանում: