Հանրային ռեսուրսների կառավարմանն առնչվող հետազոտությունների մրցույթ
Թրանսփերենսի Ինթերնեշնլ հակակոռուպցիոն կենտրոնը հրավիրում է անհատ հետազոտողներին, փորձագետներին՝ իրականացնելու հանրային ռեսուրների, մասնավորապես՝ անշարժ գույքի կառավարմանը վերաբերող փորձագիտական հետազոտություններ, որոնք պետք է վերաբերեն հետևյալ երեք ոլորտներից որևէ մեկին․
- Երևան քաղաքում եկամտային հարկի վերադարձի սկզբունքով իրականացվող կառուցապատում, ներառյալ Երևանում կառուցապատում իրականացնող կազմակերպությունների իրական շահառուների, այդ թվում՝ քաղաքական ազդեցություն ունեցող անձանց շրջանակը, կառուցապատման թույլտվություններին և դրանց տրամադրմանն առնչվող խնդիրները և պահանջներին համապատասխանությունը, հողօգտագործման իրավունքի ձևերը, շահառուների նկատմամբ պայմանագրային պարտավորությունների իրականացումը, առկա խնդիրները և այլն։
- Սևանա լճի ափամերձ տարածքների հողօգտագործում, ներառյալ Սևանա լճի ափամերձ տարածքների կառույցների գույքագրում/քարտեզագրումը, դրանց նկարագրությունը, կարգավիճակը, հողօգտագործման ձևը, նպատակային և գործառնական նշանակությունը, իրական շահառուների, այդ թվում՝ քաղաքական ազդեցություն ունեցող անձանց շրջանակը, առկա խնդիրները, այդ թվում՝ կոռուպցիոն ռիսկերը, հանրային շահի ապահովումը և այլն:
- Բնության հատուկ պահպանվող այլ տարածքների կամ պատմամշակութային հուշարձանների պահպանման գոտիների կառավարումը, ներառյալ խնդրահարույց օգտագործման քարտեզագրումը, ներգրավված կազմակերպությունների իրական շահառուների, այդ թվում՝ քաղաքական ազդեցություն ունեցող անձանց շրջանակը, հոգօգտագործմանն առնչվող խնդիրները և այլն:
Նախատեսվում է ֆինանսավորել երեք հետազոտություն՝ յուրաքանչյուրը մինչև 1, 500 000 ՀՀ դրամ ֆինանսավորման սահմանաչափով՝ ներառյալ հարկերը։
Հայտերի գնահատման չափորոշիչներ
Կիրականացվի ներկայացված հայտերի նախնական գնահատոմ` մրցույթին չհամապատասխանող առաջարկները բացառելու համար: Այնուհետև դրանք կներկայացվեն մրցույթային հանձնաժողովին և կգնահատվեն ըստ հետևյալ չափորոշիչների.
- Անհատի փորձը նշված ոլորտում (20 միավոր)
- Առաջարկվող ծրագրի նկարագրությունը (30 միավոր)
- հիմնախնդրի ներկայացումը և արդիականության/կարիքի հիմնավորումը
- առաջարկվող հետազոտության նպատակահարմարությունը
- հետազոտության մեթոդաբանության/գործիքակազմի հիմնավորվածությունը
- շահագրգիռ կողմերի ներգրավումը
- ակնկալվող արդյունքների իրատեսական լինելը
- իրականացման ժամանակացույցի իրատեսական լինելը։
III. Արդյունքների կիրառականությունը (30 միավոր)
- հետազոտության արդյունքների հետագա կիրառելիությունը, օրինակ վերհանած խնդիրների հիմքի վրա իրավակարգավորումների/հանրային քաղաքականության փոփոխություններ առաջարկելու, իրավական գործընթաց նախաձեռնելու առումով
IV. Բյուջեն (20 միավոր)
- առաջարկվող ծախսերի ողջամտությունը և հիմնավորվածությունը
Ժամանակացույց
- Մրցույթին դիմելու վերջնաժամկետը 2025 թվականի հունվարի 19-ն է։
- Հետազոտական ծրագրերի մեկնարկը 2025 թվականի փետրվարի 1-ն է։
- Հետազոտությունները պետք է պատրաստ լինեն մինչեւ 2024 թվականի մայիսի 15-ը:
Ծրագրի առաջարկի ներկայացման կարգը
Հայտ ներկայացնողների պետք է ուղարկեն փաթեթ՝ ներառելով.
Ծրագրի առաջարկը` կից ներկայացված ձևաչափով
Դիմումի ձև (Ծրագրի առաջարկ)
Աշխատանքային պլանը (Հավելված 1)
Ընտրված ոլորտում անհատ(ներ)ի կողմից մշակված որևէ հրապարակում կամ համապատասխան ինտերնետային հղում։
Ծրագրային առաջարկները պետք է ուղարկել մինչև 2025 թ. հունվարի 19-ը՝ օրվա վերջ [email protected] էլեկտրոնային հասցեով` նամակի վերնագրում նշելով «Research proposals»: Լրացուցիչ հարցերի դեպքում խնդրում ենք գրել նշված էլեկտրոնային փոստին:
Կազմակերպության մասին
«Թրանսփարենսի Ինթերնեշնլ հակակոռուպցիոն կենտրոն» հասարակական կազմակերպությունը հիմնադրվել է 2000 թ.՝ ներկայացնելով Թրանսփարենսի Ինթերնեշնլ համաշխարհային հակակոռուպցիոն շարժումը Հայաստանում: Կազմակերպության հիմնական արժեքներն են թափանցիկությունը, հաշվետվողականությունը, օրինավորությունը, համարձակությունը, արդարությունը և ժողովրդավարությունը:
Կազմակերպության առաքելությունն է խթանել լավ կառավարման և ժողորդավարայկան գործընթացները ՝ հանուն պետականության ամրապնդման և կոռուպցայից զերծ Հայաստանի:
