Ընդհանուր տեղեկություններ

«Թրանսփարենսի Ինթերնեշնլ հակակոռուպցիոն կենտրոն» հասարակական կազմակերպությունը (այսուհետ` ԹԻՀԿ) հիմնադրվել է 2000թ.-ին և գործում է որպես Թրանսփարենսի Ինթերնեշնլ (ԹԻ) կոռուպցիայի դեմ պայքարող համաշխարհային շարժման հավատարմագրված ներկայացուցչություն Հայաստանում: Կազմակերպության առաքելությունն է խթանել լավ կառավարման և ժողովրդավարական գործընթացները՝ հանուն պետականության ամրապնդման և կոռուպցիայից զերծ Հայաստանի։

ԹԻՀԿ նպատակներն են կանխարգելել կոռուպցիան, նպաստել իրավունքի գերակայությանը, պաշտպանել հանրային ռեսուրսները հանրային գույքի ու ֆինանսների պատասխա­նա­տու կառավարմանը և հանրությանը մատուցվող ծառայությունների արդյունա­վե­տու­թյանը, խթանել օրինավորությունը քաղաքականության մեջ ազատ և արդար ընտրություն­նե­րի կայացմանը, խթանել քաղաքացիական առաջնորդությունը։

Ծառայության նպատակ

ԹԻՀԿ-ը հրավիրում է աուդիտորական կազմակերպություններին ներկայացնելու հայտեր՝

  1. Կազմակերպության 2025 թվականի տարեկան աուդիտի համար (եկամուտների շրջանառություն՝ 350,000,000 ՀՀ դրամ)
  2. Մեծ Բրիտանիայի և Հյուսիսային Իռլանդիայի Միացյալ Թագավորության կառավարության՝ Արտաքին գործերի, Համագործակցության և Զարգացման գրասենյակի միջոցով ֆինանսավորվող «Հայաստանում քաղաքական բարեվարքության ամրապնդում» ծրագրի աուդիտի իրականացման համար (ծրագրի ժամկետ՝ 1 հոկտեմբեր 2025-31 մատր 2026, ծրագրային բյուջեն՝ 61,980,285 ՀՀ դրամ):

Ժամկետներ

Հայտերի ներկայացման վերջնաժամկետը 2026թ. հունվարի 15-ն է: Ծառայության մատուցումը նախատեսվում է սկսել 2026թ․ փետրվարի 1-ից։

Տարեկան աուդիտի աուդիտորական եզրակացությունը և «Նամակ ղեկավարությանը» փաստաթղթերը պետք է ներկայացվեն ոչ ուշ, քան 2026թ. մարտի 16-ը։

Ծրագրային աուդիտը նախատեսվում է իրականացնել 2 փուլով՝

  1. 2025 թ. հոկտեմբեր–դեկտեմբեր — աուդիտորական եզրակացությունը ներկայացնել ոչ ուշ, քան 2026 թ. մարտի 16-ը։
  2. 2026 թ. հունվար–մարտ — աուդիտորական եզրակացությունը ներկայացնել ոչ ուշ, քան 2026 թ. մայիսի 18-ը։

Ակնկալվող արդյունքներ

  • աուդիտորական եզրակացություն,
  • աուդիտի արդյունքում կազմված «Նամակ ղեկավարությանը» փաստաթուղթ,
  • տեխնիկական գնահատում։

Հայտերի ընտրությունը կիրականացվի հետևյալ չափորոշիչների հիման վրա՝

  • աուդիտի իրականացման ժամկետ (30%),
  • նմանատիպ առաջադրանքների իրականացման փորձ և կազմակերպությունների ցանկ, որոնց համար թեկնածուն կատարել է նմանատիպ առաջադրանք (30%),
  • ծառայության արժեք (40%):

Դիմելու ընթացակարգ

Մրցույթին մասնակցելու համար աուդիտորական կազմակերպությունները պետք է հայերենով տեխնիկական և ֆինանսական հայտերը ներկայացնեն էլեկտրոնային տարբերակով։

Հայտերը պետք է ներառեն հետևյալ տեղեկատվությունն ու փաստաթղթերը և պետք է լինեն կնքված և ստորագրված՝

1. Տեխնիկական հայտ

ա) աուդիտորական կազմակերպության պորտֆոլիոն, ներառյալ՝ մրցույթի մասնակցի լրիվ անվանումը, գտնվելու վայրը, հեռախոսահամարը, պետական գրանցման վկայականի, աուդիտորական գործունեությամբ զբաղվելու լիցենզիայի պատճենները,

  • ծառայությունների մատուցման բնութագիրը,
  • պետական գրանցման վկայականի և աուդիտորական գործունեությամբ զբաղվելու լիցենզիայի պատճենները,
  • աուդիտորների ինքնակենսագրականները և աուդիտորների որակավորման և մասնագիտական
  • վերապատրաստման վկայականների պատճենները,նախորդ հաշվետու տարվա ընթացքում իր կողմից պետական
  • դրամաշնորհներ ստացած կազմակերպություններին
  • նմանատիպ ծառայությունների մատուցման ցանկը,
  • մրցույթի մասնակցի հայեցողությամբ այլ անհրաժեշտ տեղեկություններ և փաստաթղթեր, որոնք կհաստատեն իր
  • կողմից մատուցվելիք ծառայությունների որակը,
  • ծառայությունների մատուցման երաշխիքային ժամկետները:

2. Ֆինանսական հայտ

  • ծառայությունների մատուցման ընդհանուր գինը (ներառյալ բոլոր տեսակի ծախսերը, այդ թվում՝ նաև հարկերը, տուրքերը և այլն) և վճարման ձևն ու պայմանները,
  • մրցույթի մասնակցի հայեցողությամբ ծառայությունների մատուցման ֆինանսական կողմին վերաբերող այլ անհրաժեշտ տեղեկատվություններ և հիմնավորող փաստաթղթեր:

Հայտարարության պահանջներին չհամապատասխանող մրցույթի հայտերը, ինչպես նաև 2026թ. հունվարի 15-ից հետո ներկայացված մրցույթի հայտերը չեն դիտարկվելու, իսկ մերժվածները կտեղեկացվեն էլեկտրոնային փոստով:

Խնդրում ենք վերը նշված փաստաթղթերն ուղարկել [email protected] էլեկտրոնային փոստի հասցեով մինչև 2026թ․ հունվարի 15-ը:

Լրացուցիչ հարցերի դեպքում խնդրում ենք զանգահարել գլխավոր հաշվապահ Գոհար Հայրյանին 095810709 հեռախոսահամարով: