Նորություններ

«Անկախության իրացում» թեմայի շրջանակում «Շողակաթ» հեռուստաընկերության «3-րդ հազարամյակի» տաղավարում քաղաքագետ, ԹԻՀԿ ընտրական ծրագրերի համակարգող Արմեն Գրիգորյանը և միջազգայնագետ Անահիտ Շիրինյանը զրուցում են անկախության մասին որպես աշխարհի հետ սեփական լեզվով, սեփական դիրքից խոսելու հնարավորություն: Գրիգորյանի կարծիքով` ինքնիշխան լինելու համար երկիրը պետք է ժողովրդավար լինի, որպեսզի իշխանությունն արտահայտի ժողովրդի կամքը: Ժողովրդավարության բացակայությունը նվազագույնի է հասցնում ինքնիշխանության հնարավորությունը:

«Առաջին լրատվական»-ի հետ զրույցում ԹԻՀԿ ընտրական ծրագրերի համակարգող Արմեն Գրիգորյանը ներկայացնում է «Քաղաքացի դիտորդ» նախաձեռնության դիտորդական առաքելության գործունեությունը` անդրադառնալով նաև ընտրակեղծիքների կանխարգելման գործում մեդիայի, կուսակցությունների, քաղաքացիների դերին: Ըստ  Գրիգորյանի` ընտրական պրոցեսի վերահսկողությունը մեծ ազդեցություն է ունենում, ուստի «Քաղաքացի դիտորդ» նախաձեռնությունը որոշել է հնարավորինս շատ դիտորդ ունենալ 2017 թ. ընտրություններում: Ընտրակեղծարարությունն իր բնույթով նաև իրավիճակային է: Երբ իշխանությունը տեսնում է, որ չի կարողանում իր համար ցանկալի արդյունք ապահովել, սկսում է տարբեր գործիքներ կիրառել: Քանի որ վարչական իշխանության գրեթե բոլոր լծակները ՀՀԿ վերահսկողության տակ են, փորձելու է տարբեր ձևերով օգտագործել վարչական տարբեր ռեսուրսներ` սկսած ՏԻՄ, մինչև համապետական մակարդակի, նախարությունների, տարբեր ոլորտների` իր իշխանության տակ գտնվող ռեսուրսները:

Գագիկ Ծառուկյանը հայտարարել է, որ ԲՀԿ-ն չի բացառում խորհրդարանական ընտրություններին դաշինքով մասնակցելը: Այդ մասին «Ա1+»-ը զրուցել է Թրանսփարենսի Ինթերնեշնլ հակակոռուպցիոն կենտրոնի ընտրական ծրագրերի համակարգող, քաղաքագետ Արմեն Գրիգորյանի հետ: Գրիգորյանի կարծիքով` կարող է լուսանցքում հայտնված կուսակցություններ հայտարարեն, որ միանում են Ծառուկյանին, սակայն դա մեծ դաշինք չի լինի: Ինչ վերաբերում է Ծառուկյանի` ակտիվ քաղաքականություն վերադառնալու հայտարարությանը, Արմեն Գրիգորյանը նշել է. «Ծառուկյանի քաղաքականություն վերադառնալը հետաձգվում էր ոչ թե ժողովրդի պահանջով, կամ այլ գործոններով, այլ Սերժ Սարգսյանի որոշումով»:

Շտեմարաններ
ՀԱՆՐԱՅԻՆ ԳՆՈՒՄՆԵՐԻ ՀԱՍԱՐԱԿԱԿԱՆ ՎԵՐԱՀՍԿՈՂՈՒԹՅՈՒՆ
Սկսած 2006թ. «Թրանսփարենսի Ինթերնեշնլ հակակոռուպցիոն կենտրոն» (ԹԻՀԿ) հասարակական կազմակերպությունն «Բաց հասարակության հիմնադրամներ - Հայաստան»-ի աջակցությամբ իրականացնում է Հայաստանի պետական գնումների համակարգի մոնիտորինգ և գնահատում:
ԸՆՏՐՈՒԹՅՈՒՆՆԵՐԻ ԴԻՏՈՐԴՈՒԹՅՈՒՆ
Այս շտեմարանն ամփոփում է «Քաղաքացի դիտորդ» հասարակական նախաձեռնության կողմից իրականացված Երևանի ավագանու 2013 թ. մայիսի 5-ի և 2013 թ. մայիսի 26-ի, 2014 թ. մարտի 9-ի, 2014 թ. հունիսի 8-ի տեղական ինքնակառավարման մարմինների ընտրությունների և դեկտեմբերի 6-ի ՀՀ Սահմանադրության փոփոխությունների հանրաքվեի դիտորդության արդյունքները:
ԸՆՏՐԱԿԱՆ ԹՎԵՐԻ ՀԱՇՎԱՐԿ
Այս շտեմարանում ներկայացվում են ՀՀ ազգային ժողովի 2012 թ., ՀՀ նախագահի 2013 թ. Երևանի ավագանու 2013 թ. ընտրությունների և 2015 թ. հանրաքվեի պաշտոնական տվյալների հիման վրա իրականացված էլեկտրոնային մոնիտորինգի համառոտ վերլուծական արդյունքները:
ԲԱՐՁՐԱՍՏԻՃԱՆ ՊԱՇՏՈՆՅԱՆԵՐ
Բարձրաստիճան պաշտոնյաների և նրանց փոխկապակցված անձանց գույքի և եկամուտների մասին հայտարարագրված տվյալներ, շահերի բախման դեպքեր և դրանց առնչությամբ լրագրողական բացահայտումներ:
ՀԱՅԱՍՏԱՆԻ ՀԱՆՔԱՎԱՅՐԵՐ
Հայաստանի հանքավայրերի, դրանց հաստատված պաշարների, կարգավիճակի, ընդերքօգտագործողների բաժնետերերի, տարածքում պատմամշակութային հուշարձանների առկայության և հանքարդյունաբերական թափոնների կուտակման վերաբերյալ տեղեկություններ:
ԵՐԵՎԱՆԻ ՊԱՏՄԱՄՇԱԿՈՒԹԱՅԻՆ ՀՈՒՇԱՐՁԱՆՆԵՐ
Երևանի քանդված ոչնչացված, ապամոնտաժված և վտանգված պատմամշակութային հուշարձան-շենքերի, դրանց իրավական և փաստացի կարգավիճակի վերաբերյալ տեղեկություններ:
ԵՐԵՎԱՆԻ ԿԱՆԱՉ ՏԱՐԱԾՔՆԵՐ
Երևանի ընդհանուր օգտագործման կանաչ տարածքների, դրանց մակերեսի, կառուցապատման, վարձակալների, շինարարության գործընթացում տեղ գտած քաղաքաշինական և այլ իրավախախտումների վերաբերյալ տեղեկություններ:
ՕՐԻՆԱՎՈՐՈՒԹՅԱՆ ԱԶԳԱՅԻՆ ԾԱՌ
The National Integrity System assessment approach used in this report provides a framework to analyse the effectiveness of a country’s institutions in preventing and fighting corruption.
Տեսահոլովակներ
Քաղաքացի դիտորդ
Քաղաքացի դիտորդ
Շահերի բախում
Շահերի բախում
Օրինավորության ազգային համակարգ
Օրինավորության ազգային համակարգ
Ոչխարավարություն
Ոչխարավարություն