Նկարագրություն
«Թրանսփարենսի Ինթերնեշնլ հակակոռուպցիոն կենտրոն» ՀԿ-ն, կարևորելով ազդարարման համակարգի մասին օրենսդրության ընդունման և ազդարարների պաշտպանությանն ուղղված գործուն երաշխիքների ներդրման անհրաժեշտությունը, ՀՀ արդարադատության նախարարություն է ներկայացրել առաջարկություններ «Ազդարարների պաշտպանության մասին» ՀՀ օրենքի և հարակից իրավական ակտերի նախագծերի վերաբերյալ։ Առաջարկները վերաբերում են ազդարարի և ազդարարման ինստիտուտի սահմանմանը, ազդարարի և նրան փոխկապակցված անձանց իրավական պաշտպանվածության երաշխավորմանը, ազդարարի նկատմամբ վնասակար գործողության դեպքում իրավական պատասխանատվության խստացմանը և այլն։
