Հակակոռուպցիոն կոմիտեի գործունեության գնահատում

«Թրանսփարենսի Ինթերնեշնլ հակակոռուպցիոն կենտրոն» ՀԿ

Հետազոտության նպատակն է աջակցել Հայաստանի Հանրապետության կառավարությանը և Հակակոռուպցիոն կոմիտեին՝ հիմնական մասնագիտացված իրավապահ հակակոռուպցիոն մարմնի գործունեության բարելավման միջոցով ամրապնդելու Հայաստանում կոռուպցիայի դեմ պայքարի ինստիտուցիոնալ մեխանիզմները և բարձրացնելու կոռուպցիոն հանցագործությունների նախականխման, բացահայտման և հետապնդման արդյունավետությունը:

Հակակոռուպցիոն կոմիտեի կարողությունների ու գործունեության գնահատման համար հիմք են ընդունվել «Հակակոռուպցիոն կոմիտեի մասին» ՀՀ օրենքով, ՀՀ քրեական դատավարության և ՀՀ քրեական օրենսգրքերով, ինչպես նաև առանձին ոլորտային օրենքներով Հակակոռուպցիոն կոմիտեին վերապահված գործառույթների ու լիազորությունների իրականացման սահմանված պահանջները, որոնց հիման վրա տեղայնացվել և օգտագործվել է «Հակակոռուպցիոն մարմինների կարողությունների զարգացման» ԹԻ գործիքը։