Գլխավոր էջ Նորություններ Նոր հասարակական կարծիքի ուսումնասիրության համաձայն պետությունները բավարար միջոցներ չեն ձեռնարկում կոռուպցիայի դեմ պայքարում
Նորություններ
2006 Դեկ
7

Նոր հասարակական կարծիքի ուսումնասիրության համաձայն պետությունները բավարար միջոցներ չեն ձեռնարկում կոռուպցիայի դեմ պայքարում

Նոր հասարակական կարծիքի ուսումնասիրության համաձայն պետությունները բավարար միջոցներ չեն ձեռնարկում կոռուպցիայի դեմ պայքարում

Կոռուպցիայի համաշխարհային բարոմետրի ցուցանիշներով ոստիկանությունը, քաղաքական կուսակցություններն ու խորհրդարաններն ամենավարկաբեկվածն են

7 դեկտեմբերի 2006թ., Բրյուսել/Բեռլին - Աշխարհի միլիոնավոր մարդիկ, առօրյա կյանքում առնչվելով կոռուպցիայի հետ, ցանկանում են, որ իրենց երկրներն անհապաղ միջոցներ ձեռնարկեն այն վերացնելու համար: Սա է «Թրանսփարենսի Ինթերնեշնլ»-ի 2006թ. Կոռուպցիայի համաշխարհային բարոմետրի եզրակացությունը, որը հրապարակվում է կոռուպցիայի դեմ պայքարի միջազգային օրվա` դեկտեմբերի 9-ի նախաշեմին:

«Բարոմետր 2006»-ը 62 երկրներում շուրջ 60.000 անձանց շրջանում հանրային կարծիքի հարցում է, որ «Թրանսփարենսի Ինթերնեշնլ»-ի համար անցկացրել է «Գելափ Ինթերնեշնլ»-ը: «Բարոմետր 2006»-ն ավելի խորությամբ է ուսումնասիրել կաշառակերությունը, քան երբ—է նախկինում, ցույց տալով կաշառակերության հանդեպ մարդկանց անձնական փորձն ու կոռուպցիային առավելապես ենթակա ոլորտները, կաշառք տալու հաճախականությունն ու չափը:

«Ողջ աշխարհում անցկացված սույն հարցումը ցույց է տալիս, որ կոռուպցիան հսկայական ազդեցություն ունի մարդկանց կյանքի վրա, նրա իշխանությունը հզոր է»,- կարծում է «Թրանսփարենսի Ինթերնեշնլ»-ի նախագահ Լաբելը: «Երբ չնչին կաշառք չտալու պատճառով աղքատները զրկվում են հիմնական ծառայությունների, օրինակ էլեկտրականության մատուցումից, և նրանց տանը լույս ու երեխաների համար ջերմություն չի լինում, ապա պետությունը պետք է անհապաղ միջոցներ ձեռնարկելու պատասխանատվություն ստանձնի»:

Հարցվածների 69%-ը գտնում է, որ իրենց երկրներում կոռուպցիայի դեմ պայքարը արդյունավետ չէ, կամ ոչ մի ջանք չի գործադրում այդ արատավոր երևույթի դեմ պայքարի համար կամ էլ նույնիսկ կոռուպցիան խրախուսվում է: Ընդամենը 22%-ն է իր երկրի գործադրած ջանքերը որակել որպես «արդյունավետ» կամ «խիստ արդյունավետ»:

Աշխարհում ամենից տարածվածը ոստիկանությանը տրվող կաշառքն է: Իրավապահ մարմինները թաղված են կոռուպցիայի մեջ, իսկ ամենակոռումպացվածներից երրորդ տեղում դատական իշխանություններն են:

Շարքային քաղաքացիների ընկալմամբ, միջին հաշվով, քաղաքական կուսակցությունները, ապա խորհրդարաններն ու օրենսդիրները, և նոր միայն ոստիկանությունն է մեծ չափով կրում կոռուպցիայի ազդեցությունը:

Դրականորեն ընկալվել են երեք հաստատություն` կրոնական մարմինները (2,8), ՀԿ-ները և գրանցում ու թույլատվություն շնորհող հաստատությունները (2,9-ական):

Նշում` Հայաստանը ներառված չէ այս տարվա Բարոմետրի ցուցակում:

2006թ. Բարոմետրի ամբողջական փաթեթը անգլերեն լեզվով գտնվում է այստեղ կամ կարող եք այցելել www.transparency.org հասցեյով: