Գլխավոր էջ Նորություններ Առաջին անգամ 17 տարվա մեջ Հայաստանը գրանցեց ԿԸՀ արժեքի զգալի բարելավում
Նորություններ
2020 Հուն
23

Առաջին անգամ 17 տարվա մեջ Հայաստանը գրանցեց ԿԸՀ արժեքի զգալի բարելավում

Հունվարի 23-ին «Մեդիա կենտրոնում» տեղի է ունեցել մամուլի ասուլիս «Կոռուպցիայի ընկալման համաթիվը (ԿԸՀ) 2019-ին. իրավիճակը Հայաստանում» թեմայով, որի ընթացքում ԹԻՀԿ ծրագրերի ղեկավար Վարուժան Հոկտանյանը ներկայացրել է Թրանսփարենսի Ինթերնեշնլ համաշխարհային հակակոռուպցիոն կազմակերպության ԿԸՀ ամենամյա զեկույցի, Հայաստանի և տարածաշրջանի այլ երկրների արդյունքները, Արևելյան Եվրոպայի և Կենտրոնական Ասիայի տարածաշրջանային վերլուծությունը, պատասխանել է լրագրողների հարցերին:

Հայաստանի ԿԸՀ արժեքը, որը 2019թ. հավասար է 42-ի (համաշխարհային միջինը՝ 43), նախորդ տարվա համեմատ աճել է 7 միավորով, և Հայաստանը, 180 երկիր ներառող ԿԸՀ դասակարգման 2019 թ. աղյուսակում, 77-րդ հորիզոնականում է` հայտնվելով «ուշադրության արժանի երկրների» (countries to watch) ցանկում։

«Եթե 50-ը ընկալենք որպես ԿԸՀ գնահատման սահման, ապա մեր գրանցած արդյունքը՝ 42-ը, այդքան էլ փայլուն չէ: Այս զեկույցում մենք իրականում Հայաստանի մասով տեսնում ենք զգուշավոր լավատեսություն, սակայն պետք չէ խանդավառվել, այլ՝ շարունակել փոփոխությունների իրականացումը»,- նշել է Հոկտանյանը։

Armenian Public TV
Shantnews.am
hetq.am
azatutyun.am
civilnet.am
a1plus.am
FactorTV
news.am
1inTV
tert.am
panorama.am
aravot.am
banks.am
hy.armradio.am
scannews.am