Գլխավոր էջ Նորություններ Եթե տնտեսության մեջ մոնոպոլիաների, օլիգոպոլիաների գերիշխանությունը շարունակվի, հակակոռուպցիոն քայլերը բավարար չեն լինի. Վ. Հոկտանյան
Նորություններ
2019 Հուլ
14

Եթե տնտեսության մեջ մոնոպոլիաների, օլիգոպոլիաների գերիշխանությունը շարունակվի, հակակոռուպցիոն քայլերը բավարար չեն լինի. Վ. Հոկտանյան

Tert.am-ի հետ զրույցում Թրանսփարենսի Ինթերնեշնլ հակակոռուպցիոն կենտրոնի ծրագրերի ղեկավար Վարուժան Հոկտանյանն անդրադարձել է ՀՀ հակակոռուպցիոն քաղաքականության խորհրդի կազմին, կոռուպցիայի հաղթահարմանը տնտեսական հեղափոխության, այլ բարեփոխումների միջոցով, կուսակցական համակարգի հետ կապված խնդիրներին:

«Բացի քաղաքական կամքից, օրենքի գերակայության հաստատումից հակակոռուպցիոն քաղաքականությունը պետք է բխի ընդհանուր քաղաքական, տնտեսական և սոցիալական բարեփոխումների տրամաբանությունից: Պիտի համակարգային դիտարկել, չպետք է տնտեսության մեջ այս վիճակը շարունակվի՝ մոնոպոլիաների, օլիգոպոլիաների գերիշխանությունը շարունակվի, քաղաքական դաշտում լուրջ կուսակցական համակարգը չկայանա, սոցիալական այս անհավասարությունը մնա ու փորձենք ինչ-որ լուծումներով հաջողությունների հասնել կոռուպցիայի դեմ պայքարում, քաղաքական կամքը այդ դեպքում չի հերիքի:

Չե՞ք տեսնում, ռեֆորմներ առայժմ չկան, ես դա դատում եմ ընդհանուր տնտեսական վիճակից, երբ որ տնտեսական աճի գերակշռող մասը ապահովում է խաղատների բիզնեսի և ավտոմեքենաների վաճառքի շնորհիվ», - մանրամասնել է Վարուժան Հոկտանյանը:

Սկզբնաղբյուրը` Tert.am