Գլխավոր էջ Նորություններ Կոռումպացված լինելու թույլտվությունն ու արատավոր շղթան. պայքարի ուղիները՝ ըստ Վարուժան Հոկտանյանի
Նորություններ
2018 Մայ
16

Կոռումպացված լինելու թույլտվությունն ու արատավոր շղթան. պայքարի ուղիները՝ ըստ Վարուժան Հոկտանյանի

Նոր իշխանությունների առջև ծառացած կարևորագույն խնդիրներից մեկը կոռուպցիան է, որի դեմ պայքարելու պատրաստակամության մասին արդեն հայտարարվել է: Թրանսփարենսի Ինթերնեշնլ հակակոռուպցիոն կենտրոնի ծրագրերի ղեկավար Վարուժան Հոկտանյանը Past.am-ի հետ զրույցում նշել է, որ պայքարը նաև կոռումպացված ռեժիմի դեմ էր: ժամանակավոր կառավարության համար այս փուլում եղած օրենքները կյանքի կոչելը կլինի քաղաքական կամքի դրսևորում:

Հոկտանյանը հուսով է, որ կկազմակերպվեն պատշաճ խորհրդարանական ընտրություններ: Առաջին լրջագույն քայլն այդ ընտրություններում կոռուպցիոն դրսևորումների` ձայների վաճառք, վարչական ռեսուրսի չարաշահում և այլն, բացառումը կլինի:

Այդ համակարգի դեմոնտաժը ենթադրում է

  • լրջագույն բարեփոխումներ,
  • տնտեսական, քաղաքական ու սոցիալական ոլորտներում նոր մոդելի ստեղծում:

Այսօրվա դրությամբ կոռուպցիայի առումով ամենախոցելի ոլորտներն են

  • իրավապահ մարմինները` ՀՀ ոստիկանությունը, ՀՀ քննչական կոմիտեն, ՀՀ հատուկ քննչական ծառայությունը
  • հանային ծառայողները
  • դատական համակարգը:

Ըստ Հոկտանյանի` չպետք է ունենանք այսպիսի դատական համակարգ, որը «դու ինձ, ես քեզ» սկզբունքով լիովին կախված էր գործադիրից, ավելի կոնկրետ՝ Բաղրամյան 26-ից: Դրա արդյունքում կոռումպացված լինելու թույլտվություն էին ստանում:

Եթե հեղափոխության առաջնորդների ասածները կյանքի կոչվեն, մենք կունենանք դրական դինամիկա: Ես շատ վատ չեմ զգա, եթե, օրինակ, երկու տարվա կտրվածքով մեծ արդյունք չունենանք: Կարևորն այն է, որ զարգացումը ճիշտ ուղղությամբ գնա:

Տես Past.am-ի նյութը