Գլխավոր էջ Նորություններ lratvakan.am. ընտրական օրենսգրքի ենթատեքստերը «Թարմ ուղեղով» հաղորդաշարում
Նորություններ
2016 Մար
30

lratvakan.am. ընտրական օրենսգրքի ենթատեքստերը «Թարմ ուղեղով» հաղորդաշարում

Լրատվական ռադիոյի եթերում «Թարմ ուղեղով» հաղորդաշարի հյուրը Թրանսփարենսի Ինթերնեշնլ հակակոռուպցիոն կենտրոնի (ԹԻՀԿ) գործադիր տնօրեն Վարուժան Հոկտանյանն է: Նոր օրենսգրքով լինելու է քողարկված մեծամասնական, անուղղակի ռեյտինգային քվեարկություն: Ըստ Հոկտանյանի՝ չկա լուրջ ցանկություն, միտում ընդունելու քաղաքացիական հասարակության և ընդդիմության  առաջարկները: Այն, ինչ սպասվում էր ՀՀ ընտրական օրենսգրքից, ունեցանք: Կա մի նախագիծ, որը առավելագույնս հեշտացնելու է վերնախավի շահերը ներկայացնող իշխող քաղաքական ուժի՝ իշխանության մեջ մնալը և որևէ կերպ չի արտացոլում քաղաքացու շահը:

Իշխանությունը նախորդ ընտրություններից 3 դաս քաղեց՝ հասկացավ, որ քաղաքացիական հասարակության կողմից ընտրությունները վերահսկելու հայտը լուրջ քաղաքական գործոն է դարձել, պարզ դարձավ, որ առանց վարչական ռեսուրսի չարաշահման ու թաղային հեղինակությունների ընտրություններում հաղթել հնարավոր չէ, գնահատեց Հայաստանից դուրս գտնվող քաղաքացիներին քվեարկության հնարավորությունը:

Բացի առանցքային ու հիմնական խնդիրներից, Հոկտանյանն անդրադարձել է այլ մտահոգիչ խնդիրների, այդ թվում որ Երևան, Գյումրի, Վանաձոր համայնքների ղեկավարներն ընտրվում են ոչ անմիջականորեն՝ ընտրողների կողմից, բողոքարկման գործընթացների հետ կապված կան լուրջ թերություններ, անկատար է նախընտրական քարոզչության ֆինանսավորման հարցը: