Ընդհանուր տեղեկություններ
Թրանսփարենսի Ինթերնեշնլ հակակոռուպցիոն կենտրոնը (այսուհետ` ԹԻՀԿ) հիմնադրվել է 2000 թ. և գործում է որպես Թրանսփարենսի Ինթերնեշնլ (ԹԻ) կոռուպցիայի դեմ պայքարող համաշխարհային շարժման հավատարմագրված ներկայացուցչություն Հայաստանում: Կազմակերպության առաքելությունն է կոռուպցիան նվազեցնելու և ժողովրդավարությունն ամրապնդելու միջոցով նպաստել լավ կառավարմանը Հայաստանում: Կազմակերպության նպատակների թվում են՝ աջակցել արդյունավետ հակակոռուպցիոն քաղաքականությանը և թափանցիկ ու հաշվետու կառավարմանը, խթանել ազատ և արդար ընտրությունների անցկացումը և հանրային ռեսուրսների թափանցիկ ու հաշվետու կառավարումը:
Ծառայության նպատակը
Իրականացնել կազմակերպության գործունեության՝ ծրագրերի և արդյունքների վիզուալացումը հանրամատչելի ձևաչափերով , ինչպես նաև մշակել կազմակերպության հրապարակումների և զեկույցների և այլ անհրաժեշտ նյութերի դիզայնը՝ կայքում և սոցիալական մեդիայում տեղադրելու նպատակով։
Աշխատանքի ծավալը
Ծառայության մատուցողից ակնկալվում է իրականացնել հետևյալ առաջադրանքները.
- Մշակել կազմակերպության նյութերի (տեղեկատվական, առաջխաղացման նյութեր, հրապարակումներ և հաշվետվություններ, հրավերներ և այլն) դիզայնը սահմանված ժամկետներում
- Վիզուալիզացնել կազմակերպության գործունեության ծառայությունները և արդյունքները հանրամատչելի ձևով՝ մշակելով ինֆոգրաֆներ, պաստառներ (poster) և այլ նյութեր սահմանված ժամկետներում
Ակնկալվող արդյունքները
- Մշակված ինֆոգրաֆներ, պոստերներ, ֆլայերներ և այլն
- Տեղեկատվական և առաջխաղացման նյութերի, ինչպես նաև հրապարակումների, զեկույցների, բուկլետների դիզայնի աշխատանքներ
Պահանջվող որակավորում
- Գրաֆիկական դիզայների 2 տարվա աշխատանքային փորձ
- Adobe Illustrator Adobe Photoshop և Corel Draw ծրագրերի իմացություն
- Վիզուալ նյութերի՝ ինֆոգրաֆներ, պաստառներ մշակելու հմտություններ
- Հասարակական կազմակերպությունների և միջազգային կառույցների հետ աշխատելու փորձառությունը ցանկալի է
Ժամկետներ
Ծառայության մատուցումը կիրականացվի երկարաժամկետ՝ ըստ կազմակերպության ընթացիկ կարիքների։
Տեխնիկական գնահատում
Թեկնածուի ընտրությունը կիրականացվի հետևյալ չափորոշիչների հիման վրա՝
- պահանջվող որակավորում և փորձ (20%)
- կազմակերպությունների ցանկը, որոնց համար թեկնածուն կատարել է նմանատիպ առաջադրանքներ (20%)
- ծառայության արժեք (30%)
- ծառայության որակ (30%)
Դիմելու ընթացակարգը՝
Հետաքրքրված անհատները պետք է ներկայացնեն հետևյալ փաստաթղթերը՝
- Ինքնակենսագրական
- Ծառայության արժեք՝ ըստ մշակված նյութերի տեսակների
- Մշակված նյութերի դիզայնի և/կամ ինֆոգրաֆների նմուշներ (portfolio)
- Կազմակերպությունների ցանկը, որոնց համար թեկնածուն կատարել է նմանատիպ առաջադրանքներ
- Երկու երաշխավորագիր:
Խնդրում ենք վերը նշված փաստաթղթերը ուղարկել անգլերենով կամ հայերենով էլեկտրոնային փոստով [email protected] հասցեին՝ որպես նամակի թեմա նշելով «Գրաֆիկական դիզայնի ծառայություններ» մինչև 2017 թ. սեպտեմբերի 17-ը:
