Ընտրական գործընթացների վերաբերյալ ուսուցողական տեսանյութերի պատրաստման մրցույթի հրավեր
Ծառայության նկարագրություն և ակնկալվող արդյունքներ
Թրանսփարենսի Ինթերնեշնլ հակակոռուպցիոն կենտրոնը հրավիրում է անհատներին և կազմակերպություններին ներկայացնելու հայտեր՝ ընտրական գործընթացների վերաբերյալ տեղեկատվական տեսանյութերի (այդ թվում՝ անիմացիոն տարրերով տեսանյութեր, սլայդ-դասախոսություններ, հարցազրույցներ) պատրաստման համար։ Ակնկալվում է իրականացնել նկարահանման, մոնտաժի, վիդեոսլայդի պատրաստման, հնչյունավորման և համանման այլ աշխատանքներ։
Ծառայության արդյունքում ակնկալվում է տեսանյութերի պատրաստում երիտասարդների համար ըստ հետևյալ ձևաչափերի․
- Փոդքաստ (առավելագույնը 30 րոպե), որի ընթացքում պետք է ապահովել նաև ժեստերի լեզվով թարգմանություն
- Տեսանյութ բանախոսության ձևաչափով (առավելագույնը 10 րոպե)
- Տեսանյութ, որը կպարունակի որոշ անիմացիոն լուծումներ (առավելագույնը 10 րոպե)
- Անիմացիոն տեսանյութ (առավելագույնը 5 րոպե)
- Ժեստերի լեզվով թարգմանության նկարահանում (թարգմանության ապահովում և նկարահանում)
Տեսանյութերի լեզուն հայերենն է։ Տեսանյութերի բովանդակությունը նախապես կտրամադրվի կազմակերպության կողմից։
Ժամկետներ
Հայտերի ներկայացման վերջնաժամկետը 2026 թ. հունվարի 16-ն է: Ծառայության մատուցումը նախատեսվում է սկսել հունվարի վերջին։ Տեսանյութերի պատրաստման վերջնաժամկետը 2026 թ. հունիսի 5-ն է։
Տեխնիկական գնահատում
Հայտերի ընտրությունը կիրականացվի հետևյալ չափորոշիչների հիման վրա՝
- Իրականացված նմանատիպ աշխատանքների օրինակներ (30%)․
- Նմանատիպ առաջադրանքների իրականացման փորձ և կազմակերպությունների ցանկ, որոնց համար թեկնածուն կատարել է նմանատիպ առաջադրանք (30%)․
- Ծառայության արժեք (40%):
Դիմելու ընթացակարգ
Հետաքրքրված անհատները կամ կազմակերպությունները կարող են դիմել՝ ներկայացնելով հետևյալ փաստաթղթերի փաթեթը՝
- Գնային առաջարկ, որը պետք է ներառի յուրաքանչյուր ձևաչափի համար ներկայացված գնառաջարկ` մեկ րոպեի արժեքով
- Հայտատուի համառոտ կենսագրությունը (անհատների դեպքում)․
- Հայտատուի՝ նախկինում իրականացրած առնվազն 2 նմանատիպ աշխատանքների օրինակներ/հղումներ/․
- Կազմակերպությունների ցանկ, որոնց համար անհատը/կազմակերպությունը կատարել է նմանատիպ առաջադրանքներ։
Խնդրում ենք վերը նշված փաստաթղթերն ուղարկել հայերենով՝ [email protected] էլեկտրոնային հասցեին մինչև 2026 թ. հունվարի 16-ը՝ որպես նամակի թեմա նշելով «Ուսուցողական տեսանյութի պատրաստում»:
Լրացուցիչ հարցերի դեպքում խնդրում ենք զանգահարել 091569689 հեռախոսահամարով։
Կազմակերպության մասին
«Թրանսփարենսի Ինթերնեշնլ հակակոռուպցիոն կենտրոն» հասարակական կազմակերպությունը հիմնադրվել է 2000թ.՝ ներկայացնելով Թրանսփարենսի Ինթերնեշնլ համաշխարհային հակակոռուպցիոն շարժումը Հայաստանում: Կազմակերպության հիմնական արժեքներն են թափանցիկությունը, հաշվետվողականությունը, օրինավորությունը, համարձակությունը, արդարությունը և ժողովրդավարությունը:
Կազմակերպության առաքելությունն է խթանել լավ կառավարման և ժողորդավարայկան գործընթացները ՝ հանուն պետականության ամրապնդման և կոռուպցայից զերծ Հայաստանի:
