Կազմակերպության ֆինանսական կայունության բարելավման ուղիների և մեխանիզմների մշակման մրցույթի հրավեր

Ընդհանուր տեղեկություններ

Թրանսփարենսի Ինթերնեշնլ հակակոռուպցիոն կենտրոնը (ԹԻՀԿ) հիմնադրվել է 2000 թ. և գործում է որպես Թրանսփարենսի Ինթերնեշնլ (ԹԻ) հակակոռուպցիոն համաշխարհային շարժման հավատարմագրված ներկայացուցիչը Հայաստանում: Կազմակերպության առաքելությունն է խթանել լավ կառավարման և ժողովրդավարական գործընթացները՝ հանուն պետականության ամրապնդման և կոռուպցիայից զերծ Հայաստանի։

ԹԻՀԿ նպատակներն են կանխարգելել կոռուպցիան, նպաստել իրավունքի գերակայությանը, պաշտպանել հանրային ռեսուրսները հանրային գույքի ու ֆինանսների պատասխանատու կառավարմանը և հանրությանը մատուցվող ծառայությունների արդյունավետությանը, խթանել օրինավորությունը քաղաքականության մեջ ազատ և արդար ընտրությունների կայացմանը, խթանել քաղաքացիական առաջնորդությունը։

ԹԻՀԿ-ն հայտարարում է խորհրդատվական ծառայության մատուցման մրցույթ կազմակերպության ֆինանսական կայունության բարելավման ուղիների և մեխանիզմների մշակման նպատակով։

Ծառայության նկարագրություն

Նպատակը

Ծառայության նպատակն է բարելավել կազմակերպության ֆինանսական կայունությունը՝ զարգացնելով ինքնաֆինանսավորման և եկամուտների բազմազանեցման հնարավորությունները։

Ծառայության շրջանակը

• գնահատել ԹԻՀԿ-ի առկա և հնարավոր ֆինանսավորման աղբյուրները և ծառայությունների մատուցման ներուժը,
• իրականացնել ԹԻՀԿ-ի առկա և պոտենցիալ ծառայությունների շուկայի ուսումնասիրություն (օգտագործելով ծախսարդյունավետ մեթոդներ և մասնակցային մոտեցումներ)՝ պարզելու պահանջարկը, մրցակցային միջավայրը և գնային քաղաքականությունը,
• մշակել ԹԻՀԿ-ի ծառայությունների (այդ թվում՝ վճարովի) պորտֆոլիո՝ ներառյալ յուրաքանչյուր ծառայության նկարագրությունը, թիրախային խմբերը, ինքնարժեքը և գնագոյացման մեխանիզմը,
• պատրաստել մարքեթինգային ռազմավարություն/պլան՝ շուկայում դիրքավորման և առաջխաղացման մեթոդներով,
• ներկայացնել ամփոփ զեկույց՝ ներառելով մշակված գործիքներ և առաջարկություններ հետագա իրագործման համար։

Ակնկալվող արդյունքներ և ժամկետներ

Պահանջվող որակավորում

Ծառայությունների մատուցման համար կարող են դիմել ինչպես կազմակերպություններ, այնպես էլ անհատներ հետևյալ որակավորումներով՝

• բարձրագույն կրթություն՝ տնտեսագիտության, կառավարման, մարքեթինգի կամ հարակից ոլորտներում,
• առնվազն 5 տարվա փորձ՝ խորհրդատվության, բիզնես զարգացման, սոցիալական ձեռնարկատիրության և/կամ շուկայի վերլուծության ոլորտում,
• հասարակական կազմակերպությունների և սոցիալական ձեռնարկությունների հետ աշխատանքի փորձ,
• վերլուծական, հաղորդակցական հմտություններ և համագործակցման ունակություն։

Տևողություն և վարձատրություն

Խորհրդատվությունը կիրականացվի 2025 թ․ դեկտեմբեր-2026 թ․ մարտ ամիսների ընթացքում։ Վարձատրությունը կհամաձայնեցվի խորհրդատուի հետ՝ ըստ փորձի և ֆինանսական առաջարկի՝ փուլային վճարումներով։

Տեխնիկական գնահատում

Դիմորդ կազմակերպությունների/անհատների ընտրությունը կիրականացվի հետևյալ չափորոշիչների հիման վրա՝

• առաջարկվող նախնական մեթոդաբանություն/մոտեցումներ (30 %),
• առկա որակավորում և փորձ (40 %),
• ծառայության արժեք (30 %)։

Դիմելու ընթացակարգ

Հետաքրքրված կազմակերպությունները/անhատները կարող են ներկայացնել հետևյալ փաստաթղթերի փաթեթը՝

• տեխնիկական առաջարկ՝ ուսումնասիրության նախնական մեթոդաբանության, մոտեցումների և ժամկետների ներառմամբ,
• ֆինանսական առաջարկ՝ խորհրդատվության ընդհանուր արժեքով
• կենսագրական (ններ) (CV)՝ համապատասխան փորձի և հմտությունների նկարագրությամբ,
• նմանատիպ աշխատանքների օրինակներ (եթե առկա են),
• կազմակերպությունների ցանկ, որոնց հետ համագործակցել են նմանատիպ նախագծերում,
• առնվազն երկու երաշխավորող անձի կոնտակտ։

Խնդրում ենք վերը նշված փաստաթղթերն անգլերենով կամ հայերենով ուղարկել [email protected] էլեկտրոնային հասցեին՝ որպես նամակի թեմա նշելով

«Խորհրդատվության ծառայության մրցույթ», մինչև նոյեմբերի 30-ը ներառյալ։

Ծրագիրը ֆինանսավորվել է Միացյալ Թագավորության միջազգային զարգացման աջակցության շրջանակում Միացյալ Թագավորության կառավարության կողմից։