Կոռուպցիայի վերաբերյալ ուսուցողական տեսանյութերի պատրաստման մրցույթի հրավեր
Ծառայության նկարագրություն և ակնկալվող արդյունքներ
Թրանսփարենսի Ինթերնեշնլ հակակոռուպցիոն կենտրոնը հրավիրում է անհատներին և կազմակերպություններին ներկայացնելու հայտեր՝ կոռուպցիայի և դրա դեմ պայքարի մասին կրթական տեսանյութերի (այդ թվում՝ անիմացիոն տարրերով տեսանյութերի, սլայ-դասախոսությունների, հարցազրույցների) պատրաստման համար։ Ակնկալվում է իրականացնել նկարահանման, մոնտաժի, վիդեոսլայդի պատրաստման, հնչյունավորման և համանման այլ աշխատանքներ։
Ծառայության արդյունքում ակնկալվում է 10 տեսանյութերի պատրաստում մինչև 10 րոպե տևողությամբ՝ երիտասարդների հակակոռուպցիոն կրթության իրականացման նպատակով` ըստ կազմակերպության հետ քննարկված ֆորմատների։ Տեսանյութերի լեզուն հայերենն է։ Տեսանյութերի բովանդակությունը նախապես կտրամադրվի կազմակերպության կողմից։
Ժամկետներ
Հայտերի ներկայացման վերջնաժամկետը 2024 թ. մարտի 18-ն է: Ծառայության մատուցումը նախատեսվում է սկսել մարտի 20-ից։ Տեսանյութերի պատրաստման վերջնաժամկետը 2024 թ. մայիսի 31-ն է։
Տեխնիկական գնահատում
Հայտերի ընտրությունը կիրականացվի հետևյալ չափորոշիչների հիման վրա՝
- Իրականացված նմանատիպ աշխատանքների օրինակներ (30%)․
- Նմանատիպ առաջադրանքների իրականացման փորձ և կազմակերպությունների ցանկ, որոնց համար թեկնածուն կատարել է նմանատիպ առաջադրանք (30%)․
- Ծառայության արժեք (40%):
Դիմելու ընթացակարգ
Հետաքրքրված անհատները կամ կազմակերպությունները կարող են դիմել՝ ներկայացնելով հետևյալ փաստաթղթերը՝
- Հայտ (օրինակը՝ կից)․
- Հայտատուի համառոտ կենսագրությունը (անհատների դեպքում)․
- Հայտատուի՝ նախկինում իրականացրած առնվազն 2 նմանատիպ աշխատանքների օրինակներ/հղումներ/․
- Կազմակերպությունների ցանկ, որոնց համար անհատը/կազմակերպությունը կատարել է նմանատիպ առաջադրանքներ։
Խնդրում ենք վերը նշված փաստաթղթերն ուղարկել հայերենով՝ [email protected] էլեկտրոնային հասցեին մինչև ՝ որպես նամակի թեմա նշելով «Ուսուցողական տեսանյութի պատրաստում»:
Լրացուցիչ հարցերի դեպքում խնդրում ենք զանգահարել 077170255 հեռախոսահամարով։
Կազմակերպության մասին
Թրանսփարենսի Ինթերնեշնլ հակակոռուպցիոն կենտրոնը հիմնադրվել է 2000թ.-ին և հանդիսանում է կոռուպցիայի դեմ պայքարող «Թրանսփարենսի Ինթերնեշնլ» համաշխարհային շարժման հավատարմագրված ներկայացուցչությունը Հայաստանում: Կազմակերպության առաքելությունն խթանել լավ կառավարման և ժողովրդավարական գործընթացները՝ հանուն պետականության ամրապնդման և կոռուպցիայից զերծ Հայաստանի։
