2009թ. Կոռուպցիայի համաշխարհային զեկույցը ցույց է տալիս, որ կոռումպացված բիզնեսը միլիարդների վնաս է հասցնում, խաթարում է առևտուրը, զարգացումն ու սպառողներին
«Կոռուպցիան և մասնավոր հատվածը. 2009թ. Կոռուպցիայի վերաբերյալ համաշխարհային զեկույցը», որ հրապարակվել է ս.թ. սեպտեմբերի 23-ին Նյու Յորքում, ներկայացնում է ավելի քան 75 փորձագետների, որ հետազոտել են կորպորատիվ կոռուպցիայի մասշտաբները, ընդգրկվածությունը և աղետաբեր հետևանքները և 45 երկրների վերաբերյալ խորացված զեկույցներ, ինչպես նաև լավագույն գործելակերպի օրինակներ և գործնական հանձնարարականներ: Հայաստանի վերաբերյալ զեկույցում ներկայացված են 2007թ. հունիսի 1-ից մինչև 2008թ. մայիսի 31-ն ընկած ժամանակահատվածում հանրապետությունում հակակոռուպցիոն բնագավառում իրականացված հիմնական իրավական և ինստիտուցիոնալ փոփոխությունները:
Տարվա թեման` «Կոռուպցիան և մասնավոր հատվածը», արտացոլված է հոդվածի երկու բաժիններում, որոնցում նկարագրված են պետական մարմինների կողմից «Ռոյալ Արմենիա» և «ԳԱԼԱ» ընկերությունների նկատմամբ իրականացված հալածանքները:
Կոռուպցիայի վերաբերյալ համաշխարհային զեկույցը «Թրանսփարենսի Ինթերնեշնլ»-ի ամենամյա լավագույն հրապարակումներից է և ընդգրկում է աշխարհով մեկ իրականացված փորձագիտական հետազոտություններ և վերլուծություններ` ուշադրության կենտրոնում ունենալով կոռուպցիային առնչվող թեմաները:
Մանրամասների համար տես Մամուլի հաղորդագրության տեքստը
Հայաստանի վերաբերյալ զեկույցի տեքստը
«Կոռուպցիայի վերաբերյալ 2009թ համաշխարհային զեկույցի» փաստաթղթերի ամբողջական փաթեթը անգլերեն լեզվով