Ամփոփում ենք ուսուցիչների հակակոռուպցիոն գիտելիքներով հագեցած վերապատրաստման ծրագիրը։

Անցած երեք օրերի ընթացքում «Հասարակագիտություն» առարկայի 20 ուսուցիչներ մասնակցեցին ԹԻՀԿ «Հակակոռուպցիոն կրթությունը «Հասարակագիտություն» առարկայում» վերապատրաստման ծրագրին: Նրանք ակտիվորեն մասնակցեցին բանախոսություններին, քննարկումներին և խմբային աշխատանքներին՝ ձեռք բերելով արժեքավոր գիտելիքներ կոռուպցիայի դեմ պայքարի գործում:

Ծրագրի ընթացքում փորձառու բանախոսները ներկայացրերցին կոռուպցիան և դրա վնասակար հետևանքները մարդու իրավունքների, ժողովրդավարության, տնտեսության, ազգային անվտանգության և մի շարք այլ ոլորտներում:

Վերապատրաստման ընթացքում ուսուցիչները ծանոթացան բարեվարքության համակարգին, մանկավարժական աշխատողների վարքագծի կանոններին: Նրանք ուսումնասիրեցին բարեվարքության արժեքներով առաջնորդվելու անհրաժեշտությունը կոռուպցիայի կանխարգելման գործում և քննարկեցին մանկավարժի բարեվարք կերպարի կարևորությունը դպրոցում:

Այսօր արդեն մանկավարժները վերադառնում են իրենց դպրոցներ՝ զինված պրակտիկ գիտելիքներով և դրանք աշակերտների ու գործընկերների շրջանում տարածելու մեծ ցանկությամբ:

Ծրագիրն իրականացվում է Շվեդիայի կառավարության աջակցությամբ։