Գլխավոր էջ Հայտարարություններ

Հայտարարություններ

13.03.2009

Հանցագործությունների շղթայի հերթական օղակը

2009 թվականի մարտի 13-ին Բրյուսովի անվան լեզվաբանական համալսարանի նախասրահում մասնագիտական պարտականությունները կատարելիս ծեծի է ենթարկվել ֆոտոլրագրող Գագիկ Շամշյանը: Վերջինս արյունահոսություն է ունեցել և տեղափոխվել հիվանդանոց: Հայտնի են այդ բռնությունը կատարողները:


09.12.2008

Այսօր կոռուպցիայի դեմ պայքարի միջազգային օրն է

9 դեկտեմբերի, 2008թ. Երևան: Տեղական և միջազգային փորձագետները վկայում են, որ կոռուպցիան Հայաստանում համատարած է ու կրում է համակարգային բնույթ. այսինքն և ոչ մի ոլորտ կամ ինստիտուտ զերծ չի մնացել այդ արատավոր երևույթից: Կոռուպցիան շարունակում է քայքայել մեր պետականությունը, տնտեսությունը և բարոյականությունը: Չանդրադառնալ քաղաքական և վարչական կոռուպցիայի դեմ լուրջ և իրական պայքարին` նշանակում է վտանգել երկրի ներկան և ապագան:


03.12.2008

ԵԽԽՎ թիվ 1609 և 1620 բանաձևեր

Մենք` ներքոստորագրյալներս, խիստ մտահոգված ենք այն փաստով, որ ժողովրդավարական գործընթացները վերականգնելու նվազագույն պահանջները, որոնք շարադրված են ԵԽԽՎ թիվ 1609 և 1620 բանաձևերում և որոնք հրատապ են ճանաչվել ՀՀ կառավարության կողմից, չեն իրականացվել, փոխարենը իշխանությունների կողմից նոր սահմանափակումներ են կիրառվում: Մենք, մասնավորապես, մտահոգված ենք հավաքների ազատության հիմնարար իրավունքով, որն ամրագրված է Մարդու իրավունքների հռչակագրով և ՀՀ սահմանադրությամբ:


18.11.2008

Հարձակում Էդիկ Բաղդասարյանի վրա

2008 թ. նոյեմբերի 17-ի երեկոյան Երևանում հարձակման և ծեծի է ենթարկվել «Հետաքննող լրագրողներ» ՀԿ նախագահ և «Հետք» էլեկտրոնային թերթի գլխավոր խմբագիր Էդիկ Բաղդասարյանը: Լրագրողը ստացել է ուղեղի ցնցում, «Սուրբ Գրիգոր Լուսավորիչ» բժշկական կենտրոնում նրա գլխին մի քանի կար են դրել:


15.09.2008

Հայտարարություն ՀՄՀ-Հայաստան ծրագրի Շահառուների Խորհրդի երրորդ գումարման ընտրություններում թեկնածություն չառաջադրելու և որևէ թեկնածություն չպաշտպանելու մասին

Մենք` ներքոստորագրյալ կազմակերպությունների ներկայացուցիչներս ՀՄՀ-Հայաստան ծրագրի նախապատրաստական և իրականացման անցած փուլերում մեծ շահագրգռությամբ մասնակցել ենք ծրագրի հնարավոր թիրախների մշակմանը, Շահառուների խորհրդի (ՇԽ) կազմավորման կարգի մշակմանը, ընտրությունների կազմակերպմանն ու անցկացմանը, մոնիտորինգ և հանրային իրազեկում ենք իրականացրել` հնարավորինս ապահովելու ծրագրային գործընթացների թափանցիկությունը:


13.09.2008

Հայտարարություն Սևանա լճի մասին

Մենք` Հայաստանի Հանրապետության ներքոստորագրյալ քաղաքացիական հասարակության ներկայացուցիչներս հայտնում ենք մեր խորը մտահոգությունը և վրդովմունքը Հայաստանում շրջակա միջավայրի վերաբերյալ վերջին ժամանակաշրջանում ընդունվող որոշումների ապազգային բնույթի և անօրինական գործընթացների կապակցությամբ, մասնավորապես նկատի ունենալով 2008թ. օգոստոսի 14-ին ՀՀ ազգային ժողովի կողմից ՀՀ կառավարության նախաձեռնությամբ ընդունված` Սևանա լճից ջրի բացթողումները մինչև 360 մլն. խոր. մետր (նախորդ տարիների համեմատ 2 անգամ ավելի) ավելացնելու մասին որոշումը:


21.08.2008

Հայտարարություն

Մեզ` հասարակական կազմակերպությունների ներկայացուցիչներիս խորապես մտահոգում է այն, որ ոչ միայն պահպանվում է ՀՀ իշխանությունների ավանդական դարձած անգործությունը, այլև, որ դատական ու իրավապահ մարմինների պաշտոնյաներն են դառնում լրագրողների օրինական մասնագիտական գործունեությունը խոչընդոտողներ: Մենք ահազանգում ենք. մամուլի նկատմամբ բռնություններն արդեն վտանգավոր սահմանագծին են հասել, և իշխանությունների ներկայացուցիչները պետք է ոչ թե վերացական մտահոգություններ հայտնեն և կոչեր անեն, այլ արդյունավետ քայլեր ձեռնարկեն, որպեսզի բռնություններ ու ապօրինություններ իրականացրած բոլոր անձինք հայտնաբերվեն և, անկախ զբաղեցրած պաշտոնից, պատժվեն օրենքի ողջ խստությամբ: