Գլխավոր էջ Հայտարարություններ

Հայտարարություններ

05.08.2021

Հայտարարություն 2030 թվականի ՀՀ կառավարության ռազմավարության փաթեթի նախագծի վերաբերյալ

ԹԻՀԿ-ը հայտարարություն է տարածել 2030 թվականի ՀՀ կառավարության հանրային կառավարման բարեփոխումների մինչև 2030 թվականի ռազմավարության փաթեթի նախագծի վերաբերյալ։ Հայտարարությունը ներկայացնում ենք ամբողջությամբ։


31.07.2021

Հայտարարություն Հակակոռուպցիոն կոմիտեի նախագահի ընտրության մրցութային խորհրդում անդամությունը դադարեցնելու վերաբերյալ

Հաշվի առնելով, որ ԹԻՀԿ-ն մրցութային խորհրդում իր մասնակցության միջոցով հնարավորություն չի ունեցել լիարժեքորեն նպաստելու կոմիտեի նախագահի թեկնածուների բարեվարքության և մասնագիտական որակների գնահատման և բարձր պաշտոնի համար արժանի թեկնածուների ընտրություն համար պատշաճ մեխանիզմների ձևավորմանը, այլևս նպատակահարմար չենք համարում մրցութային խորհրդում մեր ներկայացուցչի անդամության շարունակումը:


29.07.2021

Անհապաղ դիմել ՄԱԿ-ի ԱԽ և ԵԱՀԿ

Հաշվի առնելով Ադրբեջանի կողմից Հայաստանի տարածքային ամբողջականությունը խախտելու հետևանքով ստեղծված անվտանգային խնդիրները, միջազգային իրավունքի նորմերի կոպտագույն խախտումներով Ադրբեջանի կողմից ՀՀ տարածքային ամբողջականությունն ամիսներ շարունակ խախտելու հանգամանքը, պարբերական կերպով զինված բախումներ հրահրելու ադրբեջանական քաղաքականությունը, նորից կոչ ենք անում ՀՀ իշխանություններին օգտվել ՄԱԿ-ի կանոնադրությամբ ընձեռնված հնարավորություններից և անհապաղ դիմել ՄԱԿ-ի անվտանգության խորհուրդ՝ Ադրբեջանի կողմից իրականացված ագրեսիայի և Հայաստանի Հանրապետության տարածքային ամբողջականության խախտմամբ պայմանավորված միջազգային խաղաղության և անվտանգության սպառնալիքի առաջացման հիմքով։


19.07.2021

Ուղերձ ՀՀ Ազգային ժողովին` պատգամավորների ծախսերի ավելացման օրենսդրական փոփոխության մասին

Քաղացիական հասարակության ներկայացուցիչները հրապարակել են եկել ուղերձ ՀՀ Ազգային ժողովին` պատգամավորների ծախսերի ավելացման օրենսդրական փոփոխության մասին։


11.06.2021

Զրկել Ադրբեջանին Եվրո-2020-ի խաղերն ընդունելու իրավունքից

Հայաստանյան մի շարք հասարակական կազմակերպություններ կոչ են անում ՈՒԵՖԱ-ին՝ զրկել Ադրբեջանին ֆուտբոլի Եվրոպայի 2020թ․ առաջնության խաղերն ընդունելու իրավունքից։ 


09.06.2021

«Ականատես» դիտորդական առաքելության նախնական տեղեկանքը ՀՀ Ազգային ժողովի արտահերթ ընտրությունների վերաբերյալ

«Ականատես» դիտորդական առաքելությունը նախնական տեղեկանք է տարածել ՀՀ Ազգային ժողովի արտահերթ ընտրությունների մասին  (դիտարկման ժամանակահատվածը՝ մայիսի 1-հունիսի 6, 2021թ.)։


27.05.2021

ՔՀԿ Հայտարարություն․ԱՆՀԱՊԱՂ դիմել Միավորված ազգերի կազմակերպության Անվտանգության խորհրդին

Հայաստանի Հանրապետության քաղաքացիների անվտանգությունը ռիսկի տակ է: Անվտանգության ապահովման պատասխանատուն Հայաստանի Հանրապետության գործող կառավարությունն է, այլ ո՛չ Ադրբեջանը կամ ՀԱՊԿ-ը կամ Ռուսաստանը: ՀՀ վարչապետի կողմից ներկայացվող խաղաղ հանգուցալուծման պլանը բավարար լուծում չէ, և անհասկանալի է Հայաստանի համար ճակատագրական հարցով իրավասու կառույցներին չդիմելը:

Հաշվի առնելով վերոնշյալը՝ պահանջում ենք, որ Հայաստանի Հանրապետության կառավարությունը ԱՆՀԱՊԱՂ դիմի Միավորված ազգերի կազմակերպության Անվտանգության խորհրդին՝ քննարկելու 2020 թվականի աշնանը Արցախում սանձազերծած պատերազմից ի վեր տարածաշրջանում տիրող իրավիճակը, ինչպես նաև՝ ընթացք տա այլ պետությունների կողմից ներկայացված անվտանգության ապահովման հետ կապված առաջարկներին: