Գլխավոր էջ Մամլո հաղորդագրություններ

Մամլո հաղորդագրություններ

03.12.2014

Կոռուպցիայի ընկալման համաթիվ 2014. Մաքուր, կոռուպցիայից զերծ տնտեսական աճը վտանգված է

Կորպորատիվ ավելորդ գաղտնապահությունը, փողերի լվացման գլոբալ մասշտաբները դժվարացնում են զարգացող տնտեսություն ունեցող երկրներին պայքարել կոռուպցիայի դեմ

Երևան, 3 դեկտեմբերի, 2014թ.: Ինչպես այսօր նշում է Թրանսփարենսի Ինթերնեշնլ միջազգային հակակոռուպցիոն ոչ կառավարական կազմակերպությունը, կոռուպցիան հիմնախնդիր է բոլոր երկրների տնտեսությունների համար և այն առաջատար համաշխարհային ֆինանսական կենտրոններ հանդիսացող ԱՄՆ-ից և Եվրամիությունից պահանջում է գործել համատեղ ներկայումս արագ տեմպերով զարգացող երկրների հետ՝ թույլ չտալու, որպեսզի կոռումպացված պետական պաշտոնյաները մնան անպատիժ: 


13.11.2014

«Արևելյան գործընկերության երկրներում հասարակության ներգրավումը շահերի բախմանը վերաբերող քաղաքականության իրականացման դիտարկման գործընթացում» ծրագրի առաջին աշխատանքային տարվա արդյունքների ներկայացում

Թրանսփարենսի Ինթերնեշնլ հակակոռուպցիոն կենտրոնը (այսուհետ` ԹԻՀԿ) և Եվրասիա համագործակցություն հիմնադրամը (այսուհետ` ԵՀՀ) իրականացրել են համատեղ ուսումնասիրություն ՀՀ պետական մարմիններում շահերի բախման վերաբերյալ: Ուսումնասիրությունն անցկացվել է Եվրոպական Միության ֆինանսավորմամբ իրականացվող «Արևելյան գործընկերության երկրներում հասարակության ներգրավումը շահերի բախմանը վերաբերող քաղաքականության իրականացման դիտարկման գործընթացում» ծրագրի շրջանակներում՝ չորս երկրներում (Մոլդովա, Հայաստան, Լեհաստան և Ուկրաինա) վեց գործընկեր կազմակերպությունների կողմից (Թրանսփարենսի Ինթերնեշնլ - Մոլդովա, Բատորի հիմնադրամ (Լեհաստան), Հանրային քաղաքականության ինստիտուտ (Ուկրաինա) և Թրանսփարենսի Ինթերնեշնլ – Ուկրաինա), Թրանսփարենսի Ինթերնեշնլ հակակոռուպցիոն կենտրոն (Հայաստան) և Եվրասիա համագործակցություն հիմնադրամ  (Հայաստան):


12.11.2014

Նոր զարգացումներ Բյուրեղավանի գիշերօթիկի գործում

Ս.թ. նոյեմբերի 12-ին Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարան է ներկայացվել բողոք «Բյուրեղավանի երեխաների խնամքի և պաշտպանության գիշերօթիկ հաստատություն» ՊՈԱԿ-ում կատարվող անօրինությունների վերաբերյալ հանցագործության մասին հաղորդումը պատշաճ  քննության  չենթարկելու, գործի բազմակողմանի, օբյեկտիվ և լրիվ քննություն չիրականացնելու և նշված հանգամանքների շուրջ դատախազի կողմից վերահսկողություն չիրականացնելու դեմ:


07.11.2014

Աֆրիկյանների տան խնդրով դատական գործ

Ս.թ. նոյեմբերի 7-ին, ՀՀ վերաքննիչ քրեական դատարանը բավարարել է Կենտրոն և Նորք Մարաշ վարչական շրջանների ընդհանուր իրավասության դատարանի հոկտեմբերի 3-ի որոշման դեմ Թրանսփարենսի Ինթերնեշնլ հակակոռուպցիոն կենտրոնի (ԹԻՀԿ) բողոքը:


26.09.2014

ԹԻՀԿ-ը բողոք է ներկայացրել Երևան քաղաքի դատախազության որոշման դեմ

Ս.թ. սեպտեմբերի 26-ին ժամը 16:30-ին Կենտրոն և Նորք Մարաշ վարչական շրջանների ընդհանուր իրավասության դատարանում նշանակվել է Երևան քաղաքի դատախազության 2014 թ. օգոստոսի 11-ի որոշման դեմ «Թրանսփարենսի ինթերնեշնլ հակակոռուպցիոն կետրոն» (ԹԻՀԿ) ՀԿ-ի բողոքի քննությունը: Դատական նիստում որոշում է ընդունվել այն հետաձգել մինչև հոկտեմբերի 3-ը, ժամը 10.00-ին:


21.07.2014

ԹԻՀԿ-ը և պաշտպանության նախարարությունը երկխոսություն են ծավալել պաշտպանության ոլորտի կոռուպցիայի դեմ պայքարի վերաբերյալ

ՀՀ պաշտպանության նախարարության, Թրանսփարենսի Ինթերնեշնլ հակակոռուպցիոն կենտրոնի (ԹԻՀԿ), Թրանսփարենսի Ինթերնեշնլ Մեծ Բրիտանիայի (ՄԲ) ներկայացուցչության և ՄԲ պաշտպանության նախարարության ներկայացուցիչները մասնակցել են Երևանում կայացած երկօրյա քննարկմանը՝ արծարծելու հաշվետվողականության և բարեվարքության ամրապնդման մեխանիզմները պաշտպանության հաստատություններում: 


30.06.2014

Ներկայացվել են «Հայաստանի պաշտպանության հաստատություններում կոռուպցիոն ռիսկերի գնահատում» ուսումնասիրության արդյունքները

Թրանսփարենսի Ինթերնեշնլը (ԹԻ) օրինավորության հաստատմանն ու կոռուպցիայի դեմ պայքարին նպատակաուղղված` առաջատար և աշխարհի ավելի քան 90 երկրներում գործող գլոբալ կազմակերպություն է: Ի թիվս այլ նախաձեռնությունների՝ ԹԻ-ն իրականացնում է պաշտպանության և անվտանգության ծրագիր (ՊԱԾ), որի շրջանակում աշխատում է կառավարությունների, ռազմական ոլորտում ներգրավված ընկերությունների, միջազգային կազմակերպությունների և քաղաքացիական հասարակության հետ՝ պաշտպանության կառույցներում օրինավորությունը խթանելու և կոռուպցիան նվազեցնելու նպատակով:


27.06.2014

ԹԻՀԿ-ը ներկայացրել է գնումների մոնիտորինգի արդյունքները

Թրանսփարենսի Ինթերնեշնլ հակակոռուպցիոն կենտրոնը (ԹԻՀԿ)  ներկայացրել է 2011-ից մինչև 2013 թ. առաջին եռամսյակն իրականացրած պետական գնումների համակարգի մոնիտորինգի արդյունքները: Բաց հասարակության հիմնադրամներ – Հայաստանի աջակցությամբ իրակացված մոնիտորինգի նպատակն էր ուսումնասիրել պետական գնումների համակարգը և մատնանշել դրանում առկա հիմնախնդիրները:


16.06.2014

Հաղորդում հանցագործության մասին

Ս.թ. հունիսի 16-ին «Թրանսփարենսի ինթերնեշնլ հակակոռուպցիոն կենտրոն» հասարակական կազմակերպությունը հանցագործության մասին հաղորդում է ներկայացրել  ՀՀ գլխավոր դատախազին  (պատճենը՝ ՀՀ ոստիկանության պետին), հանրապետական նշանակության պատմամշակութային հուշարձան հանդիսացող Աֆրիկյանների տան քանդման փաստով: 


08.06.2014

Նախնական դիտորդական զեկույց

Ս.թ. հունիսի 8-ին ՀՀ մի շարք համայնքներում անցկացվեցին տեղական ինքնակառավարման մարմինների ընտրություններ: Ընտրություներին որպես դիտորդներ և ԶԼՄ ներկայացուցիչներ մասնակցել են  «Քաղաքացի դիտորդ» նախաձեռնության անդամ «Իրավունքի Եվրոպա միավորում»,  ժուռնալիստների «Ասպարեզ» ակումբ և «Թրանսփարենսի ինթերնեշնլ հակակոռուպցիոն կենտրոն» հասարակական կազմակերպությունների ներկայացուցիչները: Նախաձեռնության շուրջ 22 դիտորդներն ու լրագրողները դիտարկել են ՀՀ 9 համայնքների 12 ընտրատեղամասերում ընթացող քվեարկության  և ձայների հաշվարկի գործընթացը: