Ֆոտո պատմություններ

2017 թ. օգոստոսի 25-ին տեղի է ունեցել Թրանսփարենսի Ինթերնեշնլ հակակոռուպցիոն կենտրոնի (ԹԻՀԿ) հերթական Ընդհանուր ժողովը, որի ընթացքում հաստատվել են ԹԻՀԿ 2016 թ. տարեկան հաշվետվությունը և կանոնադրության փոփոխությունները, ինչպես նաև ընտրվել են ԹԻՀԿ անդամներ և խորհրդի անդամներ:

Մանկական զարգացման հիմնադրամը (ՄԶՀ) ԱՄՆ միջազգային զարգացման գործակալության ֆինանսավորմամբ և Թրանսփարենսի Ինթերնեշնլ հակակոռուպցիոն կենտրոնի «Պահանջատեր հասարակություն՝ հանուն պատասխանատու կառավարման» ծրագրի «Մասնակցային գործընթացը կրթության հիմքերում» ենթադրամաշնորհի շրջանակներում իրականացրել է նախադպրոցական հաստատությունների մոնիտորինգ, որի արդյունքները ներկայացվել են ս.թ. հուլիսի 25-ին ՄԶՀ գրասենյակում կայացած քննարկման ընթացքում:

Թրանսփարենսի Ինթերնեշնլ հակակոռուպցիոն կենտրոնի հաղորդակցության  մասնագետ Նունե Հայրապետյանը, ստանալով ԹԻ կրթաթոշակ, ս.թ. հուլիսի 10-20-ին Լիտվայում  մասնակցել է Օրինավորության դպրոցի աշխատանքներին:

Ս.թ. հունիսի 29-30-ին Թրանսփարենսի Ինթերնեշնլ հակակոռուպցիոն կենտրոնը (ԹԻՀԿ) «Պահանջատեր հասարակություն՝ հանուն պատասխանատու կառավարման» ծրագրի շրջանակում անց է կացրել «Հանրային քաղաքականության մոնիտորինգի մասնակցային մեթոդներ» թեմայով դասընթաց, որին մասնակցել են կառավարման թափանցիկության և հաշվետվողականության հարցերով շահագրգիռ 18 հասարակական կազմակերպությունների  ներկայացուցիչներ:

Ս.թ. հունիսի 23-24-ին տեղի է ունեցել արտագնա հանդիպում Աղվերանում` ԱՄՆ ՄԶԳ աջակցությամբ իրականացվող «Պահանջատեր հասարակություն հանուն պատասխանատու կառավարման» ծրագրի միջանկյալ արդյունքները գնահատելու և 2018 թ․ աշխատանքը պլանավորելու նպատակով:

Ս.թ. մարտի 31-ին տեղի է ունեցել խորհրդարանական ընտրությունները դիտարկող մի քանի քաղաքացիական նախաձեռնությունների համատեղ մամուլի ասուլիսը: Դիտորդական առաքելություն իրականացնող «Քաղաքացի դիտորդ» նախաձեռնությունը, «Անկախ դիտորդ» հասարական դաշինքը և Ժողովրդավարական ընտրությունների եվրոպական պլատֆորմը ներկայացրել են ապրիլի 2-ի ՀՀ ազգային ժողովի ընտրություններին իրենց գործունեությունը և ընտրախախտումների վերաբերյալ տեղեկատվության տարածման եղանակները:

Ս․թ․ մարտի 17-ին տեղի է ունեցել «Հանրակրթության ոլորտում կոռուպցիոն ռիսկերի գնահատում» ուսումնասիրության ներկայացումն ու քննարկումը: Ուսումնասիրությունը համատեղ իրականացրել են  Թրանսփարենսի Ինթերնեշնլ հակակոռուպցիոն կենտրոնը (ԹԻՀԿ) և Հանրային քաղաքականության ինստիտուտը` ԱՄՆ Միջազգային զարգացման գործակալության (ԱՄՆ ՄԶԳ) աջակցությամբ իրականացվող «Պահանջատեր հասարակություն՝ հանուն պատասխանատու կառավարման» ծրագրի շրջանակներում: 

Ս.թ. փետրվարի 24-ին «Հոդված 3» ակումբում տեղի է ունեցել «Քաղաքացի դիտորդ» նախաձեռնության մամուլի ասուլիսը: Ասուլիսին բանախոսել են ՀՀ-ում ԵՄ պատվիրակության ղեկավար, դեսպան Պյոտր Սվիտալսկին, «Իրավունքի Եվրոպա միավորում» ՀԿ նախագահ Լուսինե Հակոբյանը, «Ժուռնալիստների «Ասպարեզ» ակումբ»-ի խորհրդի նախագահ Լևոն Բարսեղյանը և «Թրանսփարենսի Ինթերնեշնլ հակակոռուպցիոն կենտրոն»-ի ընտրական ծրագրերի համակարգող Արմեն Գրիգորյանը:

Ս.թ. հունվարի 27-ին Մուրացան հիվանդանոցում մեկնարկել է «Երեխաներին կրծքով կերակրման խրախուսման և մանկական սննդի շրջանառության մասին» ՀՀ օրենքի կիրառման մոնիտորինգի զեկույցի ներկայացումը, որն իրականացրել է «Վստահություն» առողջապահական ՀԿ-ը։ Ծրագիրն իրականացվել է «Պահանջատեր հասարակություն՝ հանուն պատասխանատու կառավարման» ծրագրի շրջանակներում։

Ս.թ. դեկտեմբերի 23-ին «Թրանսփարենսի Ինթերնեշնլ հակակոռուպցիոն կենտրոն» հասարակական կազմակերպությունը (ԹԻՀԿ) անց է կացրել «ՀՀ վարչապետի 100 oրը» խորագրով քննարկում: