Գլխավոր էջ Նորություններ

Նորություններ

14.06.2019

Տեղի է ունեցել եվրոպական ինտերգրման թեմայով սեմինար-քննարկում

ԹԻՀԿ հետազոտող-ծրագրի մասնագետ Միքայել Ավետիսյանը հունիսի 14-ին մասնակցել է «Եվրոպական ինտեգրում. էստոնական փորձն ու դասերը» թեմայով սեմինար-քննարկմանը, որը վարել է ՀՀ ԱԺ Եվրոպական ինտեգրման հարցերի մշտական հանձնաժողովի նախագահ Արման Եղոյանը։ Սեմինարի կազմակերպիչներն են ՀՀ Ազգային ժողովը և Եվրախորհրդարանի Սոցիալիստների և դեմոկրատների առաջադեմ ալյանսի խումբը։


14.06.2019

Հաղորդակցության համակարգողի աշխատանքի հայտարարություն

Թրանսփարենսի Ինթերնեշնլ հակակոռուպցիոն կենտրոնը (ԹԻՀԿ) փնտրում է հաղորդակցության համակարգողի, ով կմիանա ԹԻՀԿ փոքր թիմին և դինամիկ միջավայրում պատրաստակամություն կցուցաբերի աջակցելու Հայաստանի ժողովրդավարական կառավարմանը և կոռուպցիայի դեմ պայքարին։ Հաղորդակցության համակարգողը պատասխանատու է լինելու կազմակերպության արտաքին արդյունավետ հաղորդակցության, գրավիչ և հանրամատչելի պրոդուկտների մշակման, ինչպես նաև սոցիալական մեդիայի և այլ հարթակների միջոցով նոր համակիրների ներգրավման համար։ 


14.06.2019

ԹԻՀԿ թիմի անդամները Վիլնյուսում մասնակցում են ամառային ճամբարի դասընթացներին

Թրանսփարենսի Ինթերնեշնլ հակակոռուպցիոն կենտրոնի ընտրական թիմի օգնականներ Անժելա Ամիրջանյանը, Սարգիս Ղոնյանը, ինչպես նաև «Ականատես» դիտորդական նախաձեռնության դիտորդներ Սյուզաննա Սիրադեղյանը, Ալեքսանդր Մարտիրոսյանը և Էմմա Հակոբյանը հունիսի 11-15-ը Վիլնյուսում մասնակցում են Շվեդական միջազգային լիբերալ կենտրոնի կողմից կազմակերպված ամառային ճամբարի դասընթացներին: ԹԻՀԿ ընտրական ծրագրերի օգնական Անժելա Ամիրջանյանը ճամբարի մասնակիցներին ներկայացրել է «Ականատես» դիտորդական նախաձեռնության երկարաժամկետ դիտորդության մեթոդաբանությունը։


13.06.2019

«ՀՀ հանրակրթական դպրոցների նյութատեխնիկական պայմանների մշտադիտարկում» զեկույցի ներկայացում և քննարկում

Հունիսի 13-ին տեղի է ունեցել «ՀՀ հանրակրթական դպրոցների նյութատեխնիկական պայմանների մշտադիտարկում» զեկույցի ներկայացում և քննարկում։ Միջոցառմանը մասնակցել են հանրակրթության ոլորտով շահագրգիռ քաղաքացիական հասարակության կազմակերպությունների, պետական և տարածքային մարմինների շուրջ 30 ներկայացուցիչներ: Զեկույցով փորձ է արվել տեսնել դպրոցի նյութատեխնիկական պայմանների կապը կրթության որակի հետ, ձևավորել հոգատարության, թափանցիկության մշակույթ: Քննարկման արդյունքում առաջարվել են օրենսդրական կարգավորումներ:


12.06.2019

«Օրենքի գերակայության խթանումը հետխորհրդային երկրներում պետական և ոչ պետական կառույցների համագործակցության միջոցով» խորագրով սիմպոզիում

Թբիլիսիում հունիսի 12-14-ը ընթանում է «Օրենքի գերակայության խթանումը հետխորհրդային երկրներում պետական ​​և ոչ պետական ​​կառույցների համագործակցության միջոցով» խորագրով եռօրյա սիմպոզիում երեք աշխատանքային խմբերով, որին մասնակցում են Հայաստանի, Վրաստանի, Մոլդովայի և Ուկրաինայի շուրջ 40 փորձագետներ: Միջոցառմանը ներկա է ԹԻՀԿ գործադիր տնօրեն Սոնա Այվազյանը, ով մասնակցում է «Թափանցիկ և հաշվետու կառավարման խթանումը» խմբի աշխատանքներին: Յուրաքանչյուր աշխատանքային խումբ ներկայացնելու է առաջարկություններ, որոնք կամփոփվեն զեկույցում:


11.06.2019

Հայտարարություն ԲԴԽ անդամության թեկնածուի առաջխաղացման խնդիրների մասին

2019 թվականի հունիսի 7-ին «Իմ քայլը» խմբակցությունը տեղեկացրեց, որ Բարձրագույն Դատական Խորհրդի անդամի թեկնածու է առաջադրել Գրիգոր Հովհաննեսի Բեքմեզյանին։ Այնուհետև առաջադրված թեկնածուն հաստատեց, որ իրեն զանգահարել են և առաջարկել դառնալ Բարձրագույն Դատական Խորհրդի անդամ։ ՀՀ Սահմանադրության և ՀՀ Դատական օրենսգիրք սահմանադրական օրենքի համաձայն՝ ՀՀ Բարձրագույն Դատական Խորհրդի 10 անդամներից հինգը նշանակվում է ՀՀ Ազգային ժողովի կողմից։ Առաջարկում ենք Ազգային ժողովին, կասեցնել արտավոր ընթացակարգերով ԲԴԽ անդամության թեկնածուների առաջխաղացումը, հրատապ փոփոխություններ կատարել գործող օրենսդրության մեջ՝ ըստ վերոհիշյալ դիտարկումների եւ ապա միայն ձեռնարկել ԲԴԽ թափուր տեղերի լրացման գործընթացը:


11.06.2019

Աբովյանի ընտրություններին ավելի շատ երևում էր մարզպետը, քան ՔՊ-ի թեկնածուն․ Ալեքսեյ Պետրոսյան

ArmDaily TV-ի հետ հարցազրույցում ԹԻՀԿ ընտրական ծրագրերի ղեկավար Ալեքսեյ Պետրոսյանն անդրադարձել է հունիսի 9-ի ՏԻՄ ընտրությունների դիտորդությանը «Ականատես» դիտորդական նախաձեռնության կողմից, ընտրական մշակույթի բարելավմանը, վարչական ռեսուրսի հետ կապված ռիսկերին և օրենսդրական կարգավորումներին:  


10.06.2019

Տեղեկանք 2019 թ․ հունիսի 9-ի տեղական ինքնակառավարման մարմինների ընտրությունների դիտարկման արդյունքների վերաբերյալ

2019 թ. հունիսի 9-ին Հայաստանի Հանրապետության 23 համայնքներում տեղի են ունեցել տեղական ինքնակառավարման մարմինների (ՏԻՄ) հերթական և արտահերթ ընտրություններ: Տասներկու համայնքում տեղի են ունեցել համայնքի ղեկավարի, 8 համայնքում` ավագանու անդամի, իսկ 3-ում՝ միաժամանակ համայնքի ղեկավարի և ավագանու անդամի ընտրություններ:


10.06.2019

Տեղի է ունեցել քննարկում «Աբովյանի քաղաքապետի ընտրություն. գնահատականներ և դիտարկումներ» թեմայով

«Մեդիա կենտրոնում» հունիսի 10-ին տեղի է ունեցել քննարկում «Աբովյանի քաղաքապետի ընտրություն. գնահատականներ և դիտարկումներ» թեմայով, որի  բանախոսներից էր Թրանսփարենսի Ինթերնեշնլ հակակոռուպցիոն կենտրոնի (ԹԻՀԿ) ընտրական ծրագրերի համակարգող Ալեքսեյ Պետրոսյանը: «Կուսակցական համակարգի թերի կայացվածությունը խնդիր է: Փորձում ենք թե՛ Ընտրական օրենսգրքի, թե՛ Կուսակցությունների մասին օրենքի բարեփոխումներով մինչև հաջորդ համապետական ընտրությունները ապահովել մրցապայքարի, ընտրական մշակույթի այն բարձր չափանիշները որ կարողացանք գրանցել 2018թ. դեկտեմբերին»,- նշել է Պետրոսյանը:


07.06.2019

ԹԻՀԿ իրավաբանները մասնակցել են ՀՀ հակակոռուպցիոն ռազմավարության նախագծի քննարկմանը

ՀՀ հակակոռուպցիոն ռազմավարության նախագիծը քննարկելու նպատակով ՀՀ արդարադատության նախարարությունում հունիսի 7-ին տեղի է ունեցել հանդիպում, որին մասնակցել են ՀՀ արդարադատության նախարարի տեղակալ Տիգրան Խաչիկյանը, նախարարության  աշխատակիցներ և քաղաքացիական հասարակության կազմակերպությունների ներկայացուցիչներ, որոնք առաջարկություններ էին ներկայացրել ՀՀ հակակոռուպցիոն ռազմավարության վերաբերյալ: Քննարկմանը մասնակցել են ԹԻՀԿ իրավական հարցերով փորձագետ Հայկ Մարտիրոսյանը և հակակոռուպցիոն փորձագետ Խաչիկ Հարությունյանը: