Գլխավոր էջ Նորություններ

Նորություններ

31.07.2020

Կոռուպցիոն խնդիրների հաղթահարման մեխանիզմները պետք է ցույց տալ իրավական դաշտում. Հայկ Մարտիրոսյան

Թրանսփարենսի Ինթերնեշնլ հակակոռուպցիոն կենտրոնի (ԹԻՀԿ) իրավական հարցերով փորձագետ Հայկ Մարտիրոսյանը Հայաստանի հանրային հեռուստաընկերության «Լուրեր» թողարկման ընթացքում խոսել է ՀՀ ազգային անվտանգության ռազմավարության մասին՝ նշելով, մասնավորապես, որ ազգային անվտանգության ռազմավարությունն ավելի շատ հռչակագրի է նման, մինչդեռ նպատակահարմար կլիներ իրավական դաշտում ցույց տալ, թե ինչ ուղղություններով, մեխանիզմներով պետք է հաղթահարել կոռուպցիոն խնդիրները։


31.07.2020

Ներկայացվել են «Մասնավորեցումը և օտարերկրյա ներդրումները ՀՀ-ում 1997-2020 թվականներին» հետազոտության արդյունքները

Հուլիսի 31-ին առցանց ձևաչափով ներկայացվել են Թրանսփարենսի Ինթերնեշնլ հակակոռուպցիոն կենտրոնի (ԹԻՀԿ) կողմից իրականացված «Մասնավորեցումը և օտարերկրյա ներդրումները Հայաստանի Հանրապետությունում 1997-2020 թվականներին» հետազոտության արդյունքները, որին հաջորդել է պանելային քննարկում փորձագետների և պաշտոնյաների մասնակցությամբ։Հետազոտությունը, մասնավորապես, անդրադարձել է 1990-ականների վերջին և 2000-ականների սկզբին Հայաստանի Հանրապետությունում իրականացված պետական ընկերությունների և գույքի մասնավորեցման գործընթացներին, որոնց զգալի մասն ուղեկցվել է խնդրահարույց գործընթացներով:


29.07.2020

Մամուլի հաղորդագրություն

Ս․թ․ հուլիսի 31-ին` ժամը 10:00-12։00-ին կկայանա առցանց հանրային քննարկում, որի շրջանակում կներկայացվեն Թրանսփարենսի Ինթերնեշնլ հակակոռուպցիոն կենտրոնի (ԹԻՀԿ) կողմից իրականացված՝ «Մասնավորեցումը և օտարերկրյա ներդրումները Հայաստանի Հանրապետությունում 1997-2020 թվականներին» հետազոտության արդյունքները և տեղի կունենա փորձագետների ու պաշտոնյաների մասնակցությամբ մտքերի փոխանակում։


28.07.2020

Ցանկացած դատավորի թեկնածուի բարեվարքությունը ստուգելու անհրաժեշտություն կա, նույնիսկ եթե օրենքով նման պահանջ նախատեսված չէ. Վարուժան Հոկտանյան

Թրանսփարենսի Ինթերնեշնլ հակակոռուպցիոն կենտրոնի ծրագրերի ղեկավար Վարուժան Հոկտանյանը, «Փաստինֆո»-ի հետ զրույցում խոսելով դատավորների թեկնածուների բարեվարքությունը ստուգելու մասին, նշել է, որ եթե նույնիսկ օրենքով էլ նման պահանջ նախատեսված չէ, միևնույն է, ցանկացած դատավորի, այդ թվում ՍԴ դատավորի բարեվարքությունը ստուգելու անհրաժեշտություն կա։


24.07.2020

Վճռաբակ և սահմանադրական դատարանների միավորումը ռադիկալ մոտեցում կլինի. Հայկ Մարտիրոսյան

Սույն թվականի հուլիսի 24-ին «Zoom» հարթակում կայացել է «Գործընկերություն հանուն բաց հասարակության» նախաձեռնության կազմակերպած առցանց հանրային քննարկումը սահմանադրական բարեփոխումների շուրջ, որի ընթացքում սահմանադրական բարեփոխումների մասնագիտական հանձնաժողովի նախագահ Եղիշե Կիրակոսյանը ներկայացրել է մինչ այժմ կատարված աշխատանքների արդյունքները և այլ մանրամասներ։


20.07.2020

Ընթանում է ԹԻՀԿ Հակակոռուպցիոն դպրոցի 4-րդ շաբաթը

Ընթանում է ԹԻՀԿ Հակակոռուպցիոն 2-րդ դպրոցի 4-րդ շաբաթը։ Տարբեր մարզերից շուրջ 30 մասնակիցներ, ոլորտի լավագույն փորձագետների առաջնորդությամբ, արդեն հասցրել են ուսումնասիրել այնպիսի թեմաներ։ Դպրոցն ինտենսիվորեն շարունակվում է, իսկ դպրոցի՝ ամենատարբեր մասնագիտություններ ունեցող մասնակիցները շուտով կմշակեն սեփական հակակոռուպցիոն ծրագրերը, որոնցից լավագույնները կֆինանսավորվեն։ 


18.07.2020

Ավարտվել են համայնքային բյուջեների մոնիտորինգի զեկույցների հանրային քննարկումները

Ամփոփվել են հանրային քննարկումները «Հայաստանի համայնքներում հանրային ծախսերի դիտարկում» ծրագրի շրջանակներում իրականացված համայնքների 2018-2019թթ․ բյուջեների մոնիտորինգի զեկույցների վերաբերյալ։ Ստեփանավան և Ամասիա համայնքների բյուջեների մոնիտորինգի զեկույցների քննարկումը տեղի է ունեցել համապատասխան համայնքապետարաններում, իսկ մյուս 5 համայնքների պարագայում (Վայք, Աբովյան, Սիսիան, Ապարան, Վարդենիս) քննարկումները կազմակերպվել են առցանց։


16.07.2020

Պետական գնումների ոլորտում բողոքների քննության արտադատական համակարգը պետք է պահպանվի․ Վարուժան Հոկտանյան

Թրանսփարենսի Ինթերնեշնլ հակակոռուպցիոն կենտրոնի (ԹԻՀԿ) ծրագրերի ղեկավար Վարուժան Հոկտանյանը «Infocom»-ի հետ զրուցել է պետական գնումների ոլորտում բողոքների քննության համակարգի մասին։ Մասնավորապես, անդրադառնալով ֆինանսների նախարարության կողմից այս տարվա փետրվարին շրջանառության մեջ դրված նախագծին, որով նախատեսվում էր հրաժարվել գնումների վերաբերյալ բողոքարկումների արտադատական համակարգից, Վարուժան Հոկտանյանը նշել է, որ ԹԻՀԿ-ն կողմ է, որպեսզի արտադատական համակարգը պահպանվի։


16.07.2020

Հակակոռուպցիոն դասընթաց ՀՀ պետական կառավարման ակադեմիայի ուսանողների և հանրային կառավարման ու կոռուպցիայի հարցերով հետաքրքրված անձնանց համար

Հայաստանի Հանրապետության պետական կառավարման ակադեմիան, Թրանսփարենսի Ինթերնեշնլ հակակոռուպցիոն կենտրոնը և Բաց հասարակության հիմնադրամներ-Հայաստանը համատեղ մեկնարկում են նոր նախաձեռնություն՝ «Հակակոռուպցիոն ակադեմիա» դասընթաց։


16.07.2020

«5-րդ ալիքը» խեղաթյուրել և մանիպուլացրել է ԹԻՀԿ համահեղինակությամբ իրականացված հետազոտությունը

«5-րդ ալիք» հեռուստաընկերության «Հայլուր» լրատվականը հուլիսի 11-ի 18:30-ի թողարկման ժամանակ ««Փաշինյանի կառավարությունը լավ չի աշխատել». սոցհարցումներ» վերնագրով ռեպորտաժ է հրապարակել՝ հայտնելով, որ ըստ սոցհարցումների՝ կառավարությունը կորոնահամաճարակի ժամանակ լավ չի աշխատել: Հեռուստաընկերությունը նշել է, որ նյութի աղբյուր է հանդիսանում ԱՄՆ ՄԶԳ աջակցությամբ Թրանսփարենսի Ինթերնեշլ հակակոռուպցիոն կենտրոնի կողմից իրականացվող «Պահանջատեր հասարակություն՝ հանունպատասխանատու կառավարման» ծրագրի շրջանակում ՀՌԿԿ – Հայաստանի կողմից իրականացված Հայաստանում կոռուպցիայի վերաբերյալ հանրային կարծիքի ուսումնասիրությունը։