Գլխավոր էջ Նորություններ

Նորություններ

19.09.2019

Քննարկվել է ազգային անվտանգության ռազմավարության կառուցվածքը

Սեպտեմբերի 19-ին ազգային անվտանգության նոր ռազմավարության մշակման շրջանակներում Անվտանգության խորհրդի գրասենյակում տեղի է ունեցել աշխատանքային հանդիպում քաղաքացիական հասարակության կառույցների ներկայացուցիչների հետ: Հանդիպմանը մասնակցել է նաև ԹԻՀԿ իրավական հարցերով փորձագետ Հայկ Մարտիրոսյանը:


19.09.2019

ՄԹ-ում հանդիպման ընթացքում քննարկվեցին Հայաստանի կառավարության կողմից իրական սեփականատերերի բացահայտման աշխատանքները

Սեպտեմբերի 17-ին Հայաստանի ԱՃԹՆ-ի պատվիրակությունը, որի կազմում է ԹԻՀԿ գործադիր տնօրեն Սոնա Այվազյանը, Միացյալ Թագավորություն այցի շրջանակում հանդիպումներ է ունեցել Բաց կառավարման գործընկերության (ԲԿԳ) և ՄԹ Միացյալ հակակոռուպցիոն բաժնի ներկայացուցիչների հետ: Հանդիպման ընթացքում քննարկվել են Հայաստանի կառավարության կողմից իրական սեփականատերերի բացահայտման աշխատանքները, առաջիկա գործողությունները և համագործակցության հեռանկարները:


18.09.2019

Հրապարակվել է «Հայաստանի հանրային ֆինանսների համակարգի բաղադրիչների 2017-2019 թվականների մոնիտորինգ» զեկույցը

2018-2019թթ. Թրանսփարենսի Ինթերնեշնլ հակակոռուպցիոն կենտրոնը Բաց հասարակություն հիմնադրամներ – Հայաստանի աջակցությամբ իրականացրել է Պետական ֆինանսների կառավարման համակարգի բարեփոխումների վերանայված ռազմավարության 2016-2020 թթ. իրականացվելիք գործողությունների ծրագրի մի շարք միջոցառումների, ինչպես նաև ֆինանսների համակարգի գործունեության կատարողականի ցուցանիշների մոնիտորինգ, ինչը ԵՄ - Հայաստան ֆինանսական համաձայնագրով 2017-2018 թթ. համար նախատեսված՝ ԵՄ-ի կողմից ՀՀ-ին ֆինանսական օգնության տրամադրման նախապայման է:


17.09.2019

Հայաստանի ԱՃԹՆ պատվիրակությունը հյուրընկալվեց ՄԹ կառավարության գործարարության, էներգետիկայի և արդյունաբերական ռազմավարության վարչությունում

Սեպտեմբերի 16-ին Միացյալ Թագավորություն ուսուցողական այցի շրջանակում Հայաստանի Արդյունահանող ճյուղերի թափանցիկության նախաձեռնության (ԱՃԹՆ) պատվիրակությունը, որի կազմում է ԹԻՀԿ գործադիր տնօրեն Սոնա Այվազյանը, հյուրընկալվել է Միացյալ Թագավորության կառավարության Գործարարության, էներգետիկայի և արդյունաբերական ռազմավարության վարչությունում։ Ուսուցողական այցի հիմնական նպատակն իրական սեփականատերերի բացահայտման ՄԹ-ի առաջավոր փորձի ուսումնասիրությունն է։


16.09.2019

Տեղի է ունեցել հանդիպում Վենետիկի հանձնաժողովի պատվիրակության ներկայացուցիչների հետ

Սեպտեմբերի 16-ին տեղի է ունեցել հանդիպում «Ժողովրդավարություն՝ իրավունքի միջոցով» եվրոպական հանձնաժողովի (Վենետիկի հանձնաժողով) պատվիրակության փորձագետների հետ` քննարկելու դատաիրավական և հակակոռուպցիոն ոլորտի բարեփոխումների իրականացման ընթացքը Հայաստանում: Հանդիպման նպատակը դատական օրենսգրքում և հարակից օրենքներում նախագծված փոփոխությունների փաթեթի վերաբերյալ Հանձնաժողովի կարծիքը նախապատրաստելու համար մասնագիտական քննարկումների իրականացումն էր:  Ի թիվս այլ շահագրգիռ կողմերի, հանդիպմանը մասնակցել են քաղաքացիական հասարակության ներկայացուցիչներ, այդ թվում` ԹԻՀԿ իրավական հարցերով փորձագետ Հայկ Մարտիրոսյանը:


14.09.2019

Հետազոտական կենտրոնները` հանրային քաղաքականության դերակատարներ

Սեպտեմբերի 14 -15-ը Աղվերանում տեղի է ունեցել Հայաստանի հետազոտական կենտրոնների համաժողով, որին մասնակցել է ԹԻՀԿ ծրագրերի ղեկավար Վարուժան Հոկտանյանը: Նա ներկայացրել է վերլուծական կենտրոնների հիմնական մարտահրավերները և առաջարկել է ստեղծել «պետություն-վերլուծական կենտրոններ-դոնորներ» կանոնավոր գործող հարթակ` հետագայում դրանում ներգրավելով նաև ՀԿ-երին, ակադեմիական հաստատություններին և մասնավոր սեկտորին: 


13.09.2019

Նախընտրական քարոզչության և կուսակցությունների ֆինանսավորման խնդիրները` «Խաղի կանոնները» հաղորդաշարում

Որքանո՞վ են համապատասխանում կուսակցությունների քաղաքական նպատակների համար նախատեսված գումարներն իրենց իրական ծախսերին: Սեպտեմբերի 13-ին այս և այլ հարցերի  պատասխանում են «Առաջին ալիք»-ի «Խաղի կանոնները» հաղորդաշարի մասնակիցները, այդ թվում` ԹԻՀԿ ծրագրերի ղեկավար Վարուժան Հոկտանյանը:


12.09.2019

Քննարկում «ԼՂ ՏԻՄ ընտրություններ, հետընտրական գնահատականներ» թեմայով

Սեպտեմբերի 12-ին «Մեդիա կենտրոն»-ում տեղի է ունեցել քննարկում՝ «ԼՂ ՏԻՄ ընտրություններ, հետընտրական գնահատականներ» թեմայով, որի բանախոսներից էր Թրանսփարենսի Ինթերնեշնլ հակակոռուպցիոն կենտրոնի ընտրական ծրագրերի համակարգող Ալեքսեյ Պետրոսյանը, ով ներկայացրել է Արցախում ՏԻՄ ընտրությունների դիտարկումը «Ականատես» դիտորդական առաքելության շրջանակում` Արցախի «Քաղաքացիական հաբ» նորաստեղծ ՀԿ-ի հետ համագործակցությամբ:


11.09.2019

Մեկնարկել է մարդու իրավունքների պաշտպանության նոր ազգային ռազմավարության տեսլականի և դրանից բխող 2020-2022 թթ. գործողությունների ծրագրի հանրային քննարկումների շարքը

Արդարադատության նախարարի տեղակալ Քրիստիննե Գրիգորյանի գլխավորությամբ սեպտեմբերի 11-ին մեկնարկել է Մարդու իրավունքների պաշտպանության նոր ազգային ռազմավարության տեսլականի և դրանից բխող գործողությունների ծրագրի մշակմանն ուղղված պանելային քննարկումների շարքը: Այն կազմակերպվել էր Արդարադատության նախարարության, ՄԱԿ-ի Զարգացման ծրագրի և Եվրոպական միության հետ սերտ համագործակցությամբ: Քննարկմանը մասնակցել են օրենսդիր և դատական իշխանությունների, պետական ու հասարակական կազմակերպությունների շուրջ երեք տասնյակ ներկայացուցիչներ, այդ թվում` ԹԻՀԿ իրավական հարցերով փորձագետ Հայկ Մարտիրոսյանը:


10.09.2019

ՀՀ դատաիրավական բարեփոխումների 2019-2023 թթ. ռազմավարության նախագծի հանրային քննարկումներ

Սեպտեմբերի 10-ին մեկնարկել է Դատական և իրավական բարեփոխումների 2019-2023 թվականների ռազմավարության նախագծի հանրային քննարկումների շարքը: Քննարկմանը մասնակցել է ԹԻՀԿ իրավական հարցերով փորձագետ Հայկ Մարտիրոսյանը: Նա ներկայացրել է իր առաջարկ-հարցադրումները քննարկվող հարցերի կապակցությամբ: