Նորություններ

Թրանսփարենսի Ինթերնեշնլ հակակոռուպցիոն կենտրոնի և Հելսինկյան քաղաքացիական ասամբլեայի Վանաձորի գրասենյակի կողմից համատեղ պատրաստված փաստաթղթում արվել են մի շարք նկատառումներ և ներկայացվել առաջարկություններ «Հայաստանի Հանրապետության դատական օրենսգիրք» սահմանադրական օրենքում և հարակից օրենքներում փոփոխություններ և լրացումներ կատարելու մասին ՀՀ օրենքների նախագծերի վերաբերյալ, որոնք, ՀՀ դատական համակարգում մասնագիտացված հակակոռուպցիոն դատարան ձևավորելու նպատակով, մշակվել են ՀՀ արդարադատության նախարարության կողմից։

Թրանսփարենսի Ինթերնեշնլ հակակոռուպցիոն կենտրոնը (ԹԻՀԿ) հայցադիմում է ներկայացրել ՀՀ վարչական դատարան՝ խնդրելով պարտավորեցնել ՀՀ փոխվարչապետ Տիգրան Ավինյանին կազմակերպությանը տրամադրել Երևանի 33-րդ թաղամասում (Ֆիրդուսի) տարածքներ ձեռք բերողների ներկայացրած ֆինանսական ապահովման հիմքերը, կառավարության հետ գործարքի ապահովումը երաշխավորող պայմանագրեր կնքվելու դեպքում դրանց պատճենները և այլ տեղեկություններ։

Նախագահ Արմեն Սարգսյանի հրամանագրով այսօր ՀՀ ԱԱԾ-ում երկու կարևոր նշանակումներ են տեղի ունեցել. Արմեն Աբազյանը և Միքայել Համբարձումյանը նշանակվել են ԱԱԾ տնօրենի տեղակալներ։ Այս անգամ ևս, ինչպես ԱԱԾ տնօրեն Քյարամյանի նշանակման դեպքում, ԱԱԾ տնօրենի նոր տեղակալները նոր պաշտոններում են նշանակվել քննչական կոմիտեում ակնթարթային նշանակումներից հետո։ Factor.am-ի հետ զրույցում ԹԻՀԿ ծրագրերի ղեկավար Վարուժան Հոկտանյանն անդրադարձել է այս գործելակերպի հետ կապված խնդիրներին։

Ս․թ․ օգոստոսի 18-ին, ժամը 11։00-13։00-ին առցանց ձևաչափով կներկայացվեն Թրանսփարենսի Ինթերնեշնլ հակակոռուպցիոն կենտրոնի կողմից ԱՄՆ պետքարտուղարության օժանդակությամբ իրականացված «Հայաստանի համայնքներում հանրային ծախսերի դիտարկում» ծրագրի շրջանակում կատարված 2018-2019 թթ․ համայնքային բյուջեների մոնիտորինգի ամփոփիչ զեկույցի արդյունքները։   

Մենք՝ Հայաստանի քաղաքացիական հասարակության ներքոստորագրյալ ներկայացուցիչներս, վստահ ենք, որ Բելառուսի քաղաքացիները պետք է կարողանան ազատորեն իրացնել իրենց իրավունքները: Լիարժեք համերաշխություն հայտնելով Բելառուսի ժողովրդին` մենք ողջունում ենք նրանց ուժեղ կամքը, ոգին և պատրաստակամությունը՝ պաշտպանելու սեփական իշխանություն ընտրելու իրենց լեգիտիմ իրավունքը, վերականգնելու իրենց արժանապատվությունը, իրավունքներն ու արդարությունը։ 

Թրանսփարենսի Ինթերնեշնլ հակակոռուպցիոն կենտրոնի (ԹԻՀԿ) իրավական հարցերով փորձագետ Հայկ Մարտիրոսյանը Հայաստանի հանրային հեռուստաընկերության «Լուրեր» թողարկման ընթացքում խոսել է ՀՀ ազգային անվտանգության ռազմավարության մասին՝ նշելով, մասնավորապես, որ ազգային անվտանգության ռազմավարությունն ավելի շատ հռչակագրի է նման, մինչդեռ նպատակահարմար կլիներ իրավական դաշտում ցույց տալ, թե ինչ ուղղություններով, մեխանիզմներով պետք է հաղթահարել կոռուպցիոն խնդիրները։

Հուլիսի 31-ին առցանց ձևաչափով ներկայացվել են Թրանսփարենսի Ինթերնեշնլ հակակոռուպցիոն կենտրոնի (ԹԻՀԿ) կողմից իրականացված «Մասնավորեցումը և օտարերկրյա ներդրումները Հայաստանի Հանրապետությունում 1997-2020 թվականներին» հետազոտության արդյունքները, որին հաջորդել է պանելային քննարկում փորձագետների և պաշտոնյաների մասնակցությամբ։Հետազոտությունը, մասնավորապես, անդրադարձել է 1990-ականների վերջին և 2000-ականների սկզբին Հայաստանի Հանրապետությունում իրականացված պետական ընկերությունների և գույքի մասնավորեցման գործընթացներին, որոնց զգալի մասն ուղեկցվել է խնդրահարույց գործընթացներով:

2020 թվականի հուլիսի 28-ին կայացել է «Թրանսփարենսի Ինթերնեշնլ հակակոռուպցիոն կենտրոն» (ԹԻՀԿ) հասարակական կազմակերպության Խորհրդի հերթական նիստը: Նիստին մասնակցում էին Խորհրդի բոլոր 5 անդամները։ Օրակարգում ներառված հարցերին անդրադառնալով՝ ԹԻՀԿ գործադիր տնօրեն Սոնա Այվազյանը ներկայացրել է ՀՀ Հակակոռուպցիոն քաղաքականության խորհրդի հերթական նիստին ԹԻՀԿ մասնակցության վերաբերյալ: 

Ս․թ․ հուլիսի 31-ին` ժամը 10:00-12։00-ին կկայանա առցանց հանրային քննարկում, որի շրջանակում կներկայացվեն Թրանսփարենսի Ինթերնեշնլ հակակոռուպցիոն կենտրոնի (ԹԻՀԿ) կողմից իրականացված՝ «Մասնավորեցումը և օտարերկրյա ներդրումները Հայաստանի Հանրապետությունում 1997-2020 թվականներին» հետազոտության արդյունքները և տեղի կունենա փորձագետների ու պաշտոնյաների մասնակցությամբ մտքերի փոխանակում։

Թրանսփարենսի Ինթերնեշնլ հակակոռուպցիոն կենտրոնի ծրագրերի ղեկավար Վարուժան Հոկտանյանը, «Փաստինֆո»-ի հետ զրույցում խոսելով դատավորների թեկնածուների բարեվարքությունը ստուգելու մասին, նշել է, որ եթե նույնիսկ օրենքով էլ նման պահանջ նախատեսված չէ, միևնույն է, ցանկացած դատավորի, այդ թվում ՍԴ դատավորի բարեվարքությունը ստուգելու անհրաժեշտություն կա։