Գլխավոր էջ Նորություններ

Նորություններ

16.09.2020

Ռուբեն Հայրապետյանին առնչվող փաստաթղթերի բացակայությունը Ազգային արխիվում լուրջ հետաքննության կարիք ունի․ Վարուժան Հոկտանյան

Մոտ մեկ ամիս առաջ Ռուսաստանի գլխավոր դատախազությունը դադարեցրեց ՀՀԿ նախկին պատգամավոր Ռուբեն Հայրապետյանի նկատմամբ հետախուզումը՝ հիմնավորելով, որ նա 2003թ. հունիսի 20-ից հանդիսանում է ՌԴ քաղաքացի:

Մինչդեռ 2007թ․-ի և 2012թ․-ի խորհրդարանական ընտրությունների ժամանակ Հայրապետյանը ՀՀԿ համամասնական և մեծամասնական ցուցակով պատգամավոր է առաջադրվել և ընտրվել:  NewArmenia.am-ի հարցման հիմքով ՀՀ ոստիկանության ներքին անվտանգության վարչությունը ծառայողական ուսումնասիրություն է իրականացրել՝ պարզելու, թե ինչպե՞ս է 2003թ․-ից Ռուսաստանի քաղաքացի հանդիսացող Ռուբեն Հայրապետյանը ոստիկանության տված փաստաթղթով Հայաստանում պատգամավոր դարձել՝ խախտելով ՀՀ Սահմանադրությունն ու ընտրական օրենսգիրքը։ Ծառայողական ուսումնասիրությունը, սակայն, մեղավորներ չի հայտնաբերել:


16.09.2020

Ներկայացվել են առաջարկություններ Հակակոռուպցիոն քաղաքականության խորհրդին առնչվող վարչապետի որոշման նախագծի վերաբերյալ

Թրանսփարենսի Ինթերնեշնլ հակակոռուպցիոն կենտրոնը (ԹԻՀԿ), Բաց հասարակության հիմնադրամներ – Հայաստանը (ԲՀՀ), Իրավունքի զարգացման և պաշտպանության հիմնադրամը և Ժուրնալիստների «Ասպարեզ» ակումբը համատեղ պատրաստել և ներկայացրել են մի շարք դիտարկումներ «Հակակոռուպցիոն քաղաքականության խորհուրդ ստեղծելու, խորհրդի կազմը և գործունեության կարգը, խորհրդի կազմում ներգրավվող հասարակական կազմակերպությունների մրցույթի և ռոտացիայի կարգը հաստատելու և ՀՀ վարչապետի 2015թ․ ապրիլի 18-ի N300-Ն որոշումն ուժը կորցրած ճանաչելու մասին ՀՀ վարչապետի 24․06․2019թ․ N808-Ն որոշման մեջ փոփոխություններ և լրացումներ կատարելու մասին» ՀՀ վարչապետի որոշման նախագծի վերաբերյալ։


15.09.2020

ՀԱՂՈՐԴԱԿՑՈՒԹՅԱՆ ՀԱՄԱԿԱՐԳՈՂԻ ԱՇԽԱՏԱՆՔԻ ՀԱՅՏԱՐԱՐՈՒԹՅՈՒՆ

Թրանսփարենսի Ինթերնեշնլ հակակոռուպցիոն կենտրոնը (ԹԻՀԿ) փնտրում է հաղորդակցության համակարգողի, ով կմիանա ԹԻՀԿ փոքր թիմին և դինամիկ միջավայրում պատրաստակամություն կցուցաբերի աջակցելու Հայաստանի ժողովրդավարական կառավարմանը և կոռուպցիայի դեմ պայքարին։ Հաղորդակցության համակարգողը պատասխանատու է լինելու կազմակերպության արտաքին արդյունավետ հաղորդակցության, գրավիչ և հանրամատչելի պրոդուկտների մշակման, ինչպես նաև սոցիալական մեդիայի և այլ հարթակների միջոցով նոր համակիրների ներգրավման համար։


10.09.2020

ՀԱՅՏԱՐԱՐՈՒԹՅՈՒՆ ՄԱԿ-ի Մարդու իրավունքների խորհրդի արտահերթ նիստ հրավիրելու մասին

2019 թվականի հոկտեմբերի 17-ին ՄԱԿ-ի Գլխավոր ասամբլեայում Հայաստանն ընտրվեց Մարդու իրավունքների խորհրդի անդամ 2020-2022 թվականների համար: ՀՀ վարչապետն, արձագանքելով այս կարևոր իրադարձությանը, հայտարարեց. «Սա մեր երկրի նկատմամբ միջազգային հանրության շատ մեծ վստահության վկայություն է, հատկապես մարդու իրավունքների պաշտպանության հարցում: Շնորհավորում եմ բոլորիս»: ՀՀ արտգործնախարարը նույն առիթով հայտարարեց. «Մարդու բոլոր իրավունքների ու հիմնարար ազատությունների առաջմղումը, ժողովրդավարական արժեքների ամրապնդումը լինելու է Մարդու իրավունքների խորհրդում Հայաստանի կարևոր առաջնահերթությունը»:


08.09.2020

Ներկայացվել են առաջարկություններ աշխատանքային օրենսգրքում կամավորական գործունեությանն առնչվող իրավակարգավորումներ ներառելու մասին

Քաղաքացիական հասարակության կազմակերպությունների՝ Թրանսփարենսի Ինթերնեշնլ հակակոռուպցիոն կենտրոնի, Բաց հասարակության հիմնադրամներ–Հայաստանի, Ժուռնալիստների «Ասպարեզ» ակումբի, «Իրավունքների պաշտպանություն առանց սահմանների» հասարակական կազմակերպության և Իրավունքի զարգացման և պաշտպանության հիմնադրամի կողմից պատրաստվել և ներկայացվել են առաջարկություններ կամավորական աշխատանքը կանոնակարգող իրավակարգավորումների վերաբերյալ։


05.09.2020

Քաղաքացիական հասարակության կազմակերպությունների և անհատ փաստաբանների համատեղ հայտարարությունը սահմանադրական փոփոխությունների գործընթացի վերաբերյալ

2018 թ. ապրիլ-մայիս ամիսներին ՀՀ քաղաքացիների ապակենտրոն, խաղաղ, ոչ բռնի,  հանրապետության ողջ տարածքում տեղի ունեցած զանգվածային բողոքի ցույցերի արդյունքում իրականացվեց թավշյա հեղափոխություն և վերջ տրվեց պետության շարունակական զավթմանը: 2018թ. դեկտեմբերին տեղի ունեցան ԱԺ արտահերթ ընտրություններ, որոնք տեղական և միջազգային դիտորդների գնահատմամբ, միջազգային չափանիշներին լիովին համապատասխան, ժողովրդավար, ազատ և արդար էին: Ընտրությունների արդյունքում ձևավորված լեգիտիմ իշխանությունը կրում է քաղաքական պատասխանատվություն՝ վերականգնելու ժողովրդավարական և իրավական պետության սահմանադրական կարգը և երաշխավորելու հանրապետությունը իշխանության զավթման վտանգից:


03.09.2020

Կայացել է ԹԻՀԿ հերթական Ընդհանուր ժողովը

Սույն թվականի օգոստոսի 28-ին հեռավար եղանակով տեղի է ունեցել «Թրանսփարենսի Ինթերնեշնլ հակակոռուպցիոն կենտրոն» հասարակական կազմակերպության (ԹԻՀԿ) հերթական Ընդհանուր ժողովը, որի ընթացքում կազմակերպության անդամներն անդրադարձել են ԹԻՀԿ նախորդ տարվա գործունեությանն առնչվող մի շարք հարցերի։


02.09.2020

Ավարտվել է ԹԻՀԿ Հակակոռուպցիոն երկրորդ դպրոցը

2020 թվականկի հուլիսի 1-ից օգոստոսի 7-ը անցկացվել է Թրանսփարենսի Ինթերնեշնլ հակակոռուպցիոն կենտրոնի (ԹԻՀԿ) Հակակոռուպցիոն երկրորդ դպրոցը։

Առցանց դպրոցի շրջանակներում շուրջ մեկ ամիս ՀՀ տարբեր մարզերից 18-30 տարեկան 25 երիտասարդներ փորձառու դասընթացավարների առաջնորդությամբ (հետազոտողներ, քաղաքացիական հասարակության ներկայացուցիչներ և պետական պաշտոնյաներ) գիտելիքներ են ստացել կոռուպցիայի, դրա դրդապատճառների և տեսակների, տարբեր ոլորտներում առկա կոռուպցիոն ռիսկերի ու դրանց հետևանքների վերաբերյալ, ծանոթացել են կոռուպցիայի դեմ պայքարի մեթոդներին, Հայաստանում հակակոռուպցիոն քաղաքականությանը, միջազգային պարտավորություններին, դրանց իրականացման գործընթացներին և այլ արդիական թեմաների։


31.08.2020

ԲԱՐԵՎԱՐՔՈՒԹՅԱՆ ԹՂԹԱՊԱՆԱԿՆԵՐ. Էդգար Շաթիրյան

ԹՂԹԱՊԱՆԱԿ  № 1 (ՇԱՐՈՒՆԱԿՈՒԹՅՈՒՆ)․ ՍԱՀՄԱՆԱԴՐԱԿԱՆ ԴԱՏԱՐԱՆԻ ԴԱՏԱՎՈՐԻ ԹԵԿՆԱԾՈՒ ԷԴԳԱՐ ՇԱԹԻՐՅԱՆ

1.3 ԷԴԳԱՐ ԷԴՈՒԱՐԴԻ ՇԱԹԻՐՅԱՆ  (առաջադրված ՀՀ կառավարության կողմից)

1.3.1 Նախկին վարքագիծը՝ Կոռուպցիայի կանխարգելման հանձնաժողովի անդամի պաշտոնում

Էդգար Շաթիրյանը 2015 թ. հունիսի 13-ին ՀՀ Նախագահի հրամանագրով ՀՀ Սահմանադրական դատարանի նախագահի առաջարկությամբ նշանակվել է Բարձրաստիճան պաշտոնատար անձանց էթիկայի հանձնաժողովի անդամ՝ մինչև 2018 թ. հունվարի 10-ը պաշտոնավարման ժամկետով[1]։ Պաշտոնավարումը հետագայում երկարաձգվել է և ավարտվել 2019 նոյեմբերի 19-ին՝ Կոռուպցիայի կանխարգելման հանձնաժողովի ձևավորմամբ։

 

 


27.08.2020

Նախագծերը հանրային պատշաճ քննարկման չներկայացնելու միտում է նկատվում. Սոնա Այվազյան

2020թ. օգոստոսի 27-ին Արդարադատության նախարարությունն իրավական ակտերի նախագծերի միասնական կայքում հանրային քննարկման է ներկայացրել «Հայաստանի Հանրապետության բնակչության սանիտարահամաճարակային անվտանգության ապահովման մասին» օրենքում լրացումներ կատարելու մասին», «Արտակարգ իրավիճակներում բնակչության պաշտպանության մասին» օրենքների նախագծերը, որոնց վերաբերյալ մինչև սեպտեմբերի 11-ը հանրության ներկայացուցիչները կարող են ներկայացնել առաջարկություններ և դիտողություններ: Սակայն նույն օրը, առանց հանրային քննարկման ժամկետի ավարտին սպասելու, նշված նախագծերն ընդունվել են ՀՀ կառավարության կողմից: