Գլխավոր էջ Նորություններ

Նորություններ

11.03.2019

Նախարար Զեյնալյանը միջազգային փորձագետների հետ քննարկել է հակակոռուպցիոն արդյունավետ մարմին ունենալուն առնչվող հարցեր

ՀՀ արդարադատության նախարար Արտակ Զեյնալյանը մարտի 11-ին ընդունել է Տնտեսական համագործակցության և զարգացման կազմակերպության (OECD)  հակակոռուպցիոն ցանցի փորձագետներ Վալց Կալնինշին և Ռուսլան Ռյաբոշապկային: Հանդիպմանը ներկա են եղել նաև ՀՀ արդարադատության նախարարի տեղակալ Սուրեն Քրմոյանը, Թրանսփարենսի Ինթերնեշնլ հակակոռուպցիոն կենտրոնի գործադիր տնօրեն Սոնա Այվազյանը, այլք:


08.03.2019

«Թրանսփարենսի Ինթերնեշնլ օրինավորության միջազգային դպրոց»-ի ընդունելությունը սկսված է

«Յոթօրյա ինտենսիվ ծրագրի միջոցով «Թրանսփարենսի Ինթերնեշնլ օրինավորության միջազգային դպրոց»-ի սաները ծանոթանում են կոռուպցիայի դեմ պայքարի և հաշվետվողականության ոլորտում վերջին զարգացումներին»,- պատմում  է ԹԻՀԿ կրթական ծրագրերի համակարգող Տաթևիկ Բարսեղյանը: Տաթևիկը 2016թ. մասնակցել է Վիլնյուսի դպրոցի դասընթացներին:


07.03.2019

ԹԻՀԿ-ն՝ որպես ENEMO-ի անդամ կդիտարկի Ուկրաինայի նախագահական ընտրությունների քվեարկության ընթացքը

ԹԻՀԿ-ն՝ որպես «Ընտրությունների մոնիտորինգի կազմակերպությունների եվրոպական ցանց»-ի  (ENEMO) անդամ, մարտի 31-ին  կդիտարկի Ուկրաինայի նախագահական ընտրությունների քվեարկության ընթացքը: ԹԻՀԿ-ն ENEMO-ի անդամ է, որն իրականացնում է Ուկրաինայի նախագահական ընտրությունների երկարաժամկետ և կարճաժամկետ դիտորդություն։


06.03.2019

Ուսումնասիրվել է առողջապահական համակարգում կոռուպցիան արմատախիլ անելու ուկրաինական փորձը

Հակակոռուպցիոն փորձագիտական խմբի ներկայացուցիչները Ուկրաինա կատարած այցի շրջանակում մարտի 6-ին հանդիպել են «Ուկրաինայի պացիենտներ» հասարակական կազմակերպության, Թրանփարենսի Ինթերնեշնլ Ուկրաինայի և «1991 բաց տվյալների ինկուբատոր» ՀԿ-ի ներկայացուցիչների հետ: «Ուկրաինայի պացիենտներ»  հասարակական կազմակերպության նպատակն է արմատախիլ անել համակարգային կոռուպցիան Ուկրաինայի առողջապահական համակարգում և ստեղծել ինստիտուցիոնալ, քաղաքական և քաղաքացիական պայմաններ, ինչը կապահովի, որ Ուկրաինայի քաղաքացիները հնարավորություն ունենան ձեռք բերել կենսական նշանակության դեղորայքներ:


05.03.2019

Քննարկվել են բաց տվյալների, կեղծ ինֆորմացիայի տարածման, էլեկտրոնային գնումների վերաբերյալ մի շարք հարցեր

Թրանսփարենսի Ինթերնեշնլ հակակոռուպցիոն կենտրոնի և գործընկեր կազմակերպությունների մասնագետները և փորձագետները մարտի 5-ին Ուկրաինա կատարած աշխատանքային այցի շրջանակում հանդիպել են բարձրորակ լրագրության և թվային լրագրության  Texty.org.ua առցանց հարթակի հիմնադիրներին, ինչպես նաև  ԱՄՆ ՄԶԳ ֆինանսավորմամբ իրականացվող  «Թափանցիկությունը և հաշվետվողականությունը հանրային կառավարման մեջ և ծառայություններում» (TAPAS) ծրագրի ղեկավարին: Ուկրաինայի գործընկերները ներկայացրել են բաց տվյալների, կեղծ ինֆորմացիայի հետ աշխատանքում իրենց փորձառությունը, պետական կառույցների հետ աշխատանքային հաջողությունները, էլեկտրոնային գնումների Ուկրաինայի փորձը և մոտ ապագայում նախատեսվող այլ ծրագրերը։


04.03.2019

Հայաստանյան հակակոռուպցիոն փորձագիտական խմբի այցը Ուկրաինա

Հայաստանից մի խումբ հակակոռուպցիոն փորձագետներ, այդ թվում` ԹԻՀԿ ներկայացուցիչները  2019 թ. մարտի 4-7-ը փորձի փոխանակման այցով գտնվում են Ուկրաինայում։ Ծրագրի շրջանակում նախատեսված են մի շարք հանդիպումներ հակակոռուպցիոն կառույցների, ՀԿ-ների, ինչպես նաև միջազգային կազմակերպությունների ներկայացուցիչների հետ։ Այցի առաջին օրը հանդիպումներ են տեղի ունեցել Ուկրաինայի խորհրդարանի` Վերին Ռադայի հակակոռուպցիոն մշտական հանձնաժողովի, հանձնաժողովին կից հակակոռուպցիոն փորձագիտական խմբի, Ուկրաինայի ազգային հակակոռուպցիոն բյուրոյի, ինչպես նաև Կոռուպցիայի կանխարգելման ազգային գործակալության ներկայացուցիչների հետ։


04.03.2019

«Տրոյկա լվացքատան» բացահայտումները հիմք են տալիս խստացնելու Եվրոպայի բանկային համակարգի նկատմամբ վերահսկողությունը

Ինչպես հայտնի է, Թրանսփարենսի Ինթերնեշնլ հակակոռուպցիոն գլոբալ կազմակերպությունն իր գործընկեր` Կազմակերպված հանցավորության և կոռուպցիայի լուսաբանման նախագծի (OCCRP) բացահայտած նյութերի հիման վրա բազմիցս հանդես է եկել փողերի լվացման միջազգային սխեմաների դեմ մամուլի հաղորդագրություններով: Հերթական բացահայտումը վերաբերում է «Տրոյկա լվացքատանը», որն առնչվում է ռուսաստանյան «Տրոյկա Դիալոգ» ներդրումային ընկերության կողմից փողերի լվացմանը: «Կազմակերպված հանցավորության և կոռուպցիայի լուսաբանման նախագծի և գործընկեր լրատվամիջոցների կողմից «Տրոյկա լվացքատան» վերաբերյալ այսօր հրապարակած  բացահայտումները վեր են հանել Եվրոպայում փողերի լվացման դեմ գործող համակարգերի աչք ծակող թերությունները և հիմք են տալիս ներկայացնելու պահանջ՝ ստեղծել ԵՄ փողերի լվացման նկատմամբ վերահսկող մարմին»,- ասված է ԹԻ համաշխարհային հակակոռուպցիոն կազմակերպության մամուլի հաղորդագրությունում:


02.03.2019

Մեկնարկել է «Հանքարդյունաբերության ազդակիր համայնքները` ԱՃԹՆ գործընթացի լիարժեք մասնակիցներ» դրամաշնորհային ծրագիրը

ԹԻՀԿ-ը ԱՄՆ ՄԶԳ աջակցությամբ իրականացվող «Պահանջատեր հասարակություն՝ հանուն պատասխանատու կառավարման» ծրագրի շրջանակում հայտարարել էր  դրամաշնորհային ծրագրերի առաջարկների մրցույթ՝ ներկայացնելու հանքարդյունաբերության ոլորտում թափանցիկ և հաշվետու կառավարման խթանմանն ուղղված դրամաշնորհային ծրագիր: Մրցույթի արդյունքում ընտրված կազմակերպություններից է «ԷկոԼուր» տեղեկատվական ՀԿ-ն, որը ս.թ. հունվարի կեսից իրականացնում է «Հանքարդյունաբերության ազդակիր համայնքները`  Արդյունահանող ճյուղերի թափանցիկության նախաձեռնության (ԱՃԹՆ)  գործընթացի լիարժեք մասնակիցներ» դրամաշնորհային ծրագիրը:


26.02.2019

Աշխարհի ոչ մի երկրում կոռուպցիան զրո մակարդակի չէ. որ մոդելով է հնարավոր արդյունավետ պայքարել կոռուպցիայի դեմ

«Աշխարհի ոչ մի երկրում կոռուպցիան զրո մակարդակի չէ։ Բոլոր երկրներում էլ կոռուպցիա կա, և դա չէր կարող չլինել նաև Հայաստանում»,- «Առաջին լրատվական»-ի հետ զրույցում ասել է Թրանսփարենսի Ինթերնեշնլ հակակոռուպցիոն կենտրոնի ծրագրի ղեկավար Վարուժան Հոկտանյանը՝ անդրադառնալով վարչապետի՝ օրերս կատարած հայտարարությանն ու հանձնարարականներին։ Հոկտանյանի խոսքով՝ ներկայումս խնդիրը կոռուպցիան նվազագույնի հասցնելն է, որպեսզի այն համակարգային բնույթ չունենա և չլինի երկրի զարգացմանը լուրջ խոչընդոտ։ Հետհեղափոխական իրավիճակում բնական է, պատկերը չէր կարող կտրուկ փոփոխվել։ Կարևորն այն է, որ ուղղությունը ճիշտ է ընտրված, մնում է, որ ամեն ինչ արվի պրոֆեսիոնալ։


26.02.2019

ՀՀ արդարադատության նախարարության 2019թ. ծրագրային բյուջեի արդյունքային ցուցանիշների վերլուծության արդյունքների ներկայացում

Ս.թ. փետրվարի 26-ին ԹԻՀԿ-ը ներկայացրել է ՀՀ արդարադատության նախարարության 2019թ. ծրագրային բյուջեի արդյունքային ցուցանիշների վերլուծության արդյունքները: Վերլուծությունն իրականացվել է Բաց հասարակություն հիմնադրամներ-Հայաստանի աջակցությամբ իրականացվող «Հայաստանում ընտրված մի քանի ոլորտներում ծրագրային բյուջետավորման կիրարկման և հանրային ֆինանսների կառավարման համակարգի բարեփոխումների 2016-2020 թթ. միջոցառումների ծրագրի ընտրված միջոցառումների իրականացման մոնիտորինգ» ծրագրի շրջանակներում, որի նպատակն էր նպաստել Հայաստանի հանրային ֆինանսների կառավարման համակարգի թափանցիկության և հաշվետվողականության բարելավմանը: