Նորություններ

ԵԽ` կոռուպցիայի դեմ պայքարի երկրների խումբը` GRECO-ն ՀՀ իշխանությունների համաձայնությամբ հրապարակել է Հայաստանի մասին հաշվետվությունը: Այն վերաբերում է հատկապես ոստիկանությանը և դատական, հարկային և մաքսային, կրթական և առողջապահական համակարգերին, լիցենզավորման և սեփականաշնորհման գործընթացներին: GRECO-ն ՀՀ իշխանություններին է ուղարկել 24 հանձնարարական` դրանց կատարման վերջնաժամկետ սահմանելով 2007թ. սեպտեմբերը:

Զեկույցի հետ կարող եք ծանոթանալ GRECO-ի պաշտոնական վեբ-կայքում` www.greco.coe.int

Էմիլ Դանիելյան

Վերջին տարիների շինարարական բումը Հայաստանում տնտեսական աճի տեմպերը պահպանել է երկնիշ թվերի մակարդակի վրա` միաժամանակ մերկացնելով օրինականության ապահովման և աճող սոցիալական անհավասարության հետ կապված մի շարք լուրջ հիմնախնդիրներ: Հարյուրավոր քաղաքացիներ ստիպված էին ազատել սեփական բնակարանները, որոնք այնուհետև քանդվում էին և տեղ բացում բնակելի և գրասենյակային էլիտար շենքերի համար: Ոմանք դիմադրություն էին ցույց տալիս վտարմանը` կազմակերպելով բողոքի ցույցեր, հայտարարելով հացադուլ և անգամ սպառնալով ինքնասպանություն գործել:

Կոռուպցիայի դեմ պայքարի 2006թ. համաշխարհային զեկույցի համաձայն յուրացումները, կաշառակերությունը և դրամաշորթությունը միլիոնավոր մարդկանց զրկում են պատշաճ բուժսպասարկում ստանալու հնարավորությունից:

Յուրաքանչյուր տարի կեղծված դեղամիջոցները խլում են հազարավոր մարդկանց կյանքը և նպաստում դեղերի ներգործությանը չենթարկվող հիվանդությունների տարածմանը

2006թ. փետրվարի 1, Բեռլին/Լոնդոն - Կոռուպցիայի դեմ պայքարի 2006թ. համաշխարհային զեկույցում, որը հրապարակվում է այսօր, նշվում է, որ առողջապահության համակարգում առկա կոռուպցիան անհրաժեշտ բժշկական խնամքից զրկում է այդ խնամքի կարիքն առավել սուր զգացող մարդկանց` միաժամանակ նպաստելով դեղերի ներգործությանը չենթարկվող մահացու հիվանդությունների տարածմանը:

Բուժսպասարկման համակարգի` էթիկայից զուրկ աշխատակիցների ձեռքում պատանդ պահվող միլիոնավոր աղքատների համար համակարգում կոռուպցիայի վերացումը կենաց և մահու խնդիր է: «Կոռուպցիան առողջապահության համակարգում փողից էլ թանկ է: Ինչ փողի մասին կարելի է խոսել, երբ վիրահատության ժամանակ սրտի աշխատանքը վերականգնելու համար նախատեսված ադրենալինի փոխարեն ջրի ներարկման պատճառով երեխա է մահանում: Առողջապահության համակարգում առկա կոռուպցիայի գինը վճարվում է մարդկային տառապանքներով»,- ասում է "Թրանսփարենսի Ինթրնեշնլ" (ԹԻ) կազմակերպության նախագահ Հյուգետ Լաբելը: