Նորություններ

Ս.թ. հուլիսի 25-ին ՏԶԿ/ԹԻ-Հայաստան ՀԿ գրասենյակում կայացել է կազմակերպության ընդհանուր ժողովը:

Ժողովի օրակարգում ընդգրկվել էին հետևյալ հարցերը. կազմակերպության տարեկան հաշվետվության ընդունում, «Թրանսփարենսի Ինթերնեշնլ» շարժմանը վերահավատարմագրման գործընթաց, կազմակերպության «Վարվեցողության կանոնների» փոփոխությունների հաստատում, նոր անդամների ընդունում և կազմակերպության խորհրդի, վերստուգիչ հանձնաժողովի ու նախագահի ընտրություններ:

ՏԶԿ/ԹԻ-Հայաստան ՀԿ-ն ս.թ. հուլիսի 21-ին «Գոլդեն Թյուլիփ Հոթել Երևան» հյուրանոցում հասարակական այլ կազմակերպությունների մասնակցությամբ անց է կացրել կլոր սեղան «Հակակոռուպցիոն քաղաքականությունը Հայաստանում» թեմայով: Քննարկվել են ՀԿ-ների` կոռուպցիայի դեմ պայքարին ուղղված հետագա պլանները, մոտեցումները և համագործակցության հնարավորությունները:

ՀՀ սահմանադրական դատարանը երեկ դռնփակ նիստով որոշում է կայացրել, որ 2003թ. հոկտեմբերի 31-ին Նյու-Յորքում ստորագրված կոռուպցիայի դեմ կոնվենցիայում ամրագրված պարտավորությունները համապատասխանում են ՀՀ սահմանադրությանը:

Արտերկրյա պաշտոնատար անձանց շրջանում կաշառակերության դեմ պայքարի մասին ՏՀԶԿ կոնվենցիայի կիրարկումը

ՏՀԶԿ կոնվենցիայի կիրարկման աշխատանքների առաջընթացի մասին «Թրանսփարենսի Ինթերնեշնլ» կազմակերպության երկրորդ հաշվետվությունը քննության է առնում «Արտերկրյա պաշտոնատար անձանց շրջանում կաշառակերության դեմ պայքարի մասին» ՏՀԶԿ կոնվենցիան վավերացրած 36 երկրներից 31-ում համաձայնագրի կիրարկման գործողությունների առաջընթացի խնդիրը:

«Գործընկերություն հանուն բաց հասարակության» նախաձեռնությունը հունիսի ս.թ. 22-ին «Արմենիա Մարրիոթ» հյուրանոցի «Էրատո» սրահում կազմակերպել էր քննարկում նվիրված «Լոբբիստական գործունեության մասին» ՀՀ օրենքի նախագծի քննարկմանը: Զեկույցներով հանդես եկան «Ինտերնյուս-Հայաստան» ՀԿ իրավաբանական ծառայության ղեկավար Դավիթ Սանդուխչյանը, ՀՀ արդարադատության փոխնախարար Աշոտ Աբովյանը և «ՏԶԿ/ԹԻ-Հայաստան» գործադիր տնօրեն Սոնա Այվազյանը:

Ս.թ. հունիսի 13-ին Բնապահպանական տեղեկատվության հասարակական կենտրոնում (Օրհուսի կենտրոն) «ՏԶԿ/ԹԻ -Հայաստան» ՀԿ-ն կազմակերպեց Էկոլոգիական հասարակական դաշինքի հանդիպում` քննարկելու Երևան քաղաքի կառավարման համակարգի վերաբերյալ ՀՀ կառավարությանը ներկայացված առաջարկները և դրանց առնչվող էկոլոգիական խնդիրները:

Ս.թ. հունիսի 13-ին ՆԱՏՕ-ի խորհրդարանական վեհաժողովի ժողովրդավարական կառավարման հարցերի և ապագա անվտանգության ու պաշտպանական կարողությունների ենթահանձնաժողովների համատեղ պատվիրակությունը հանդիպեց Հայաստանի քաղաքացիական հասարակության ներկայացուցիչների հետ:

«ՏԶԿ/ԹԻ- Հայաստան» ՀԿ նախագահ Ամալյա Կոստանյանը հրավիրված էր մասնակցելու «Տնտեսական համագործակցության և զարգացման կազմակերպության» (ՏՀԶԿ) և «Հակակոռուպցիոն ցանցի» (ՀԿՑ) քարտուղարության կողմից կազմակերպված մոնիտորինգային հինգերորդ և խորհրդատվական խմբի յոթերորդ նիստերին: Այն անցկացվեց 2006թ. հունիսի 12-13 Փարիզում Ստամբուլի «Հակակոռուպցիոն գործողությունների պլանի» շրջանակներում:

«ՏԶԿ/ԹԻ-Հայաստան» ՀԿ փոխնախագահ Վարուժան Հոկտանյանը ս.թ. հունիսի 9-10 մասնակցել է Երևանի մամուլի ակումբի և Ֆրիդրիխ-Էբերտ հիմնադրամի կողմից կազմակերպված «Եվրոպական ինտեգրացիայի դերը և հասարակական-քաղաքացիական բարեփոխումների չափանիշները Հայաստանում» հանդիպմանը ք. Գորիսում, Սյունիքի մարզ:

«ՏԶԿ/ԹԻ-Հայաստան» ՀԿ կազմակերպության նախագահ Ամալյա Կոստանյանը ս.թ. հունիսի 7-ին ելույթ է ունեցել ԱՄՆ-ի, Կանադայի, Գերմանիայի և մի շարք երկրներից ժամանած կամավորների խւմբի հետ «Դեպի Հայք» հիմնադրամի կողմից կազմակերպված «Կոռուպցիայի դեմ պայքար» թեմատիկայով հանդիպմանը: