Գլխավոր էջ Նորություններ

Նորություններ

Շրջակա միջավայրի պաշտպանները մասնակցել են դեպի Թեղուտ հեծանվարշավին
09.05.2008

Շրջակա միջավայրի պաշտպանները մասնակցել են դեպի Թեղուտ հեծանվարշավին

Մայիսի 9-11-ին Թեղուտի պաշտպանության խմբի կողմից իրականացվել է «SOS Թեղուտ» հեծանվային արշավը, որին մասնակցել է 40 մարդ, այդ թվում` 25 հեծանվորդ: Ակցիան նպատակ ուներ հայաստանյան հասարակության ուշադրությունը կենտրոնացնել Թեղուտի պղնձամոլիբդենային հանքավայրի շահագործման կործանարար հետևանքների վրա: ՀՀ կառավարության հավանությանն արժանացած նախագիծն իրականացվում է «Արմենիա Քափր Փրոգրամ» ընկերության կողմից:


Թափանցիկության ապահովումն ու կոռուպցիայի կրճատումը զինված ուժերում
05.05.2008

Թափանցիկության ապահովումն ու կոռուպցիայի կրճատումը զինված ուժերում

Ս. թ. մայիսի 5-ից 7-ը ԹԻՀԿ նախագահ Ամալյա Կոստանյանը Ժնևում մասնակցել է ինստիտուցիոնալ և միջկառավարական կառույցների մասնագետների առաջին սեմինարին, որին ներկա էին տարբեր երկրների ինստիտուտների ավելի քան 50 փորձագետներ: Պաշտպանության ոլորտում կոռուպցիայի դեմ պայքարի նախաձեռնության շրջանակներում ընթացող սույն սեմինարը կազմակերպել էր Անվտանգության քաղաքականության ժնևյան կենտրոնը Թրանսփարենսի Ինթերնեշնլ-Մեծ Բրիտանիայի (ԹԻ-ՄԲ) և Զինված ուժերի ժողովրդավարական վերահսկողության ժնևյան կենտրոնի հետ համատեղ` ՆԱՏՕ-ի և Շվեյցարիայի կառավարության օժանդակությամբ:


Քաղաքացիական հասարակությունը բողոքում է Թեղուտի հանքի շահագործման դեմ
30.04.2008

Քաղաքացիական հասարակությունը բողոքում է Թեղուտի հանքի շահագործման դեմ

Ս. թ. ապրիլի 30-ին ԹԻՀԿ-ը Հայաստանի բնապահպանների և քաղաքացիական հասարակության այլ շահագրգիռ կազմակերպությունների հետ մասնակցել է ՀՀ Ազգային Ժողովի շենքի առջև կազմակերպված ակցիային` այնտեղ ընթացող Կառավարություն-ԱԺ հարցուպատասխանի ժամանակ` բողոքելով «Էյ Սի Փի» ընկերության կողմից Թեղուտի հանքավայրի շահագործման դեմ: «Ոչ կոռուպցիային» գրությամբ շապիկներով և պաստառներով ցուցարարները պահանջել են դադարեցնել հանքավայրի շահագործումը և անկախ փորձաքննություն անցկացնել` ներառելով միջազգային փորձագետների:


«Յո՞ երթաս» խորագրով ֆորումի ուշադրության կենտրոնում քաղաքացիական հասարակության առջև ծառացած մարտահրավերներն են
08.04.2008

«Յո՞ երթաս» խորագրով ֆորումի ուշադրության կենտրոնում քաղաքացիական հասարակության առջև ծառացած մարտահրավերներն են

Ս. թ. ապրիլի 8-ին ԹԻՀԿ-ը իր գործընկերների հետ անցկացրեց հասարակական կազմակերպությունների և միավորումների ֆորում «Յո՞ երթաս» խորագրով` նվիրված Հայաստանում ս.թ. մարտի 1-ից ի վեր տիրող իրավիճակին, քաղաքացիական հասարակության առջև ծառացած մարտահրավերներին ու դրանց հաղթահարման ուղիներին: Միջոցառմանը ներկա էին 50 հասարակական կազմակերպությունների, լրատվամիջոցների և միջազգային կազմակերպությունների ներկայացուցիչներ:


ՀԿ-ները պահանջում են անհապաղ վերջ տալ Հայաստանի բնակչության նկատմամբ իրականացվող տեռորին
27.03.2008

ՀԿ-ները պահանջում են անհապաղ վերջ տալ Հայաստանի բնակչության նկատմամբ իրականացվող տեռորին

«Արտակարգ դրությունը հանելուց հետո Հայաստանի իշխանությունները ծավալել են բռնությունների և ահաբեկումների նոր ալիք։ ՀՀ ոստիկանությունը և ազգային անվտանգության ծառայությունը որդեգրել են սովետական ԿԳԲ-ի մեթոդները և կազմակերպված ռեպրեսիաների են ենթարկում անպաշտպան մարդկանց», - ասված է մի շարք ՀԿ-ների հայտարարության մեջ Երևանի կենտրոնից մարդկանց զանգվածաբար բերման ենթարկելուց հետո:


Հայ ժողովուրդը բարձր է գնահատում խոսքի ազատությանը
25.03.2008

Հայ ժողովուրդը բարձր է գնահատում խոսքի ազատությանը

Ըստ Խոսքի ազատության և ԳԱԼԱ հեռուստաընկերության պաշտպանության շտաբի, ս. թ. մարտի 25-ի ժամը 17:15-ին ԳԱԼԱ հեռուստաընկերության հիմնադիր «ՉԱՊ» ՍՊԸ-ն կարողացավ ԴԱՀԿ-ին վճարել ՀՀ կառավարությանն առընթեր Հարկային պետական ծառայության սահմանած և ՀՀ Վարչական դատարանի ձևակերպած 26.899.986 դրամ (մոտ 90.000 ԱՄՆ դոլար) «պարտքը»: Համահայկական հանգանակությանը մասնակցել են Քաղաքացիական հասարակությունը ներկայացնող տարբեր սոցիալական խմբերի ավելի քան 10 հազար մարդ, որոնց մի մասը երբևէ չի դիտել ԳԱԼԱ-յի հաղորդունները:


ՀԿ-ները դատապարտում են հանցավոր ոտնձգությունը
21.03.2008

ՀԿ-ները դատապարտում են հանցավոր ոտնձգությունը

Ս. թ. մարտի 19-ին Գյումրիում մեկնարկել է Հայաստանի միակ` ԳԱԼԱ անկախ հեռուստաընկերությանը ֆինանսապես աջակցելու դրամահավաք-մարաթոնը` առանց պատշաճ հիմքերի Հայաստանի հարկային մարմինների սահմանած մոտ 27 միլիոն դրամ տույժուտուգանքը վճարելու նպատակով: Մի քանի օրից հրկիզվել և վնասվել է Խոսքի ազատության և ԳԱԼԱ հեռուստաընկերության պաշտպանության շտաբի համակարգող և Գյումրիի «Ասպարեզ» ակումբի խորհրդի նախագահ Լևոն Բարսեղյանի տրամադրության տակ գտնվող ավտոմեքենան:


Քաղաքացիական հասարակությունը չի ընկրկելու իշխանությունների կամայականությունների ու բռնաճնշումների առջև
20.03.2008

Քաղաքացիական հասարակությունը չի ընկրկելու իշխանությունների կամայականությունների ու բռնաճնշումների առջև

Թրանսփարենսի ինթերնեշնլ հակակոռուպցիոն կենտրոնը (ԹԻՀԿ), ինչպես նաև քաղաքացիական հասարակությունը ներկայացնող այլ կազմակերպություններ, վրդովված հետընտրական զարգացումներով, ներառյալ վերջերս կատարված բռնությունը, կամայական ձերբակալությունները, արտակարգ դրությունը, հավաքների ու մամուլի սահմանափակումները, հանդես են եկել համատեղ հայտարարությամբ: Օրեր առաջ ԹԻՀԿ-ը միացել էր տեղեկատվական ոլորտում օրինականության և արտակարգ դրության ռեժիմի բազմաթիվ խախտումների վերաբերյալ մեկ այլ հայտարարության:


Արտակարգ դրություն
03.03.2008

Արտակարգ դրություն

ՀՀ Նախագահի մարտի 1-ի հրամանագրով Երևան քաղաքում 20-օրյա ժամկետով հայտարարվել է արտակարգ դրություն, ինչի կապակցությամբ www.transparency.am կայքը ժամանակավորապես սառեցնում է իր գործունեությունը:


Քաղաքացիական հասարակությունը մտահոգված է կեղծված ընտրությամբ
29.02.2008

Քաղաքացիական հասարակությունը մտահոգված է կեղծված ընտրությամբ

Ս. թ. փետրվարի 29-ին Թրանսփարենսի ինթերնեշնլ հակակոռուպցիոն կենտրոնի նախագահ Ամալյա Կոստանյանը Գոլդեն Թյուլիփ Երևան հյուրանոցում կայացած համատեղ մամուլի ասուլիսին ներկայացրել է 2008թ. ՀՀ նախագահի ընտրությունների ընթացքում կազմակերպության իրականացրած թեկնածուների նախընտրական քարոզչության ֆինանսավորման մոնիտորինգի արդյունքները: Մոնիտորինգի նախնական արդյունքների համաձայն` ՀՀ Ընտրական օրենսգրքի 79.4 հոդվածով` նախընտրական քարոզչության իրականացման համար թույլատրված 70 մլն դրամը գերազանցվել է թեկնածուներ Սերժ Սարգսյանի և Վահան Հովհաննիսյանի կողմից: