Գլխավոր էջ Նորություններ

Նորություններ

Համաժողովն աջակցում է  քաղաքացիական հասարակության կազմակերպությունների հետագա զարգացմանը
18.11.2010

Համաժողովն աջակցում է քաղաքացիական հասարակության կազմակերպությունների հետագա զարգացմանը

Թրանսփարենսի Ինթերնեշնլ հակակոռուպցիոն կենտրոնի նախագահ Սոնա Այվազյանը քաղաքացիական հասարակությունը ներկայացնող ԵՄ վեց արևելյան հարևանների և ԵՄ անդամ երկրների պատվիրակների թվում ս.թ. նոյեմբերի 18-19-ին Բեռլինում մասնակցել է Արևելյան գործընկերության քաղաքացիական հասարակության երկրորդ համաժողովին: Ուժեղացնելով քաղաքացիական հասարակությունը` համաժողովն օգնել է վեց հարևան երկրների քաղաքացիական հասարակության և կառավարությունների միջև ամրապնդելու ժողովրդավարությունը, ինչպես նաև ընդլայնելու երկխոսությունն ու համագործակցությունը:


Հաշվետվողականության մեխանիզմները միջազգային ֆինանսական հաստատությունների և ԵՄ ֆինանսավորած ծրագրերում
18.11.2010

Հաշվետվողականության մեխանիզմները միջազգային ֆինանսական հաստատությունների և ԵՄ ֆինանսավորած ծրագրերում

Ս.թ. նոյեմբերի 18-ին Թրանսփարենսի Ինթերնեշնլ հակակոռուպցիոն կենտրոնի ծրագրի օգնական Լենա Նազարյանը Բուդապեշտում մասնակցել է Կենտրոնական և Արևելյան Եվրոպայի Բանքուոթչ Նեթուորք-ի և Հունգարիայի Շրջակա միջավայրի պաշտպանության մասնագետների ազգային ընկերակցության կազմակերպած «Հաշվետվողականության մեխանիզմների կիրառությունը հանուն շրջակա միջավայրի և մարդու իրավունքների պաշտպանության միջազգային ֆինանսական հաստատությունների և ԵՄ ֆինանսավորած ծրագրերում» սեմինարին: Քաղաքացիական հասարակության կողմից արդյունավետ գործադրելու պարագայում հաշվետվողականության մեխանիզմները կարող են պաշտպանել հանրային շահը և լուծել ծրագրերի առաջ բերած պրոբլեմները:


Քաղաքացիական հասարակության հետ համագործակցություն կոռուպցիայի դեմ պայքարում
16.11.2010

Քաղաքացիական հասարակության հետ համագործակցություն կոռուպցիայի դեմ պայքարում

Ս.թ. նոյեմբերի 15-16-ին Թրանսփարենսի Ինթերնեշնլ հակակոռուպցիոն կենտրոնի նախագահ Սոնա Այվազյանը Վարշավայում մասնակցել է «Պայքար կոռուպցիայի դեմ» խմբային քննարկմանը Արևելյան գործընկերություն. պլատֆորմ 1-ի շրջանակում: Քննարկման ընթացքում երեք խմբերում արծարծվել են հետևյալ թեմաները. քաղաքացիական հասարակության հսկողական դերը և մոնիտորինգը, ՀԿ-ների կողմից տրամադրվող փորձագիտական ծրագրերն ու տեխնիկական օժանդակությունը և իրազեկության բարձրացման քարոզարշավներն ու կրթական գործունեությունը:


Քաղաքացիական հասարակության ներկայացուցիչների` ՀՀ Ընտրական օրենսգրքում փոփոխություններ կատարելու պահանջագիր
16.11.2010

Քաղաքացիական հասարակության ներկայացուցիչների` ՀՀ Ընտրական օրենսգրքում փոփոխություններ կատարելու պահանջագիր

Մենք` Հայաստանի Հանրապետության քաղաքացիական հասարակության կազմակերպությունների և շարժումների ներկայացուցիչներս, ընտրակեղծիքների, լցոնումների և այլ խախտումների բացառման, այդ գործընթացը առավել թափանցիկ դարձնելու, ինչպեսև ՀՀ քաղաքական համակարգի կայացման նպատակով պահանջում ենք ՀՀ Ազգային Ժողովից ՀՀ ընտրական օրենսգրքում առաջիկայում նախատեսված փոփոխությունները կատարելիս ապահովել հետևյալ հինգ դրույթների ներառումը.


ԹԻ ընդհանուր ժողովը հանդես է եկել Ամալյա Կոստանյանի անվան մրցանակ սահմանելու օգտին
15.11.2010

ԹԻ ընդհանուր ժողովը հանդես է եկել Ամալյա Կոստանյանի անվան մրցանակ սահմանելու օգտին

ԹԻ Ռուսաստանի մասնաճյուղի առաջարկությամբ Թրանսփարենսի Ինթերնեշնլ-ի տարեկան ընդհանուր ժողովը սույնով առաջարկում է սահմանել Ամալյա Կոստանյանի անվան մրցանակ, որը կշնորհվի ԹԻ միջազգային հակակոռուպցիոն շարժման շարքերում գերազանց գործունեության համար: Ամալյա Կոստանյանը, ով ԹԻ հայաստանյան մասնաճյուղի նախագահն էր, հանկարծամահ եղավ ս.թ. սեպտեմբերին: Նա իսկական հերոս էր, ՄԱԿ-ի Կոռուպցիայի դեմ պայքարի կոնվենցիայի սատարողների դաշինքի ակտիվ անդամ և հայտնի էր կոռուպցիայի դեմ պայքարում իր անձնուրաց ու անվեհեր ներդրումով:


ԹԻ տարեկան ընդհանուր ժողովն ընդունել է ԹԻ 2015 թ. ռազմավարությունը
15.11.2010

ԹԻ տարեկան ընդհանուր ժողովն ընդունել է ԹԻ 2015 թ. ռազմավարությունը

Թրանսփարենսի Ինթերնեշնլ հակակոռուպցիոն կենտրոնի գործադիր տնօրեն Վարուժան Հոկտանյանը ս.թ. նոյեմբերի 7-ից 9-ը մասնակցել է Թրանսփարենսի Ինթերնեշնլ համաշխարհային հակակոռուպցիոն կազմակերպության Եվրոպայի և Կենտրոնական Ասիայի տարածաշրջանային ժողովին և տարեկան ընդհանուր ժողովին: Միջոցառմանը ներկա էին ԹԻ ավելի քան 100 մասնաճյուղերի և ԹԻ անհատ անդամների պատվիրակներ: ԹԻ-ն միաձայն ընդունել է 5-ամյա ռազմավարական ծրագիր և ընտրել է խորհրդի երկու նոր անդամ: Այն նաև ընդունել է երեք բանաձև` վերադարձնել և կառավարել հափշտակված ակտիվները, դատապարտել լրագրողների ու քաղաքացիական ակտիվիստների դեմ հարձակումները և սահմանել Ամալյա Կոստանյանի անվան մրցանակ:


Մեկնաբանություններ շրջակա  միջավայրի վերաբերյալ
12.11.2010

Մեկնաբանություններ շրջակա միջավայրի վերաբերյալ

Ս.թ. նոյեմբերի 12-ին Թրանսփարենսի Ինթերնեշնլ հակակոռուպցիոն կենտրոնի նախագահ Սոնա Այվազյանը մասնակցել է քաղաքացիական հասարակության խորհրդակցության, որը նվիրված էր շրջակա միջավայրի և էներգետիկայի խնդիրներին: ՀՀ-ում ԵՄ պատվիրակության կազմակերպած հանդիպումից առաջ մասնակիցները ներկայացրել են շրջակա միջավայրի, կլիմայի փոփոխության, տրանսպորտի, էներգետիկայի, քաղպաշտպանության և հետազոտության վերաբերյալ մանրամասն հոդվածներ և մեկնաբանություններ:


ՀՀ ընտրական օրենսգրքի նախագծի վերաբերյալ ԹԻՀԿ դիտողությունները և առաջարկությունները
10.11.2010

ՀՀ ընտրական օրենսգրքի նախագծի վերաբերյալ ԹԻՀԿ դիտողությունները և առաջարկությունները

Թրանսփարենսի Ինթերնեշնլ հակակոռուպցիոն կենտրոնը հանդես է եկել ՀՀ Ընտրական օրենսգրքի նախագծի վերաբերյալ դիտողություններով և առաջարկություններով: Դրանք մասնավորապես վերաբերում են նախընտրական քարոզչության ֆինանսավորմանը և վարչական ռեսուրսի չարաշահմանը, ինչպես նաև դիտորդական առաքելությանը: Նախագծի վերաբերյալ դիտողությունները և առաջարկությունները մինչև ս.թ. նոյեմբերի 11-ը ներկայացվել են ՀՀ Ազգային ժողովի պետական-իրավական հարցերի մշտական հանձնաժողով:


Քննարկման է դրված «Հավաքների մասին» ՀՀ օրենքի նախագիծը
09.11.2010

Քննարկման է դրված «Հավաքների մասին» ՀՀ օրենքի նախագիծը

Ս.թ. նոյեմբերի 9-ին Թրանսփարենսի Ինթերնեշնլ հակակոռուպցիոն կենտրոնի նախագահ Սոնա Այվազյանը մասնակցել է ՀՀ մարդու իրավունքների պաշտպանի մշակած «Հավաքների մասին» ՀՀ օրենքի նախագծի քննարկմանը: «Հարավային Կովկասում իրավական և դատական բարեփոխումների» ծրագրի շրջանակում GTZ հայաստանյան գրասենյակի կազմակերպած միջոցառմանը ներկա էին փորձագետներ, միջազգային կազմակերպությունների, դիվանագիտական առաքելությունների, պետական կառույցների և ՀԿ ներկայացուցիչներ:


ԵՀՔ երկրի առաջընթացի զեկույցին ընդառաջ
04.11.2010

ԵՀՔ երկրի առաջընթացի զեկույցին ընդառաջ

Ս.թ. նոյեմբերի 4-ին Թրանսփարենսի Ինթերնեշնլ հակակոռուպցիոն կենտրոնի նախագահ Սոնա Այվազյանը ելույթ է ունեցել քաղաքացիական հասարակության կազմակերպությունների մասնակցությամբ ՀՀ-ում ԵՄ պատվիրակության կազմակերպած խորհրդակցության ընթացքում: Այն նվիրված էր մարդու իրավունքներին, օրենքի գերակայությանը, քաղաքականությանն ու հակամարտությունների լուծմանը: Միջոցառման կիզակետում 2010-ին այդ ոլորտներում ընթացող հիմնական զարգացումներն էին` նպատակ ունենալով արձագանք ստանալ Հայաստանում ԵՀՔ պարտավորությունների իրականացման վերաբերյալ երկրի առաջընթացի 2010 թ. զեկույցը նախապատրաստելիս: