Գլխավոր էջ Նորություններ

Նորություններ

Համաշխարհային նոր նախաձեռնությունը փորձարկում է կոռուպցիայի դեմ պայքարին առնչվող տեղեկատվության մատչելիությունը
03.05.2010

Համաշխարհային նոր նախաձեռնությունը փորձարկում է կոռուպցիայի դեմ պայքարին առնչվող տեղեկատվության մատչելիությունը

Մամուլի ազատության համաշխարհային օրվա կապակցությամբ տեղեկատվության մատչելիությանն ուղղված համաշխարհային նոր նախաձեռնությունը կփորձարկի, թե որքանով է դյուրին (կամ ոչ դյուրին) կոռուպցիայի դեմ պայքարին առնչվող տեղեկության ստացումը 30 երկրների պետական մարմիններից: «Ասացեք մեզ, թե ինչ եք արել» նախաձեռնությունը, որ ձեռնարկել են «Աքսես Ինֆո Եվրոպա» և «Թրանսփարենսի Ինթերնեշնլ» (ԹԻ) կազմակերպությունները, փորձ է ստուգելու, թե կառավարությունները որքանով են կատարում ՄԱԿ-ի կոռուպցիայի դեմ կոնվենցիան և մյուս հակակոռուպցիոն կոնվենցիաները: Տվյալ նախաձեռնության շրջանակներում միաժամանակ տեղեկատվության պահանջ կներկայացվի 30 երկրներում ԹԻ մասնաճյուղերի և Տեղեկատվության ազատության ջատագովների ցանցի և ՄԱԿ-ի Կոռուպցիայի դեմ կոնվենցիայի սատարողների դաշինքի կողմից:


Քաղաքացիական հասարակության կոալիցիան կոչ է անում G 20 երկրներին լուծել անօրինական ֆինանսական հոսքերի հարցը
20.04.2010

Քաղաքացիական հասարակության կոալիցիան կոչ է անում G 20 երկրներին լուծել անօրինական ֆինանսական հոսքերի հարցը

Մենք` քաղաքացիական հասարակության ներքոստորագրյալ ներկայացուցիչներս, պնդում ենք, որպեսզի 20-ի խմբի (G 20) երկրները գիտակցեն զարգացող երկրներից կապիտալի ապօրինի արտահոսքի, հարկային արտոնություն տրամադրող և բանկային գաղտնիքի խիստ պահպանման տարածքների կողմից այդ ռեսուրսների կլանման և աղքատության մակարդակի նվազեցման ու տնտեսական զարգացման վրա այդ հոսքերի ունեցած բացասական ազդեցության միջև կապը, կոչ անեն Փողերի լվացման դեմ ֆինանսական միջոցառումների մշակման խմբին, որ վերջինս բարեփոխի իր 33, 34 և VIII առաջարկությունները:


Հայտարարություն կոռուպցիային և կազմակերպված հանցավորությանն արձագանքելու նպատակով
19.04.2010

Հայտարարություն կոռուպցիային և կազմակերպված հանցավորությանն արձագանքելու նպատակով

Ընդդեմ կոռուպցիայի քաղաքացիական հասարակության կազմակերպությունները (ՔՀԿ), այդ թվում Թրանսփարենսի Ինթերնեշնլ հակակոռուպցիոն կենտրոնը, անդրազգային կազմակերպված հանցավորության դեմ պայքարող ՀԿ-ների հետ մեկտեղ, հանդես են եկել հայտարարությամբ` ուղղված ս.թ. ապրիլի 12-ից 19-ը Բրազիլիայում անցկացված Հանցագործությունների կանխարգելմանն ու քրեական արդարադատությանը նվիրված ՄԱԿ-ի 12-րդ համագումարի պատվիրակներին: Համագումարի ընթացքում բաժանված հայտարարության մեջ ՔՀԿ-ները պահանջել են, որ պատվիրակները սատարեն և մոնիտորինգի արդյունավետ մեխանիզմներ առաջադրեն միջազգային երկու շրջադարձային պայմանագրերի, այն է` ՄԱԿ-ի Կոռուպցիայի դեմ կոնվենցիա և ՄԱԿ-ի Անդրազգային կազմակերպված հանցավորության դեմ կոնվենցիայի առնչությամբ:


ԹԻՀԿ-ը լույս է ընծայել գնումների մասին երկու հրապարակում
01.04.2010

ԹԻՀԿ-ը լույս է ընծայել գնումների մասին երկու հրապարակում

Թրանսփարենսի Ինթերնեշնլ հակակոռուպցիոն կենտրոնի գործադիր տնօրեն Վարուժան Հոկտանյանի և հանրային գնումների գծով փորձագետ Արտակ Մանուկյանի հեղինակած «Գնումների ուղեցույց գործարարների համար» և «Հայաստանի հանրապետության պետական գնումների համակարգի 2008-2009 թվականների գործունեության մոնիտորինգ» հրապարակումները լույս են ընծայվել Երևանի ավագանու ընտրությունների և հանրային գնումների մոնիտորինգ Հայաստանում ծրագրի շրջանակում` Բաց հասարակության ինստիտուտի օժանդակության հիմնադրամի աջակցությամբ:


Հայաստանի հասարակական կազմակերպությունների առջև ծառացած մարտահրավերները
31.03.2010

Հայաստանի հասարակական կազմակերպությունների առջև ծառացած մարտահրավերները

Թրանսփարենսի Ինթերնեշնլ հակակոռուպցիոն կենտրոնը Թրանսփարենսի Ինթերնեշնլ-Լիտվայի համագործակցությամբ անց է կացրել սեմինար-քննարկում` արծարծելու Հայաստանի հասարակական կազմակերպությունների զարգացման հնարավորություններն ու ռիսկերը: Սեմինարը տեղի է ունեցել ս.թ. մարտի 31-ին Հայաստանի ՀԿ-ների մասնակցային կարողությունների զարգացում ծրագրի շրջանակում` Ժողովրդավարության զարգացման ազգային հիմնադրամի աջակցությամբ: Ելույթների արդյունքում աշխույժ բանավեճ է ծավալվել միջոցառմանը մասնակից տասնյակ ՀԿ-ների ներկայացուցիչների միջև:


Շահերի բախումը` «Մամուլի ակումբ» հաղորդման կիզակետում
30.03.2010

Շահերի բախումը` «Մամուլի ակումբ» հաղորդման կիզակետում

Թրանսփարենսի Ինթերնեշնլ հակակոռուպցիոն կենտրոնի (ԹԻՀԿ) իրավաբան-փորձագետ Խաչիկ Հարությունյանը ս.թ. մարտի 30-ին մասնակցել է «Երկիր մեդիա» հեռուստաընկերությամբ հեռարձակված «Մամուլի ակումբ» հաղորդմանը: Վերջերս Ռումինիա այցելած պատվիրակության երկու այլ անդամների հետ հաղորդման հյուրերն արծարծել են շահերի բախման խնդիրները, ռումինական փորձը և պատասխանել են հաղորդաշարը վարող Երևանի մամուլի ակումբի նախագահ Բորիս Նավասարդյանի հարցերին: Հաղորդման մյուս հյուրերն էին ՀՀ Նախագահի աշխատակազմի իրավաբանական վարչության գլխավոր մասնագետ Տիգրան Երանոսյանը և «Հետք» շաբաթաթերթի հետաքննող լրագրող Գրիշա Բալասանյանը:


Համաշխարհային հիմնախնդիրներին ընդառաջ
26.03.2010

Համաշխարհային հիմնախնդիրներին ընդառաջ

Ս.թ. մարտի 26-ից 28-ը Թրանսփարենսի Ինթերնեշնլ հակակոռուպցիոն կենտրոնի նախագահ Ամալյա Կոստանյանը մասնակցել է Բրյուսելյան 5-րդ ֆորումին` հյուսիսատլանտյան և եվրոպական ամենաազդեցիկ քաղաքական և ինտելեկտուալ առաջնորդների ու ընկերությունների ղեկավարների ամենամյա բարձր մակարդակի հանդիպմանը, որն անդրադարձել է Եվրոպայի և Ամերիկայի առջև ծառացած հրատապ մարտահրավերներին: Միջոցառումը ձեռնամուխ է եղել համաշխարհային փոփոխվող իրողություններին համահունչ և նոր սպառնալիքներին դիմակայելու ունակ տրանսատլանտյան նոր օրակարգի մշակմանը:


Մասնավոր հատվածը կոռուպցիայի դեմ պայքարում
24.03.2010

Մասնավոր հատվածը կոռուպցիայի դեմ պայքարում

Ս.թ. մարտի 24-ին Թրանսփարենսի Ինթերնեշնլ հակակոռուպցիոն կենտրոնի գործադիր տնօրեն Վարուժան Հոկտանյանը հակակոռուպցիոն համաժողովում հանդես է եկել «Հայաստանյան մասնավոր հատվածի ներքին կառավարման համակարգի գնահատումը Օրինականության ազգային համակարգի մեթոդաբանության կիրառմամբ» թեմայով բանախոսությամբ: «Ազնիվ կորպորատիվ համակարգի ամրապնդում» համաժողովը կազմակերպել էր ԱՄՆ ՄԶԳ Հակակոռուպցիոն գործողության մոբիլիզացման ծրագիրը, ՀՀ էկոնոմիկայի նախարարության և ԱՄՆ ՄԶԳ Մրցունակ մասնավոր հատված Հայաստանում ծրագրի, Հայաստանի արդյունաբերողների և գործարարների միության ու Ինֆորմացիոն տեխնոլոգիաների ձեռնարկությունների միության հետ համատեղ:


Քաղաքացիական վերահսկողություն զինված ուժերի նկատմամբ
22.03.2010

Քաղաքացիական վերահսկողություն զինված ուժերի նկատմամբ

Ս.թ. մարտի 22-ից 26-ը Թրանսփարենսի Ինթերնեշնլ հակակոռուպցիոն կենտրոնի գործադիր տնօրեն Վարուժան Հոկտանյանը և իրավաբանի օգնական Սարգիս Լալայանը Վանաձորում մասնակցել են «Քաղաքացիական վերահսկողություն զինված ուժերի նկատմամբ» ռազմական բյուջեի մոնիտորնգի դասընթացին: Դասընթացը կազմակերպել էր Հելսինկյան քաղաքացիական ասամբլեայի Վանաձորի գրասենյակը: Ոլորտի պատասխանատու փորձագետների բանախոսություններն ուղեկցվում էին գործնական աշխատանքով և դերախաղերով:


Թեղուտի խնդրի վերաբերյալ հասարակական կազմակերպությունների մտահոգությունները քննարկվել են Ժնևում
18.03.2010

Թեղուտի խնդրի վերաբերյալ հասարակական կազմակերպությունների մտահոգությունները քննարկվել են Ժնևում

Ս.թ. մարտի 18-ին Ժնևում Օրհուսի կոնվենցիայի համապատասխանության կոմիտեն իր 27-րդ նիստում քննարկել է Հայաստանի կողմից Օրհուսի կոնվենցիայի իրականացման հետ կապված հարցերը` հիմք ընդունելով «Թրանսփարենսի Ինթերնեշնլ հակակոռուպցիոն կենտրոն» ՀԿ, «Էկոդար» բնապահպանական ՀԿ և «Հելսինկյան քաղաքացիական ասամբլեայի Վանաձորի գրասենյակ» ՀԿ-ի 2009թ. սեպտեմբերի 15-ի հաղորդումը Օրհուսի կոնվենցիայի քարտուղարությանը: