Նորություններ

Ազգային ժողովրդավարական ինստիտուտի (NDI) և ԱՄՆ Միջազգային զարգացման գործակալության համատեղ աջակցությամբ հունիսի 6-ին ԱՄՆ նահանգապետ, քաղաքական գործիչ Հովարդ Դինը հանդես է եկել դասախոսությամբ։ Հանդիպմանը մասնակցել են ԱՄՆ ՄԶԳ աջակցությամբ ԹԻՀԿ-ի իրականացրած «Պահանջատեր հասարակություն` հանուն պատասխանատու կառավարման» ծրագրի շրջանակում Ժուռնալիստների «Ասպարեզ» ակումբի կողմից ստեղծած քաղաքացիական երիտասարդական կենտրոնների (ՔԵԿ) ներկայացուցիչները: Հանդիպմանը ներկա են եղել նաև ԱՄՆ ՄԶԳ հայաստանյան գրասենյակի տնօրեն Դեբորա Գրիսերը, ԱՄՆ ՄԶԳ հայաստանյան առաքելության Կայուն զարգացման գրասենյակի փոխտնօրեն Ադամ Ստեֆանը, Ազգային ժողովրդավարական ինստիտուտի հայաստանյան գրասենյակի տնօրեն Լաուրա Նիքոլսը և այլ անձինք։

Իրավունքների պաշտպանություն առանց սահմանների կազմակերպությունը հունիսի 5-ին կազմակերպել է «Արդար դատաքննության իրավունքի ոլորտի հիմնախնդիրները երեկ և այսօր» թեմայով կլոր սեղան-քննարկում, որին մասնակցել է ԹԻՀԿ իրավական հարցերով փորձագետ Հայկ Մարտիրոսյանը: Միջոցառման նպատակն էր բովանդակային քննարկում ձևավորել արդար դատաքննության իրավունքի ոլորտում առկա խնդիրների և մարտահրավերների շուրջ, արձանագրել դրական և բացասական միտումները, առաջարկություններ մշակել դրական փոփոխությունների հասնելու ուղղությամբ։

Մենք, ներքոստորագրյալ քաղաքացիական հասարակության կազմակերպություններս, մեր աջակցություն ենք հայտնում 1997-ից Հայաստանի Հանրապետությունում իրականացվող Բաց Հասարակության հիմնադրամներ-Հայաստան գրասենյակի գործունեությանը: Մշտապես հանդես գալով բազմակարծության, խոսքի ազատության եւ մարդու իրավունքների սկզբունքների պաշտպանությամբ, ողջունում ենք 2018 թվականի Թավշյա հեղափոխության արդյունքում ձեւավորված կարծիքի ազատ արտահայտման իրավունքի անհրաժեշտ միջավայրի ստեղծումը:

Որո՞նք են Արարատի, Արմավիրի, Գեղարքունիքի,Կոտայքի, Սյունիքի, Շիրակի, Տավուշի մարզերի համայնքներում տեղաբաշխված «Ականատես» դիտորդական նախաձեռնության երկարաժամկետ դիտորդների բացահայտումները վերջին երկու շաբաթվա դիտարկումների արդյունքում։

ԹԻՀԿ-ն հայտարարում է ծառայության մատուցման մրցույթ ԱՄՆ ՄԶԳ կողմից ֆինանսավորվող «Պահանջատեր հասարակություն հանուն պատասխանատու կառավարման» ծրագրի շրջանակներում՝ հրավիրելով սոցիոլոգիական ուսումնասիրությունների ոլորտում մասնագիտացված կազմակերպություններին: Ուսումնասիրության նպատակն է  հարցման միջոցով պարզել բիզնես սեկտորի ներկայացուցիչների շրջանակներում Հայաստանի Հանրապետությունում ներկայիս տնտեսական մրցակցության միջավայրին առնչվող ընկալումը և խնդիրները:

ՀՀ կառավարության կողմից 2019 թվականի հունվարին ՀՀ Ազգային Ժողով ներկայացվեց «Հարկային օրենսգրքում փոփոխություններ և լրացումներ կատարելու վերաբերյալ» օրենքի նախագիծը: Հաշվի առնելով այն հանգամանքը, որ եկամտահարկի համահարթեցմանն առնչվող փոփոխություններն ազդեցություն են թողնելու հասարակության սոցիալապես առավել խոցելի շերտերի վրա, ինչպես նաև անվստահություն են սերմանելու հանրային լայն զանգվածների մոտ, կոչ ենք անում ՀՀ Ազգային Ժողովին Նախագծի եկամտահարկի համահարթեցմանն առնչվող դրույթների ընդունումը հետաձգել՝ դրանց անդրադառնալով փաթեթային և համապարփակ լուծումներով՝ առանցքում ունենալով սոցիալական արդարության և դրա ընկալման հաստատումը։

Օտտավայում (Կանադա) մայիսի 29-31-ը տեղի է ունեցել «Բաց կառավարման գործընկերություն» (ԲԿԳ) նախաձեռնության 6-րդ համաժողովը, որին մասնակցել են ԹԻՀԿ հետազոտությունների համակարգող Դիանա Տեր-Ստեփանյանը և կրթական ծրագրի համակարգող Տաթևիկ Բարսեղյանը: Համաժողովին մասնակցել են նաև ԲԿԳ անդամ 79 երկրների պատվիրակություններ, ՏԻՄ և տարածքային կառավարման, քաղաքացիական հասարակության խմբերի, գիտա-կրթական ոլորտի ներկայացուցիչներ, ՀՀ կառավարության աշխատակազմի ներկայացուցիչներ:

Հայաստան-Ուկրաինա փոխանակման ծրագրի շրջանակում  ԹԻՀԿ ներկայացուցիչները հունիսի 3-6-ը  գտնվելու են Կիևում` Ուկրաինայի հանրային ֆինանսների կառավարման փորձը, հանրային գնումների և ֆինանսների բարեփոխումներն ուսումնասիրելու նպատակով: Ծրագրում ընդգրկված են հայաստանյան հասարակական կազմակերպությունների և կառավարության աշխատակազմի փորձագիտական խմբի  անդամներ:

«Ականատես» դիտորդական նախաձեռնությունը 2019 թ. հունիսի 9-ին կայանալիք տեղական ինքնակառավարման մարմինների հերթական և արտահերթ ընտրություններին ընդառաջ իրականացրել է կարճաժամկետ դիտորդների դասընթաց։

Մայիսի 13-ից «Ականատես»-ի  երկարաժամկետ դիտորդները սկսել են դիտարկել 2019 թ. ՏԻՄ ընտրությունների նախընտրական շրջանը: Վերջին 2 շաբաթվա ընթացքում հանդիպումներ են կայացել Արարատի, Արմավիրի, Գեղարքունիքի,Կոտայքի, Սյունիքի, Շիրակի, Տավուշի մարզերի համայնքների բնակիչների հետ: