Գլխավոր էջ Նորություններ

Նորություններ

22.03.2016

Lragir.am. Հայաստանը հետքայլ է անում

Lragir.am. Ընտրական օրենսգրքի այս նախագիծը նախորդի համեմատ հետքայլ է: Lragir.am-ի հետ զրույցում նման տեսակետ հայտնեց Թրանսփարենսի ինթերնեյշնլ հակակոռուպցիոն կենտրոնի ղեկավար Վարուժան Հոկտանյանը, ով միացել է ԸՕ շուրջ ներկայացված միասնական առաջարկություններին: Այն հինգ առաջարկությունները, որոնք Ընտրական օրենսգրքի շուրջ ներկայացրել են քաղաքացիական հասարակության ներկայացուցիչներն ու մի շարք կուսակցություններ, ըստ Հոկտանյանի, օրենսգրքի հիմնական մասն են, սակայն իշխանություններն անտեսել են ու չեն ներառել օրենսգրքի նախագծում:


22.03.2016

1in.am. ՀՀ ընտրական օրենսգրքի նախագծում չի պահպանվել ԵԱՀԿ/ԺՀՄԻԳ-ի առաջարկը

ՀՀ Ազգային ժողովի պետական-իրավական հարցերի մշտական հանձնաժողովը մարտի 22-ին կազմակերպել էր խորհրդարանական լսումներ` քննարկելու ՀՀ ընտրական օրենսգրքի նախագիծը, որին մասնակցել են նաև ՀԿ ներկայացուցիչները: Թրանսփարենսի ինթերնեշնլ հակակոռուպցիոն կենտրոնի (ԹԻՀԿ) իրավախորհրդատու Հերիքնազ Տիգրանյանը ներկայացրել է ԹԻՀԿ դիտարկումներն ու առաջարկությունները ՀՀ ընտրական օրենսգրքի նախագծի վերաբերյալ, մասնավորապես անդրադառնալով նախագծի՝ ընթացակարգային խախտումներով ներկայացմանը, դիտորդական առաքելությունների և ԶԼՄ  ներկայացուցիչների իրավունքների սահմանափակմանը, Վենետիկի հանձնաժողովի` ընտրությունների լավագույն փորձի վերաբերյալ և ԵԱՀԿ/ԺՀՄԻԳ-ի ընտրությունների դիտորդական առաքելության ու հանրաքվեի փորձագիտական խմբի մի շարք հանձնարարականների չկատարմանը, ընտրական գործընթացներից հանրության  մեկուսացմանը:  


21.03.2016

Հանրային գնումների տեղեկագիր, թողարկում 1

Սկսած 2006թ. «Թրանսփարենսի Ինթերնեշնլ հակակոռուպցիոն կենտրոն» (ԹԻՀԿ) հասարակական կազմակերպությունն Բաց հասարակության հիմնադրամներ – Հայաստանի աջակցությամբ իրականացնում է Հայաստանի պետական գնումների համակարգի մոնիտորինգ և գնահատում: Ուսումնասիրությունների ներկա փուլը սկսվել է 2015թ. նոյեմբերի 1-ից և կավարտվի 2016թ օգոստոսի 31-ին: Առաջին անգամ ներկա փուլում ԹԻՀԿ-ը սկսում է իր հանրային գնումների տեղեկագրի թողարկումը, որը կկրի պարբերական բնույթ և կներկայացնի ՀՀ հանրային գնումների համակարգի իր կողմից իրականացվող մոնիտորինգի և գնահատման ընթացիկ արդյունքները: Որպես մոնիտորինգի թիրախ ընտրված են հանրային գնումների համակարգի երեք կարևոր բաղադրիչները, այն է մեկ անձից ձեռքբերումները, գնումների բողոքարկման համակարգը և շրջանակային համաձայնագրերը: Առաջին անգամ այս փուլի շրջանակներում իրականացվել է նաև գնումների մոնիտորինգ առանձին ոլորտներում: Մասնավորապես անդրադարձ է եղել ՀՀ պաշտպանության նախարարության գնումներին:


19.03.2016

Հայտարարություն ՀՀ ընտրական օրենսգրքի նախագծում տեղական դիտորդների և ԶԼՄ ներկայացուցիչների գործունեության սահմանափակումների վերաբերյալ

Ս.թ. մարտի 3-ին ՀՀ կառավարությունը հաստատել և ՀՀ ազգային ժողով է ներկայացրել ժողովրդավարության սկզբունքներին հակասող, փակ գործընթացներով և «Իրավական ակտերի մասին» ՀՀ օրենքի պահանջների խախտումներով մշակված ՀՀ ընտրական օրենսգրքի նախագիծը: Ի թիվս նախագծում առկա բազմաթիվ այլ խնդիրների, դրանում  հաշվի չեն առնվել ԵԱՀԿ/ԺՄԻՀԳ 2012թ. խորհրդարանական ու 2013թ. նախագահական ընտրություններից և 2015թ. սահմանադրական հանրաքվեից հետո տրված հանձնարարականները՝ տեղական դիտորդների հավատարմագրման խոչընդոտները վերացնելու և բողոքարկման հետ կապված նրանց իրավասություններն ընդլայնելու վերաբերյալ, ինչպես նաև գործող օրենսդրության համեմատ նախատեսվել են դիտորդների և ԶԼՄ ներկայացուցիչների գործունեության լուրջ սահմանափակումներ՝ փորձելով հնարավորինս անվերահսկելի դարձնել ընտրական գործընթացները: Այսպես,


18.03.2016

ՀՀ նոր ընտրական օրենսգրքի նախագծի հանրային քննարկում Վանաձորում

Ս.թ. մարտի 25-ին Թրանսփարենսի Ինթերնեշնլ հակակոռուպցիոն կենտրոնի իրավախորհրդատու Հերիքնազ Տիգրանյանը բանախոսել է Վանաձորում կայացած ՀՀ նոր ընտրական օրենսգրքի նախագծի և ընտրական իրավունքի իրացման հիմնախնդիրներների վերաբերյալ հանրային քննարկման ընթացքում, որը կազմակերպել է «Գործընկերություն հանուն բաց հասարակության» նախաձեռնությունը: Հանրությանն են ներկայացվել նոր ընտրական օրենսգրքի նախագծում տեղ գտած խնդրահարույց կարգավորումները, ինչպես նաև ընտրությունների նկատմամբ հանրային վստահության վերականգնման և քաղաքացիական մասնակցության մեխանիզմները: Քննարկման բանախոսներ էին նաև Հելսինկյան քաղաքացիական ասամբլեայի Վանաձորի գրասենյակի նախագահ Արթուր Սաքունցը և Ժուռնալիստների «Ասպարեզ» ակումբի խորհրդի նախագահ Լևոն Բարսեղյանը:


17.03.2016

Սիվիլնեթ. ընտրակեղծիքները 70 տոկոսով նվազեցնելու ձևը

Թրանսփարենսի Ինթերնեշնլ հակակոռուպցիոն կենտրոնի (ԹԻՀԿ) ընտրությունների ծրագրի համակարգող Արմեն Գրիգորյանը Սիվիլնեթի հետ զրույցում համոզմունք է հայտնել, որ ընտրություններին մասնակցած քաղաքացիների ցուցակների հրապարակումը ընտրակեղծիքների հնարավորությունը կարող է մինչև 70 տոկոսով նվազեցնել: Այն օրակարգային խնդիր է և միջազգային հանրության պահանջը՝ ԵԱՀԿ/ԺՀՄԻԳ-ի  վերջին զեկույցում խորհուրդ է տրվում, որ  ընտրացուցակները հրապարակվեն: Սակայն, իշխանությունը միշտ փորձում է հղում կատարել ՀՀ սահմանադրական դատարանի որոշմանը, որը հիմնված է Վենետիկի հանձնաժողովի խորհրդատվական կարծիքի վրա և չի համապատասխանում մեր քաղաքական կոնտեքստին: Մինչդեռ՝ Սահմանադրական դատարանի որոշումը եղել է հետևյալը՝ ցուցակները չհրապարակելը չի հակասում սահմանադրությանը: Այնտեղ խոսք չի եղել հրապարակելու մասին:


17.03.2016

Nyut.am. Կոռուպցիայի դեմ պայքարի կամքը ավելի մոտ է զրոյի, քան ամբողջական թվի

ԱՄՆ ՄԶԳ-ն 750 000 դոլար է տրամադրել ՀՀ կառավարությանը  ՀՀ 2015-2018 թթ. հակակոռուպցիոն ռազմավարության իրականացմանը օժանդակելու նպատակով: Կառավարության մարտի 17-ի նիստում ՀՀ կառավարության աշխատակազմի ղեկավար-նախարար Դավիթ Հարությունյանը հայտարարել է, որ գումարն ուղղվելու է նաև անկախ փորձագետների բազա ստեղծելուն, մասնագետներ պատրաստելուն: Nyut.am լրատվական-վերլուծական գործակալությունը զրուցել է Թրանսփարենսի Ինթերնեշնլ հակակոռուպցիոն կենտրոնի (ԹԻՀԿ) գործադիր տնօրեն Վարուժան Հոկտանյանի հետ: Որքանով ունենք այդ մասնագետների կարիքը հարցին Հոկտանյանը պատասխանել է, որ տեսականորեն, իհարկե, ունենք: Հայաստանի համար նման մասնագետներ չունենալը խնդիր է: Բայց գոյություն ունի մեկ այլ` ավելի լուրջ խնդիր. կոռուպցիայի դեմ պետք է լինի լուրջ պայքար, որն էլ կծնի այդ մասնագետների պահանջարկը: Ինչ-որ առումով այդ մասնագետների պակասի պատճառն այն է, որ առ այսօր այդ պահանջարկը չի եղել:


17.03.2016

Համայնքային հանդիպումներ «Ընտրական գործընթացը Հայաստանում» թեմայով

Թրանսփարենսի ինթերնեշնլ հակակոռուպցիոն կենտրոնը (ԹԻՀԿ) մարտ ամսվա ընթացքում անցկացնում է 10 համայնքային հանդիպումներ «Ընտրական գործընթացը Հայաստանում» թեմայով: Հանդիպումներին մասնակցում են դիտորդները և դիտորդական առաքելությունով հետաքրքրված քաղաքացիները: Ընտրական ծրագրերի համակարգող Արմեն Գրիգորյանը մասնակիցներին ներկայացնում է «Քաղաքացի դիտորդ» նախաձեռնության կատարած աշխատանքները, ինչպես նաև քննարկում է ընտրական գործընթացների խնդիրներն ու քաղաքացիների մասնակցությամբ դրանց հնարավոր լուծման տարբերակները: Հանդիպման ընթացքում նաև քննարկվում է ընտրական կոռուպցիայի խնդիրը, ազատ և թափանցիկ ընտրությունների անհրաժեշտությունը, ինչպես նաև Հայաստանի ժողովրդավարացման հեռանկարները:


17.03.2016

Yerevan.Today: ընտրական նոր օրենսգրքի՝ դիտորդներին վերաբերող դրույթները

ՀՀ ընտրական օրենսգրքի նախագծում փոփոխման ենթակա բազմաթիվ դրույթներ կան, որոնց անդրադարձել է Yerevan.Today-ը: Հաղորդման հյուրը  Թրանսփարենսի ինթերնեշնլ հակակոռուպցիոն կենտրոնի (ԹԻՀԿ) իրավախորհրդատու Հերիքնազ Տիգրանյանն էր: Նա ներկայացրել է ԹԻՀԿ առաջարկությունները, որոնք դուրս են մնացել նոր ընտրական օրենսգրքի նախագծից և այլ դրույթներ, որ հետընթաց են գործող օրենսգրքից: Ավելին, կան խիստ սահմանափակող դրույթներ կամ իրավակարգավորումներ: Հաղորդման ընթացքում անդրադարձել են այն դրույթին, որը սահմանում է քվեարկության սենյակում միաժամանակ գտնվելու իրավունք ունեցող դիտորդների և ԶԼՄ ներկայացուցիչների թիվը: Ըստ Հերիքնազ Տիգրանյանի՝ շեմային սահմանափակում չպիտի լինի: Այս նորմը ձևակերպվել է, երբ հանրաքվեի ընթացքում անաչառ և գրագետ դիտորդներն ամեն պահ նկատում էին տեղի ունեցող ընթացակարգային խախտումները և պահանջում դրանք վերացնել:


16.03.2016

ՀՀ նոր ընտրական օրենսգրքի նախագծի քննարկումը Գյումրիում

Ս.թ. մարտի 16-ին Թրանսփարենսի ինթերնեշնլ հակակոռուպցիոն կենտրոնի (ԹԻՀԿ) իրավախորհրդատու Հերիքնազ Տիգրանյանը բանախոսել է «Գործընկերություն հանուն բաց հասարակության» նախաձեռնության կողմից կազմակերպված «ՀՀ նոր ընտրական օրենսգրքի նախագիծը և ընտրական իրավունքի իրացման հիմնախնդիրները Հայաստանում» թեմայով երրորդ քննարկմանը, որը տեղի է ունեցել Գյումրիում: Ընտրական օրենսգրքի փոփոխությունները ներառական չեն, անտեսելով ԵԱՀԿ/ԺՀՄԻԳ-ի զեկույցի առաջարկությունները, որի արդյունքում քաղաքացիական հասարակությանը հրամցվել է ընթացակարգային խախտումներով մշակված նախագիծ: Այն չի անցել «Իրավական ակտերի մասին» ՀՀ օրենքով սահմանված հանրային քննարկում և կարգավորման ազդեցության գնահատում: