Գլխավոր էջ Նորություններ

Նորություններ

15.03.2016

ՀԿ-ների փորձի և իրավական դաշտի քննարկմանը մասնակցելու հրավեր

Թրանսփարենսի Ինթերնեշնլ հակակոռուպցիոն կենտրոն ՀԿ-ն Քաղաքացիական զարգացման և համագործակցության հիմնադրամի, Ժուռնալիստների «Ասպարեզ» ակումբի, Հետաքննող լրագրողներ հասարակական կազմակերպության, Բազելի կառավարման ինստիտուտի և Ոչ առևտրային իրավունքի եվրոպական կենտրոնի հետ համատեղ ԱՄՆ ՄԶԳ-ի աջակցությամբ իրականացնում է «Թափանցիկ և հաշվետու կառավարման խթանում` քաղաքացիական հասարակության մասնակցության միջոցով» ծրագիրը:


14.03.2016

ԻՐԱՎԱԲԱՆ.NET. ԸՕ նորամուծությունները սահմանափակում են հանրային վերահսկողությունը

ԻՐԱՎԱԲԱՆ.NET-ի Իրավական շաբաթ  հաղորդումն անդրադարձել է ընտրական նոր օրենսգրքով առաջ եկած խնդիրներին: Ըստ Թրանսփարենսի Ինթերնեշնլ հակակոռուպցիոն կենտրոնի (ԹԻՀԿ) իրավախորհրդատու, ընտրական իրավունքի մասնագետ Հերիքնազ Տիգրանյանի՝ նոր ընտրական օրենսգրքով այնպես են սահմանափակվել հանրային վերհսկողություն իրականացնող անձանց լիազորությունները, որ տպավորություն է ստեղծվում, թե ցանկանում են ընտրությունները հեռու պահել հանրային աչքից: Ըստ Տիգրանյանի՝ եթե տեղամասում արդեն իսկ առկա են 8 դիտորդ և լրատվամիջոցի ներկայացուցիչ, ապա մյուս դիտորդը կամ լրատվամիջոցի ներկայացուցիչը կարող է տեղամաս գալ ԿԸՀ-ի կողմից սահմանած հերթագրման կարգի համաձայն: Խնդիրն այն է, թե արդյոք կկարողանան դիտորդական առաքելության համար հավատարմագրված կազմակերպություններն ուղղակի տեղմաս մուտք գործել:


11.03.2016

Ինչպե՞ս վերականգնել հանրային վստահությունը. ցուցակները՝ հիմնական կեղծարարության գործիք

Ս.թ. մարտի 11-ի ՀՀ Արդարադատության նախարարության կազմակերպած ՀՀ ընտրական օրենսգրքի նախագծի հանրային քննարկման ժամանակ Թրանսփարենսի Ինթերնեշնլ հակակոռուպցիոն կենտրոնի (ԹԻՀԿ) փոխտնօրեն Սոնա Այվազյանը ներկայացրել է հանրային վստահության վերականգնման, քվեարկությանը մասնակցած քաղաքացիների կողմից ստորագրված ցուցակները հրապարակային դարձնելու, գրանցման էլեկտրոնային համակարգի ներդրման հետ կապված քաղաքացիական հասարակության մտահոգությունները և տվել է այդ հարցերի շուրջ առաջարկներ:


11.03.2016

Տպավորություն է ստեղծվում, թե ՀՀ ընտրական օրենսգրքի նախագիծը հատուկ թիրախավորել է դիտորդական առաքելություններին

Ս.թ. մարտի 11-ին տեղի է ունեցել ՀՀ ընտրական օրենսգրքի նախագծի հանրային քննարկում, որ կազմակերպել էր ՀՀ Արդարադատության նախարարությունը: Քննարկմանը մասնակցել են շահագրգիռ կողմերի, այդ թվում՝ Թրանսփարենսի Ինթերնեշնլ հակակոռուպցիոն կենտրոնի (ԹԻՀԿ) ներկայացուցիչները: ԹԻՀԿ-ն ակտիվորեն ներգրավված է դիտորդական առաքելության մեջ: ԹԻՀԿ իրավախորհրդատու Հերիքնազ Տիգրանյանը մի քանի հարցադրումներ է ներկայացրել ՀՀ ընտրական օրենսգրքի նախագծի մշակման և ներկայացման համար պատասխանատու մարմիններ ՀՀ Արդարադատության նախարարության և ՀՀ Կենտրոնական ընտրական հանձնաժողովի ներկայացուցիչներին:


10.03.2016

Ազատություն ռադիոկայան. Ցուցակների հրապարակումն արգելող «Սահմանադրական դատարանի վճիռ չկա»

ՀՀ Ազգային ժողովի նախագահի տեղակալ Էդուարդ Շարմազանովը Ազատություն ռադիոկայանին տված հարցազրույցում պնդել էր, թե իշխանությունը չի հրապարակելու ընտրություններին մասնակցած անձանց ցուցակները, քանի որ չի ուզում խախտել ՀՀ Սահմանադրական դատարանի որոշումը: Այս առնչությամբ Թրանսփարենսի ինթերնեշնլ հակակոռուպցիոն կենտրոնի (ԹԻՀԿ) իրավախորհրդատու Հերիքնազ Տիգրանյանը նշել է՝ ՀՀ Սահմանադրական դատարանը 2012 թ. կայացրած որոշման մեջ հղում անում է Վենետիկի հանձնաժողովի այն դիրքորոշմանը, ըստ որի, ընտրություններին մասնակցած անձանց ցուցակները հրապարակման ենթակա չեն, սակայն, միևնույն ժամանակ, դատարանն իր որոշմամբ չի արգելում այդ ցուցակների հրապարակումը:


09.03.2016

Արևելյան գործընկերության երկրների ութ հասարակական կազմակերպություններ ստացել են դրամաշնորհ «Հզորացման գործընկերներ» ծրագրի շրջանակներում

ԵՄ ֆինանսավորմամբ «Հանրային քաղաքականության ասոցիացիա հանուն բաց հասարակության» (PASOS) կազմակերպությունների ցանցի կողմից իրականացվող ծրագրի շրջանակներում ընտրվել են դրամաշնորհ ստացող ութ հասարակական կազմակերպություններ: Ծրագիրը նպատակ ունի բարելավելու Արևելյան գործընկերության երեք երկրների քաղաքացիական հասարակության կարողությունները` մոնիտորինգի ենթարկելու այդ երկրներում հանրային քաղաքականությունների իրականացումը և հանրային ծառայությունների մատուցումը: ՀԿ-ների ընտրությունը կատարվել է մրցույթի միջոցով. վերջիններս արձագանքել են մրցույթի մասին բաց հայտարարությանը՝ հայտ ներկայացնելով փորձագիտական ընտրող հանձնախմբին: «Այն ծրագրերը, որոնք ստացել են աջակցություն «Հզորացման գործընկերների» դրամաշնորհների միջոցով, կնպաստեն Հայաստանում, Մոլդովայում և Ուկրաինայում ավելի ուժեղ և իրար հետ ավելի համագործակցող ՔՀԿ-ների և նրանց առաջնորդների կայացմանը` սովորեցնելով նրանց համատեղ աշխատել և օգտվել իրենց երկրների իշխանություններին ավելի հաշվետու դարձնելու՝ իրենց գործընկերների և միջազգային փորձից:


05.03.2016

Կոռուպցիայի դեմ պայքարի վերաբերյալ դասընթաց երիտասարդ առաջնորդների համար

Թրանսփարենսի Ինթերնեշնլ հակակոռուպցիոն կենտրոն (ԹԻՀԿ) ՀԿ-ի առաջնահերթ խնդիրներից է երիտասարդության շրջանում հակակոռուպցիոն կրթությունը, ինչը քննարկվել է նաև ԹԻՀԿ ռազմավարության պլանավորման նիստի ընթացքում: Դրան են միտված ծրագրի մասնագետ/հետազոտող Տաթևիկ Բարսեղյանի հերթական դասընթացները Երիտասարդ առաջնորդների դպրոցի սաների համար: Դասընթացն ուղեկցվել է գործնական աշխատանքով:


04.03.2016

Ա1+. Իշխանությունն ու հասարակությունն ապրում են տարբեր աշխարհներում

Ա1+. Ըստ Թրանսփարենսի Ինթերնեշնլ հակակոռուպցիոն կենտրոնի (ԹԻՀԿ) իրավախորհրդատու Հերիքնազ Տիգրանյանի՝ այն, որ սահմանադրության պահանջ էր մինչև 2016 թ.հունիսի 1-ն ունենալ նոր ընտրական օրենսգիրք, որի նախագծի վրա աշխատում էր աշխատանքային խումբը բոլորը գիտեին: Սակայն ո՛չ խմբի աշխատանքների և ո՛չ էլ նախագծային որևէ տարբերակի մասին հանրությունը տեղեկություն չուներ: Քաղաքացիական հասարակության ինստիտուտները բազմիցս քննարկումներ են կազմակերպել՝ ուշադրություն հրավիրելու ընտրական օրենսգրքով բարելավման ենթակա խնդիրների վրա և հույս ունեին, որ այդ քննարկումներին կմասնակցեին նաև Ազգային ժողովում հատկապես իշխող կուսակցության խմբակցության ներկայացուցիչները, որպեսզի գոնե իրազեկեն, թե ինչ փուլում է գտնվում մշակման աշխատանքները:


04.03.2016

«Հայկական ուրբաթ». Ինչպես պայքարել կոռուպցիայի դեմ

Կենտրոն հեռուստա ընկերության «Հայկական ուրբաթ» հաղորդումը ուշադրություն է հրավիրում ԳՐԵԿՈ-ի գնահատման չորրորդ փուլի Հայաստանի վերաբերյալ զեկույցի վրա, որում Եվրոպացի փորձագետներն ուսումնասիրել են կոռուպցիոն ռիսկերը ՀՀ Ազգային ժողովում, դատարաններում ու դատախազությունում: Զեկույցում մտահոգություն է հայտնվում Նախագահի ու իշխող կուսակցության գերիշխող դիրքի, իշխանության գերկենտրոնացվածության, քաղաքական ու տնտեսական մենաշնորհների և օրենքը ընտրողաբար կիրառելու վերաբերյալ: Ըստ հաղորդման հյուր տնտեսագետ Արտակ Մանուկյանի՝ ԳՐԵԿՈ-ի զեկույցը նշում է, որ արդյունավետ պայքարի համար պետք է ապահովել իրավակիրարկումը: Ներկա փուլը հաղթահարելու համար պետք է որակական առաջընթաց:


04.03.2016

«Հանրությանը մատուցվող ծառայությունների մասնակցային մոնիտորինգ և սոցիալական հաշվետվողականության խթանում» փոքր դրամաշնորհային ծրագիր ներկայացնելու հրավեր

Ներածություն

Թրանսփարենսի Ինթերնեշնլ հակակոռուպցիոն կենտրոն ՀԿ-ն ԱՄՆ ՄԶԳ-ի աջակցությամբ իրականացվող «Պահանջատեր հասարակություն՝ հանուն պատասխանատու կառավարման» ծրագրի շրջանակներում հրավիրում է քաղաքացիական հասարակության կազմակերպություններին (ՔՀԿ)՝ ներկայացնելու փոքր դրամաշնորհային ծրագրերի առաջարկներ` հանրությանը մատուցվող ծառայությունների մասնակցային մոնիտորինգի և սոցիալական հաշվետվողականության խթանման մեթոդների կիրառմամբ: