Գլխավոր էջ Նորություններ

Նորություններ

06.07.2016

Ֆինանսների նախարարը չի հստակեցնում, թե արդյոք աջակցում է իր որդիների բիզնեսին

«Հետք» պարբերականը տեղեկություն է հրապարակել, ըստ որի Ֆինանսների նախարարի որդիները՝ Գուրգենը և Արտյոմը, 2010 թ. «շքեղ առանձնատուն են գնել Լոս Անջելեսի Վեսթվուդ թաղամասում»՝ 11 միլիոն դոլարով և այժմ այն վաճառքի են հանել 35 միլիոն դոլարով: «Ազատություն» ռադիոկայանի հետ զրույցում Թրանսփարենսի Ինթերնեշնլ հակակոռուպցիոն կենտրոնի փոխտնօրեն Սոնա Այվազյանն ասել է, որ և՛ Բարձրաստիճան պաշտոնատար անձանց էթիկայի հանձնաժողովը, և՛ վերահսկողական ծառայությունները պետք է առնվազն ուսումնասիրեն, թե ինչպես է ստացվել, որ Խաչատրյանի որդիները կարողանում են միլիոնավոր դոլարների գնումներ կատարել արտերկրում:


06.07.2016

Տեղի է ունեցել ԹԻՀԿ խորհրդի հերթական նիստը

Ս.թ. հուլիսի 7-ին տեղի է ունեցել Թրանսփարենսի Ինթերնեշնլ հակակոռուպցիոն կենտրոնի (ԹԻՀԿ) խորհրդի հերթական նիստը, որին մասնակցել են խորհրդի անդամներ Հայկակ Արշամյանը, Սուրեն Սաղաթելյանը, Վազգեն Կարապետյանը և Միքայել Հովհաննիսյանը: Նիստը վարել է Խորհրդի նախագահ Հայկակ Արշամյանը, քարտուղարությամբ` ԹԻՀԿ անդամ Քրիստինե Մարգարյանի: Խորհրդի նիստին ներկա էին նաև ԹԻՀԿ գործադիր տնօրեն Վարուժան Հոկտանյանը, փոխտնօրեն Սոնա Այվազյանը և հաղորդակցման համակարգող Նունե Հայրապետյանը:


04.07.2016

Անցում դեպի նոր Սահմանադրություն. խնդիրներ և հեռանկարներ

Սահմանադրության օրվան ընդառաջ՝ ս.թ. հուլիսի 4-ին Թրանսփարենսի Ինթերնեշնլ հակակոռուպցիոն կենտրոնի (ԹԻՀԿ) իրավախորհրդատու Հերիքնազ Տիգրանյանը բանախոսել է «Մեդիա կենտրոնում» տեղի ունեցած «Անցում դեպի նոր Սահմանադրություն. խնդիրներ և հեռանկարներ» թեմայով քննարկման ընթացքում: Ըստ Հերիքնազ Տիգրանյանի՝ կան խնդիրներ ՀՀ սահմանադրության մի շարք գլուխներում, այդ թվում՝ մարդու սոցիալ-տնտեսական իրավունքների բաժնում: Կա հետընթաց նաև այդ իրավունքների սահմանադրական պաշտպանվածության մեխանիզմների ապահովման հարցում:  


01.07.2016

ԹԻՀԿ-ը մասնակցել է Կիևում կայացած միջազգային ֆորումին

Ս.թ. հունիսի 30-ից հուլիսի 1-ը Թրանսփարենսի Ինթերնեշնլ հակակոռուպցիոն կենտրոնի (ԹԻՀԿ) փոխտնօրեն Սոնա Այվազյանը Կիևում մասնակցել է «Պետական իշխանությունների և քաղաքացիական հասարակության փոխգործակցությունն ու համագործակցությունը Ասոցացման համաձայնագրի իրականացման համատեքստում Արևելյան գործընկերության երկրներում» միջազգային ֆորումի: Միջոցառումը կազմակերպվել էր Ուկրաինայի քաղաքացիական ծառայության ազգային գործակալության, Քաղաքացիական ծառայության՝ ԵՄ ստանդարտներին համապատասխանեցման կենտրոնի և Արևելյան գործընկերության էստոնական կենտրոնի կողմից:  


30.06.2016

Նոր զարգացումներ Բյուրեղավանի գործով

Ս.թ. հունիսի 15-ին ՀՀ գլխավոր դատախազությունը որոշում է կայացրել «Թրանսփարենսի Ինթերնեշնլ հակակոռուպցիոն կենտրոն» հասարակական կազմակերպության (ԹԻՀԿ) ներկայացրած հանցագործության մասին հաղորդման հիման վրա Հատուկ քննչական ծառայության՝ քրեական գործի հարուցումը մերժելու վերաբերյալ որոշումը վերացնելու և քրեական գործ հարուցելու մասին:


28.06.2016

ԹԻՀԿ-ը անցկացրել է ՀՀ գնումների մասին օրենքի հանրային քննարկում

Ս.թ. հունիսի 28-ին Թրանսփարենսի Ինթերնեշնլ հակակոռուպցիոն կենտրոնը (ԹԻՀԿ) Բաց հասարակության հիմնադրամներ-Հայաստանի (ԲՀՀ-Հայաստան) աջակցությամբ անց է կացրել ՀՀ Գնումների մասին նոր օրենքի նախագծի հանրային բաց քննարկում: Ողջույնի խոսքով հանդես են եկել ՀՀ ֆինանսների նախարարության Պետական ներքին ֆինանսական հսկողության և պետական գնումների մեթոդաբանության վարչության պետ Սերգեյ Շահնազարյանը, Բաց հասարակության հիմնադրամներ-Հայաստանի փոխտնօրեն Դավիթ Ամիրյանը և ԹԻՀԿ գործադիր տնօրեն Վարուժան Հոկտանյանը: Սերգեյ Շահնազարյանը ներկայացրել է ՀՀ գնումների մասին օրենքի նախագիծը: Այնուհետև տեղի է ունեցել հարց ու պատասխան և քննարկում: Մասնակիցները ներկայացրել են իրենց առաջարկությունները:


27.06.2016

«Պաշտպանության համակարգում կոռուպցիոն ռիսկերն անհամեմատ մեծ են, քան մյուս ոլորտներում»

Ազատություն ռադիոկայանն անդրադարձել է Թրանսփարենսի Ինթերնեշնլ հակակոռուպցիոն կենտրոնի (ԹԻՀԿ) «ՀՀ պաշտպանության ոլորտի գնումների գործընթացներում կոռուպցիոն ռիսկերի գնահատում» հետազոտությանը, որի արդյունքները ներկայացվել են Մեդիա կենտրոնում տեղի ունեցած ասուլիսի ժամանակ: Ըստ Ազատության, ուսումնասիրելով պաշտպանության ոլորտի գնումների գործընթացները՝ ԹԻՀԿ-ը եզրակացրել է, որ կա թափանցիկության խնդիր, իսկ հրապարակման ենթակա տվյալների դեպքում՝ առկա է անհամապատասխանություն։ Ուսումնասիրելով Գնումների աջակցման կենտրոնի (ԳԱԿ) տարեկան հաշվետվությունները՝ ԹԻՀԿ փորձագետ Արտակ Մանուկյանը նկատել է, որ տեղեկություններն իրարից տարբերվում են:


27.06.2016

Հրապարակվել է ԹԻՀԿ «ՀՀ պաշտպանության ոլորտի գնումների գործընթացներում կոռուպցիոն ռիսկերի գնահատում» հետազոտությունը

«ՀՀ պաշտպանության ոլորտի գնումների գործընթացներում կոռուպցիոն ռիսկերի գնահատում» հետազոտությունն իրականացվել է Թրանսփարենսի Ինթերնեշնլ հակակոռուպցիոն կենտրոնի (ԹԻՀԿ) «Օրինավորության խթանումը պաշտպանության ոլորտում» ծրագրի շրջանակներում` ՀՀ-ում Բրիտական դեսպանության աջակցությամբ: Հանրային գնումների համակարգում շրջանառվում են բավական մեծ գումարներ, որոնք առաջ են բերում չարաշահումների գայթակղություններ և նպաստում կոռուպցիոն դրսևորումներին։ Կոռուպցիոն ռիսկերը գնումներում առավել տարածված են թերզարգացած հաստատություններ ունեցող, անցումային տնտեսությամբ երկրներում, այդ թվում՝ Հայաստանում։


27.06.2016

Մամուլի ասուլիս «Կոռուպցիոն ռիսկեր պաշտպանության ոլորտում. նոր հետազոտության ներկայացում» թեմայով

2016 թ. հունիսի 27-ին «Մեդիա կենտրոնում» տեղի է ունեցել «Կոռուպցիոն ռիսկեր պաշտպանության ոլորտում. նոր հետազոտության ներկայացում» թեմայով մամուլի ասուլիս: Բանախոսներն են Թրանսփարենսի Ինթերնեշնլ հակակոռուպցիոն կենտրոնի (ԹԻՀԿ) փոխտնօրեն Սոնա Այվազյանը և ԹԻՀԿ գնումների փորձագետ Արտակ Մանուկյանը:  Պաշտպանության ոլորտը առանձնանում և կարևորվում է, քանի որ նրանով է պայմանավորվում է մեր ազգային անվտանգությունը: Ըստ Սոնա Այվազյանի՝ «Ապրիլին մենք ականատես եղանք, թե պաշտպանության ոլորտում կոռուպցիան ինչպիսի հետևանքներ կարող է ունենալ՝ ոչ միայն պետական բյուջեի վրա ազդել կամ խտրականության դրսևորումներ ունենալ, այլև կարող է կյանքեր արժենալ»:


25.06.2016

Սոնա Այվազյան. «Կոռուպցիան որպես անվտանգության սպառնալիք»

Թրանսփարենսի Ինթերնեշնլ հակակոռուպցիոն կենտրոնի (ԹԻՀԿ) փոխտնօրեն Սոնա Այվազյանը մասնակցել է ս.թ. հունիսի 24-25-ին Եվրասիա միջազգային համալսարանում տեղի ունեցած «Համաշխարհային խաղաղության տեղական արմատները» թեմայով գիտաժողովին և բանախոսել է «Կոռուպցիան որպես անվտանգության սպառնալիք» թեմայով «Խաղաղության հաստատման և անվտանգության ապահովման քաղաքականություն» նիստին: Կոնֆերանսը կազմակերպվել է Սթոնհիլ քոլեջի (ԱՄՆ, Մասաչուսեթս), Եվրասիա համագործակցություն հիմնադրամի (Հայաստան) և Եվրասիա միջազգային համալսարանի ջանքերով: