Գլխավոր էջ Նորություններ

Նորություններ

01.08.2016

ՀՌՈւ. Ոստիկանական անհամաչափ ուժի կիրառում բողոքի ցույցի ընթացքում

2016թ. հուլիսի 29-ին Հայաստանի ոստիկանությունն անհամաչափ ուժ է գործադրել խաղաղ ցուցարարների դեմ և հարձակվել է ցույցը լուսաբանող լրագրողների վրա, ասվում է Human Rights Watch-ի այսօրվա հայտարարության մեջ: Ոստիկանությունն օգտագործել է խլացուցիչ նռնակներ, որոնք վնասվածքներ են հասցրել տասնյակ ցուցարարներին և որոշ լրագրողներին, ոմանց ծանր վնասվածքներ պատճառելով: Բացի այդ, ոստիկանությունը ծեծել է լրագրողների և ցուցարարների, ինչպես նաև ձերբակալել տասնյակ մարդկանց:


01.08.2016

ԹԻՀԿ-ը մասնակցել է 2016 թ. ԲԿԳ ասիա-խաղաղօվկանոսյան տարածաշրջանային երկխոսությանը

Ս.թ. հուլիսի 21-22-ին Թրանփարենսի Ինթերնեշնլ հակակոռուպցիոն կենտրոնի գործադիր տնօրեն Վարուժան Հոկտանյանը Մանիլայում (Ֆիլիպիններ) մասնակցել է 2016 թ. Բաց կառավարման գործընկերության (ԲԿԳ) նախաձեռնության ասիա-խաղաղօվկանոսյան տարածաշրջանային երկխոսությանը: Միջոցառմանը ներկա էին ավելի քան տասնյակ երկրների պետական կառավարման և քաղաքացիական հասարակության 100 ներկայացուցիչներ, որոնք անդրադարձել են ԲԿԳ 2016-2018 թթ. գործողությունների ծրագրերի հրատապ խնդիրներին: Աշխատաժողովի նպատակն էր փորձի փոխանակման և միմյանցից սովորելու հնարավորություն ընձեռել, ներկայացնել և հետադարձ կապ ստանալ գործողությունների առաջիկա ծրագրերի մասին, վեր հանել գործողությունների ծրագրերի հետ կապված աջակցության պահանջները:  


29.07.2016

Էլէներգիայի սակագնի նվազումը նման է դեղ խմող երեխային կոնֆետով խաբելուն. տնտեսագետ

«Այս տարի դոլար-դրամի փոփոխություն չկա, ջրաբեր տարի է, ՀԷԿ-երը շուրջ 15 տոկոսով ավեի շատ հոսանք են արտադրել, Ջէկ-երի արտադրության ծավալը նվազել է, ինչը նշանակում է միջին կշռված սակագնի նվազեցում՝ այսինքն՝ ձեռքբերման գինը, որով ՀԷՑ-ը ձեռք էր բերում, հիմա նվազել է, քանի որ ավելի շատ ՀԷԿ-երից է էլեկտրաէներգիա ձեռքբերում: Ատոմակայանի մասով նոր գործոններ չկան: Ամենակարևորն այն է, որ վարկի ծավալը մենք մարել ենք: Այսինքն՝ հոսանքի սակագինը պետք է կրկին 38 դրամի չափով լիներ կամ այդ սահմաններում: Սակայն մենք տեսանք, որ էլեկտրաէներգիայի սակագինը դարձավ 46,3 դրամ, ինչը նշանակում է, որ բնակչությունը նախորդ տարվա համեմատ 4,3 դրամով ավելի թանկ է վճարում»,- այս մասին «Առաջին լրատվական»- ի հետ զրույցում ասաց տնտեսագետ Արտակ Մանուկյանը:


29.07.2016

Հայտարարություն Հայաստանի Հանրապետությունում մարդու իրավունքների զանգվածային խախտումների վերաբերյալ

Ս.թ. հուլիսի 17-ին 31 անդամներից կազմված «Սասնա ծռեր» կոչվող խումբը զինված հարձակում է գործել Երևանի Էրեբունի վարչական շրջանում տեղակայված ՀՀ ոստիկանության պարեկապահակային ծառայության (ՊՊԾ) գնդի վրա: Նրանք հայտարարել են ապստամբություն և առաջադրել քաղաքական պահանջներ՝ ՀՀ նախագահ Սերժ Սարգսյանի հրաժարականը և քաղբանտարկյալների, այդ թվում` 2016թ. հունիսի 20-ին ձերբակալված իրենց առաջնորդ Ժիրայր Սեֆիլյանին ազատ արձակումը: Հարձակման ընթացքում մեկ ոստիկան զոհվել է, իսկ 6-7-ը՝ պատանդ են պահվել, սակայն ապստամբները հայտարարել են, որ իրենք պատրաստ են խնդիրը լուծել խաղաղ ճանապարհով և մինչև յոթերորդ օրը ինքնակամ ազատ են արձակել բոլոր պատանդներին:


28.07.2016

Ազգային Ժողովի արտահերթ նիստ չի լինի

Երկրում ստեղծված իրավիճակը քննարկելու համար խորհրդարանի արտահերթ նիստ գումարելու՝ Նիկոլ Փաշինյանի նախաձեռնությանը միացել է ընդամենը 19 պատգամավոր: «Ազատության» հետ զրույցում Թրանփարենսի Ինթերնեշնլ հակակոռուպցիոն կենտրոնի իրավախորհրդատու Հերիքնազ Տիգրանյանը ստեղծված իրավիճակի կապակցությամբ Ազգային ժողովի կողմից ուղերձով չդիմելը որակում է որպես արհամարհանք սեփական ժողովրդի նկատմամբ: Ազգային ժողովը պիտի քննության առարկա դարձնի ոչ թե ինչպես սա եղավ, այլ ինչու եղավ՝ պատճառների մեջ պիտի մի փոքր խորանա: Սահմանադրական հանրաքվերի արդյունքում խորհրդարանական կառավարման մոդելն ընտրած Հայաստանի համար այս իրավիճակը քննություն է:


28.07.2016

Լրագրողական և իրավապաշտպան կազմակերպությունների հայտարարությունը՝ Լևոն Բարսեղյանի ձերբակալության վերաբերյալ

Հուլիսի 27-ին ժամը 03:30-ի սահմաններում, Երևանի Խորենացի փողոցում կայացած բազմամարդ հանրահավաքից հետո ոստիկանության Շենգավիթի բաժին է բերման ենթարկվել այդ հավաքի ակտիվ մասնակիցներից մեկը՝ Գյումրու լրագրողների «Ասպարեզ» ակումբի խորհրդի նախագահ Լևոն Բարսեղյանը։ Ավելի ուշ հարուցվել է քրեական գործ՝ սառը զենք կրելու կասկածանքով, եւ նա ձերբակալվել է։ Բարսեղյանը ենթարկվել է դատաբժշկական փորձաքննության։ Համոզված ենք, որ մեր գործընկերոջ նկատմամբ հարուցված քրեական գործը շինծու է, իսկ իբրև սառը զենք որակված դանակի առկայության փաստը՝ ընդամենը նրա ակտիվ հասարակական գործունեության, ինչպես նաև Խորենացի փողոցում տեղի ունեցող հանրահավաքներին մասնակցելու, իսկ վերջին օրը նաև այն վարելու համար Լևոն Բարսեղյանին «պատժելու» պատրվակ է։


28.07.2016

1in.am. «Ժամանակն է համակարգային փոփոխություններ անելու»

Առաջին լրատվականի հետ զրույցում Թրանփարենսի Ինթերնեշնլ հակակոռուպցիոն կենտրոնի գործադիր տնօրեն Վարուժան Հոկտանյանը նշում է, որ եթե խորհրդարանական հանրապետություն ենք դառնում, Ազգային ժողովի դերը՝ որպես ինստիտուտի, պետք է դառնա առանցքային: ԱԺ-ն պետք է այս հարցը քննարկեր՝ անկախ նրանից, թե ինչ կարծիք ունի քաղաքական մեծամասնությունը: Մինչդեռ ԱԺ ղեկավարությունը կարծես կաթվածահար վիճակում է և հարցը անարձագանք է թողնում: Իրականում չունենք իշխանության ճյուղերի բաժանման դասական համակարգ. ունենք ոչ թե իշխանության երեք առանձին ճյուղեր, այլ մի ճյուղ, որից կախված են մյուսները:


28.07.2016

Հայտարարություն ԱԺ արտահերթ նիստ հրավիրելու անհրաժեշտության մասին

Վերջին օրերին հանրապետությունում, հատկապես Երևան քաղաքում, ստեղծվել է ծայրահեղ լարված և անկանխատեսելի հետևանքներով հղի պայթյունավտանգ իրավիճակ՝  պայմանավորված  ս.թ.  հուլիսի 17-ին «Սասնա ծռեր» խմբի կողմից ՀՀ ոստիկանության պարեկապահակային ծառայության (ՊՊԾ) գնդի վրա իրականացված զինված հարձակման և դրան հաջորդած իրադարձություններով: Դատապարտում ենք Ազգային ժողովի աններելի և անթույլատրելի անգործությունը և կոչ ենք անում նրան օգտվել արտահերթ նիստ հրավիրելու իր սահմանադրական իրավունքից՝ Ազգային ժողովի արտահերթ նիստում ստեղծված իրավիճակը քննարկելու և լուծումների խաղաղ ուղիներ գտնելու նպատակով:


23.07.2016

2007-ից-2015թթ. գերխնդիրը եղել է ոչ թե տնտեսության, այլ ոստիկանության ծախսերի աճը

Տնտեսագետ Արտակ Մանուկյանը  «Առաջին լրատվական»-ի հետ զրույցում նշել է, որ Հայաստանում ՀՆԱ-ի 20-25 տոկոսը ստվերում է: Տնտեսագետի խոսքով՝ եթե այս պայքարի արդյունքում անարդարությունը, կոռուպցիան վերանան, շատ ավելի մեծ օգուտ կլինի տնտեսությանը, քան կրած վնասներն են: «Եթե կոռուպցիայի դեմ արդյունավետ պայքարի արդյունքում այս գումարը փորձենք բերել հարկման դաշտ և ներարկենք տնտեսությոն մեջ, սրա ազդեցությունը մի քանի անգամ ավելին է, քան մի քանի զբոսաշրջիկի չգալը Հայաստան»:


22.07.2016

Հայտարարություն ՀՀ ոստիկանության բարեփոխումներին միջազգային աջակցության արդյունավետության վերաբերյալ

ԵԱՀԿ գրասենյակը Երևանում գործում է 1999 թ.-ից ի վեր՝ նպատակ ունենալով աջակցել  Հայաստանին իրականացնելու ԵԱՀԿ սկզբունքներն ու հանձնառությունները երեք՝ ռազմաքաղաքական, տնտեսական ու բնապահպանական և մարդու իրավունքների ու ժողովրդավարության ուղղություններով: ԵԱՀԿ-ն օժանդակում է ՀՀ կառավարությանը՝ զարգացնելով շահագրգիռ կողմերի կարողությունները ազգային մակարդակով և նպաստելով ԵԱՀԿ հաստատությունների ու համապատասխան պետական կառույցների միջև տեղեկատվության փոխանակմանը: