Գլխավոր էջ Նորություններ

Նորություններ

28.07.2016

Ազգային Ժողովի արտահերթ նիստ չի լինի

Երկրում ստեղծված իրավիճակը քննարկելու համար խորհրդարանի արտահերթ նիստ գումարելու՝ Նիկոլ Փաշինյանի նախաձեռնությանը միացել է ընդամենը 19 պատգամավոր: «Ազատության» հետ զրույցում Թրանփարենսի Ինթերնեշնլ հակակոռուպցիոն կենտրոնի իրավախորհրդատու Հերիքնազ Տիգրանյանը ստեղծված իրավիճակի կապակցությամբ Ազգային ժողովի կողմից ուղերձով չդիմելը որակում է որպես արհամարհանք սեփական ժողովրդի նկատմամբ: Ազգային ժողովը պիտի քննության առարկա դարձնի ոչ թե ինչպես սա եղավ, այլ ինչու եղավ՝ պատճառների մեջ պիտի մի փոքր խորանա: Սահմանադրական հանրաքվերի արդյունքում խորհրդարանական կառավարման մոդելն ընտրած Հայաստանի համար այս իրավիճակը քննություն է:


28.07.2016

Լրագրողական և իրավապաշտպան կազմակերպությունների հայտարարությունը՝ Լևոն Բարսեղյանի ձերբակալության վերաբերյալ

Հուլիսի 27-ին ժամը 03:30-ի սահմաններում, Երևանի Խորենացի փողոցում կայացած բազմամարդ հանրահավաքից հետո ոստիկանության Շենգավիթի բաժին է բերման ենթարկվել այդ հավաքի ակտիվ մասնակիցներից մեկը՝ Գյումրու լրագրողների «Ասպարեզ» ակումբի խորհրդի նախագահ Լևոն Բարսեղյանը։ Ավելի ուշ հարուցվել է քրեական գործ՝ սառը զենք կրելու կասկածանքով, եւ նա ձերբակալվել է։ Բարսեղյանը ենթարկվել է դատաբժշկական փորձաքննության։ Համոզված ենք, որ մեր գործընկերոջ նկատմամբ հարուցված քրեական գործը շինծու է, իսկ իբրև սառը զենք որակված դանակի առկայության փաստը՝ ընդամենը նրա ակտիվ հասարակական գործունեության, ինչպես նաև Խորենացի փողոցում տեղի ունեցող հանրահավաքներին մասնակցելու, իսկ վերջին օրը նաև այն վարելու համար Լևոն Բարսեղյանին «պատժելու» պատրվակ է։


28.07.2016

1in.am. «Ժամանակն է համակարգային փոփոխություններ անելու»

Առաջին լրատվականի հետ զրույցում Թրանփարենսի Ինթերնեշնլ հակակոռուպցիոն կենտրոնի գործադիր տնօրեն Վարուժան Հոկտանյանը նշում է, որ եթե խորհրդարանական հանրապետություն ենք դառնում, Ազգային ժողովի դերը՝ որպես ինստիտուտի, պետք է դառնա առանցքային: ԱԺ-ն պետք է այս հարցը քննարկեր՝ անկախ նրանից, թե ինչ կարծիք ունի քաղաքական մեծամասնությունը: Մինչդեռ ԱԺ ղեկավարությունը կարծես կաթվածահար վիճակում է և հարցը անարձագանք է թողնում: Իրականում չունենք իշխանության ճյուղերի բաժանման դասական համակարգ. ունենք ոչ թե իշխանության երեք առանձին ճյուղեր, այլ մի ճյուղ, որից կախված են մյուսները:


28.07.2016

Հայտարարություն ԱԺ արտահերթ նիստ հրավիրելու անհրաժեշտության մասին

Վերջին օրերին հանրապետությունում, հատկապես Երևան քաղաքում, ստեղծվել է ծայրահեղ լարված և անկանխատեսելի հետևանքներով հղի պայթյունավտանգ իրավիճակ՝  պայմանավորված  ս.թ.  հուլիսի 17-ին «Սասնա ծռեր» խմբի կողմից ՀՀ ոստիկանության պարեկապահակային ծառայության (ՊՊԾ) գնդի վրա իրականացված զինված հարձակման և դրան հաջորդած իրադարձություններով: Դատապարտում ենք Ազգային ժողովի աններելի և անթույլատրելի անգործությունը և կոչ ենք անում նրան օգտվել արտահերթ նիստ հրավիրելու իր սահմանադրական իրավունքից՝ Ազգային ժողովի արտահերթ նիստում ստեղծված իրավիճակը քննարկելու և լուծումների խաղաղ ուղիներ գտնելու նպատակով:


23.07.2016

2007-ից-2015թթ. գերխնդիրը եղել է ոչ թե տնտեսության, այլ ոստիկանության ծախսերի աճը

Տնտեսագետ Արտակ Մանուկյանը  «Առաջին լրատվական»-ի հետ զրույցում նշել է, որ Հայաստանում ՀՆԱ-ի 20-25 տոկոսը ստվերում է: Տնտեսագետի խոսքով՝ եթե այս պայքարի արդյունքում անարդարությունը, կոռուպցիան վերանան, շատ ավելի մեծ օգուտ կլինի տնտեսությանը, քան կրած վնասներն են: «Եթե կոռուպցիայի դեմ արդյունավետ պայքարի արդյունքում այս գումարը փորձենք բերել հարկման դաշտ և ներարկենք տնտեսությոն մեջ, սրա ազդեցությունը մի քանի անգամ ավելին է, քան մի քանի զբոսաշրջիկի չգալը Հայաստան»:


22.07.2016

Հայտարարություն ՀՀ ոստիկանության բարեփոխումներին միջազգային աջակցության արդյունավետության վերաբերյալ

ԵԱՀԿ գրասենյակը Երևանում գործում է 1999 թ.-ից ի վեր՝ նպատակ ունենալով աջակցել  Հայաստանին իրականացնելու ԵԱՀԿ սկզբունքներն ու հանձնառությունները երեք՝ ռազմաքաղաքական, տնտեսական ու բնապահպանական և մարդու իրավունքների ու ժողովրդավարության ուղղություններով: ԵԱՀԿ-ն օժանդակում է ՀՀ կառավարությանը՝ զարգացնելով շահագրգիռ կողմերի կարողությունները ազգային մակարդակով և նպաստելով ԵԱՀԿ հաստատությունների ու համապատասխան պետական կառույցների միջև տեղեկատվության փոխանակմանը:


21.07.2016

ԱլԳ ՔՀՖ ՀԱՊ հայտարարությունը «Սասնա Ծռեր» միավորման կողմից իրականացված զինված հարձակման շուրջ ընթացող իրադարձությունների վերաբերյալ

«Սասնա Ծռեր» միավորման կողմից ս.թ. հուլիսի 17-ին իրականացվեց զինված հարձակում ՀՀ ոստիկանության պարեկապահակային ծառայության գնդի տարածքում, ապստամբություն հայտարարվեց եւ ներկայացվեցին քաղաքական պահանջներ: Տեղի ունեցածը Հայաստանում ժողովրդավարական ինստիտուտների, առաջին հերթին՝ ընտրությունների, խորը ճգնաժամի, իշխանությունների կողմից մարդու իրավունքների, հանրային կարծիքի ու շահերի արհամարհման, երկրի անվտանգությունը եւ ինքնիշխանությունը երաշխավորելու անկարողության, բոլոր ոլորտներում մենաշնորհների, կոռուպցիայի արմատավորման, քաղաքական բանտարկյալների առկայության, ահագնացող արտագաղթի,  բարոյահոգեբանական մթնոլորտի շիկացման անմիջական հետեւանքն է:


20.07.2016

ԹԻՀԿ-ը միացել է խաղաղ քաղաքացիների նկատմամբ ոստիկանության գործողությունները դատապարտող հայտարարությանը

Թրանսփարենսի Ինթերնեշնլ հակակոռուպցիոն կենտրոնը (ԹԻՀԿ) միացել է  Հյուման Ռայթս Հաուս Երևան իրավապաշտպան ցանցի՝ խաղաղ քաղաքացիների նկատմամբ ոստիկանության գործողությունները դատապարտող  հայտարարությանը: Հյուման Ռայթս Հաուս Երևան իրավապաշտպան ցանցը հայտարարություն է տարածել, որով կոչ է անում ոստիկանությանն ու անվտանգության ծառայություններին, ինչպես նաև այլ շահագրգիռ կողմերի հանդես գալ ՀՀ քաղաքացիների իրավունքների ու ազատությունների հարգանքի ու պաշտպանության ապահովմամբ: Հայտարարության տեքստը ներկայացված է ստորև:


15.07.2016

Փորձագետ․ Հափշտակված գումարները հնարավոր է նախատեսված են եղել ատոմակայանի անվտանգության համար

Ատոմակայանում հափշտակված գրեթե 800 միլիոն դրամը հնարավոր է նախատեսված է եղել կայանի անվտանգության ապահովման համար՝ «Ազատության» հետ զրույցում ասել է Թրանսփարենսի Ինթերնեշնլ հակակոռուպցիոն կենտրոնի փորձագետ Արտակ Մանուկյանը: Ըստ Մանուկյանի՝ նման կարգի և գումարի չարաշահումներ կատարվել են անվտանգության հետ կապված շինարարական աշխատանքների ծախսերում: Իր հետևության համար հիմք է հանդիսացել Ազգային անվտանգության ծառայության հաղորդագրությունը: Տեղի ունեցածը վկայում է, որ չի գործել ներքին վերահսկողության մեխանիզմը, բացի այդ՝ իրենց վերահսկողական աշխատանքներում թերացել են համապատասխան պետական ատյանները:


15.07.2016

«Քաղաքացիական հասարակության դիտարկումները ԵՄ-Հայաստան հարաբերությունների վերաբերյալ» հանրային քննարկում

Ս.թ. հուլիսի 15-ին Թրանսփարենսի Ինթերնեշնլ հակակոռուպցիոն կենտրոնի գործադիր տնօրեն Վարուժան Հոկտանյանը մասնակցել է «Գործընկերություն հանուն բաց հասարակության» նախաձեռնության կազմակերպած «Քաղաքացիական  հասարակության  դիտարկումները ԵՄ-Հայաստան հարաբերությունների վերաբերյալ» հանրային քննարկմանը, որի ընթացքում կարծիքներ ու առաջարկություններ են արտահայտվել Հայաստան-Եվրամիություն համագործակցության շրջանակն ամրագրող նոր իրավական փաստաթղթի վերաբերյալ: Վարուժան Հոկտանյանը բանախոսել է «Կոռուպցիայի դեմ պայքարը. խոստումներ և իրականություն» թեմայով: