Գլխավոր էջ Նորություններ

Նորություններ

05.06.2020

Մեկնարկում է ԹԻՀԿ Հակակոռուպցիոն դպրոցի երկրորդ խմբի ընդունելությունը

Թրանսփարենսի Ինթերնեշնլ հակակոռուպցիոն կենտրոնը (ԹԻՀԿ) մեկնարկում է Հակակոռուպցիոն դպրոցի երկրորդ խմբի ընդունելությունը։ ԹԻՀԿ Հակակոռուպցիոն դպրոցի նպատակն է երիտասարդներին տրամադրել գիտելիքներ կոռուպցիայի, դրա պատճառների և տեսակների, քաղաքական, տնտեսական, սոցիալական և այլ ոլորտներում առկա կոռուպցիոն ռիսկերի ու դրանց հետևանքների, կոռուպցիայի դեմ պայքարի մեթոդների, Հայաստանում հակակոռուպցիոն քաղաքականության, միջազգային պարտավորությունների և դրանց իրականացման գործընթացի մասին:


04.06.2020

Կոռուպցիայի դեմ պայքարի հարցում հաջողություններ կլինեն, եթե բացահայտումներն ընտրովի չարվեն. Վարուժան Հոկտանյան

Հետախուզման մեջ գտնվող և ապօրինի հարստացման մեջ մեղադրվող Վատիկանում ՀՀ նախկին դեսպան Միքայել Մինասյանին առաջադրված մեղադրանքների, նրա հետ փոխկապակցված անձանց ունեցվածքների վրա դրված կալանքի մասին խոսելիս «Թրանսփարենսի Ինթերնեշնլ» հակակոռուպցիոն կենտրոն» ՀԿ-ի ծրագրերի ղեկավար Վարուժան Հոկտանյանը Factor.am-ի հետ զրույցում կարծիք է հայտնել, որ ոչ միայն Միքայել Մինասյանի, այլև նախկին իշխանության շատ ներկայացուցիչների մարտավարությունն է եղել ունեցվածքը ուրիշի անունով գրանցելը:


27.05.2020

Բացառել հաշմանդամության կամ տարիքի հիմքով խտրականությունը COVID-19-ի դեմ պայքարում․ համատեղ հայտարարություն

COVID-19 համավարակը բարդ մարտահրավեր է բոլոր անձանց և երկրների առողջապահական համակարգերի համար։ Թեև այն կարող է ծանր հետևանքներ առաջացնել անխտիր բոլորի կյանքում, դրա հաղթահարումը լրացուցիչ դժվարություններ է ստեղծում խոցելի խմբերի համար` առավել մեծ վտանգ ներկայացնելով նրանց բարեկեցությանը, առողջությանը և կյանքին։

Վերջին օրերին Հայաստանում COVID-19-ի արձանագրված դեպքերի թիվը, ներառյալ պետական վերահսկողության ներքո գտնվող հատուկ հաստատություններում, կտրուկ բարձրացնում է ռիսկը, որ ՀՀ առողջապահության համակարգի միջոցները բավարար չեն լինի քաղաքացիներին պատշաճ բժշկական օգնություն ցուցաբերելու համար։


22.05.2020

Պետության կողմից տրված դրամաշնորհային ծրագրի աուդիտի իրականացման բաց մրցույթի հրավեր

ԹԻՀԿ-ն հրավիրում է աուդիտորական կազմակերպություններին ներկայացնելու հայտեր՝ պետության կողմից տրամադրված դրամաշնորհի շրջանակներում իրականացված ծրագրի ֆինանսական աուդիտի համար (ստացված դրամաշնորհի բյուջեն՝ 60,673,200․00 ՀՀ դրամ, փաստացի կատարված ծախսերը՝ 25,666,706.49 ՀՀ դրամ )։

 


21.05.2020

Այս ճանապարհը չի երաշխավորում, որ կմաքրվի դատական համակարգը

Lragir.am-ի հետ զրույցում Թրանսփարենսի Ինթերնեշնլ հակակոռուպցիոն կենտրոնի ծրագրերի ղեկավար Վարուժան Հոկտանյանը, անդրադառնալով դատական համակարգում վեթինգ չիրականացվելուն, նշել է՝ ռիսկ կա, որ համակարգի բոլոր խնդիրները մնալու են՝ կկայացվեն իշխանությունների համար հաճելի քաղաքական դատավճիռներ, և այդ ծառայությունը մատուցելու վարձը կլինի նրանց կոռուպցիայի վրա աչք փակելը:


20.05.2020

Սա կլինի լավագույն փորձաքննությունը պարզելու, թե Հայաստանում կա՞ անկախ դատական համակարգ. Վարուժան Հոկտանյան

Factor TV-ի հետ զրույցում, անդրադառնալով ծխախոտի արտահանման սկանդալային պատմությանը, ԹԻՀԿ ծրագրերի ղեկավար Վարուժան Հոկտանյանը նշել է, որ իշխանության միակ հակադարձումը, որն ինքը համարժեք է գնահատում, ինֆորմացիայի հիման վրա քրեական գործերի հարուցումը և քննությունը կլինի: Հոկտանյանը հույս ունի, որ իրավապահները գործն անաչառությամբ կքննեն, սակայն, շեշտում է, որ քաղաքական ազդեցություններ կլինեն:


20.05.2020

Սա մաքսանենգություն է, անձամբ ուզում եմ լսել իրավապահ մարմինների բացատրությունները. Հոկտանյան

«Փաստինֆո»-ի հետ զրույցում ԹԻՀԿ ծրագրերի ղեկավար Վարուժան Հոկտանյանը, անդրադառնալով Հայաստանից Ռուսաստան տեղափոխված ծխախոտի դեպքին, նշել է, որ կցանկանար լսել իրավապահ մարմինների բացատրությունները, որովհետև իր համար սա մաքսանենգություն է:


20.05.2020

Խոստացված վեթինգի չիրականանալու հիմնական պատճառներից է արդյունավետ խորհրդարանական վերահսկողության բացակայությունը․ Հայկ Մարտիրոսյան

Սույն թվականի մայիսի 20-ին Թրանսփարենսի Ինթերնեշնլ հակակոռուպցիոն կենտրոնի իրավական հարցերով փորձագետ Հայկ Մարտիրոսյանը Միջազգային և անվտագության հարցերի հայկական ինստիտուտում մասնակցել է ««Փափուկ վեթինգ» ապագայի, բայց ոչ անցյալի համար» խորագրով փորձագիտական քննարկմանը, որտեղ անդրադարձել է Հայաստանում սպասվող դատաիրավական բարեփոխումների շրջանակում դատական համակարգի վեթինգին վերաբերող մի շարք խնդիրների։


15.05.2020

Ակնհայտ է, որ այս իրավիճակում որոշում կայացնելը վարչապետի համար չափազանց դժվար է եղել. Սոնա Այվազյան

Բրիտանական «openDemocracy» քաղաքական վերլուծական հանդեսը ծավալուն հրապարակումով անդրադարձել է Ամուլսարի ոսկու հանքի խնդրով Հայաստանի կառավարության վրա ամերիկյան և բրիտանական կառավարությունների գործադրած ճնշմանը։

Հրապարակումը հղում է կատարում 2019թ.-ի հոկտեմբերին կազմված ԵՄ ներքին զեկույցին, որն անդրադառնում է «Լիդիան» ընկերության նախաձեռնած, Վերակառուցման և զարգացման եվրոպական բանկի կողմից ֆինանսավորվող և ԱՄՆ-ի ու Մեծ Բրիտանիայի իշխանությունների աջակցությունը վայելող նախագծի միջազգային համատեքստին։


15.05.2020

Իրավապահ համակարգը ձախողում է կոռուպցիայի դեմ պայքարը: Ինչո՞ւ չեն ձեռնարկվում ավելի կոշտ քայլեր. Սոնա Այվազյան

Factor.am-ի հետ զրույցում Թրանսփարենսի Ինթերնեշնլ հակակոռուպցիոն կենտրոնի գործադիր տնօրեն Սոնա Այվազյանը նշել է, որ իրավապահ համակարգը ձախողում է կոռուպցիայի դեմ պայքարը։ Ինչո՞ւ և ինչպե՞ս են խոշոր չարաշահումների մեջ մեղադրվողները հեշտորեն հեռանում Հայաստանից: Ըստ Այվազյանի՝ նրանց օգնում են նախկին իշխանություններին շաղկապված իրավապահ մարմինների աշխատակիցները, և անբացատրելի է. թե ինչու է քաղաքական իշխանությունը ձախողակ բարձրաստիճան պաշտոնյաներին թողնում իրենց տեղերում։