Նորություններ

Թրանսփարենսի Ինթերնեշնլ հակակոռուպցիոն կենտրոնը հրավիրում է մրցույթ գրաֆիկական դիզայնի ծառայությունների մատուցման համար, որի նպատակն է իրականացնել կազմակերպության գործունեության՝ ծրագրերի և արդյունքների վիզուալիզացումը հանրամատչելի ձևաչափերով , ինչպես նաև մշակել կազմակերպության հրապարակումների և զեկույցների և այլ անհրաժեշտ նյութերի դիզայնը՝ կայքում և սոցիալական մեդիայում տեղադրելու նպատակով։  

«Առաջին լրատվական»-ի հետ զրույցում կոռուպցիայի դեմ պայքարի այս վճռական փուլի վերաբերյալ իրենց գնահատականներն ու դիտարկումներն են  ներկայացրել Թրանսփարենսի Ինթերնեշնլ հակակոռուպցիոն կենտրոնի ծրագրերի ղեկավար Վարուժան Հոկտանյանը և Ժուռնալիստների «Ասպարեզ» ակումբի խորհրդի նախագահ Լևոն Բարսեղյանը:

Ս.թ. հունիսի 19-ին Կորպորատիվ կառավարման կենտրոնը և Տնօրենների հայկական ինստիտուտը՝ Միջազգային մասնավոր ձեռնարկատիրության կենտրոնի հետ համագործակցությամբ անց է կացրել «Հակակոռուպցիոն համապատասխանություն. մարտահրավեր բիզնեսի համար» կլոր սեղան: Միջոցառմանը մասնակցել են պետական մարմինների, մասնավոր հատվածի, միջազգային և տեղական կազմակերպությունների ներկայացուցիչներ: Բանախոսներից էր ԹԻՀԿ ծրագրերի ղեկավար Վարուժան Հոկտանյանը, ով ներկայացրել է «Թրանսփարենսի Ինթերնեշնլի Օրինավորության ազգային համակարգի «Բիզնես» հենասյունը. ինչպիսի՞ն է այն Հայաստանում» ելույթը:

Հայաստանում պետք է փաստերի վրա հիմնված ձերբակալվեն կոռուպցիոն գործընթացներում ներգրավված բարձրաստիճան պաշտանյաներ, բայց չպետք է խտրական մոտեցում կիրառվի, որպեսզի դա քաղաքական հետապնդում չդիտարկվի: «Մեդիալաբի» հետ զրույցում նման դիտարկում է արել ԹԻՀԿ ծրագրերի ղեկավար Վարուժան Հոկտանյանը: Այդ ձերբակալությունները պետք է ուղեկցվեն արդյունավետ կանխարգելիչ ու տնտեսական այնպիսի քայլերով, որոնք կբարձրացնեն ժողովրդի բարեկեցությունը:

Ս.թ. հունիսին ջատագովության այցով ԱՄՆ-ում գտնվող հայաստանյան քաղաքացիական հասարակության կազմակերպությունների ներկայացուցիչները Վաշինգտոնում «Ամերիկայի ձայնի» հետ զրույցում անդրադարձել են Հայաստանում ստեղծված նոր իրավիճակում ժողովրդավարության և մարդու իրավունքների ամրապնդմանն ուղղված օգնության առավել արդյունավետ օգտագործմանը:

«Ազատություն» TV-ի «Կիրակնօրյա վերլուծական Թամրազյանի հետ» հաղորդման հյուրեր Թրանսփարենսի Ինթերնեշնլ հակակոռւպցիոն կենտրոնի ծրագրերի ղեկավար Վարուժան Հոկտանյանն ու Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցը քննարկել են նոր կառավարության ծրագիրը, մասնավորապես Պայքար կոռուպցիայի դեմ բաժինը` անդրադառնալով նաև նոր կառավարության վարած հակակոռուպցիոն քաղաքականությանը:  

«Թրանսփարենսի Ինթերնեշնլ հակակոռուպցիոն կենտրոն» հասարակական կազմակերպությունը հրավիրում է Հայաստանի Հանրապետությունում գործող ընկերությունների և/կամ անհատների՝ ներկայացնելու հայտեր Android և iOS բջջային հեռախոսների համար բառախաղի հավելվածի ստեղծման նպատակով։

Ս.թ. հունիսի 7-ին Վաշինգտոնի Ժողովրդավարության աջակցության ազգային հիմնադրամում տեղի է ունեցել «Անցումային Հայաստանը» թեմայով քննարկում, որի ընթացքում ջատագովության այցով ս.թ. հունիսի 3-ից 9-ը ԱՄՆ-ում գտնվող հայաստանյան քաղաքացիական հասարակության ներկայացուցիրներն անդրադարձել են Հայաստանում տեղի ունեցած իրողությունների արմատներին և ներկայիս կառավարության ծրագրին:

Այս փաստաթուղթը հանդիսանում է Եվրոպական միության և Հայաստանի Հանրապետության միջև ստորագրված Համապարփակ և ընդլայնված գործընկերության համաձայնագրի (ՀԸԳՀ) միացյալ գործողությունների ծրագիր կամ ճանապարհային քարտեզ՝ պատրաստված ժողովրդավարական բարեփոխումների մշտադիտարկման, քննադատման և քաղաքականության զարգացման գործում տևական փորձ ունեցող քաղաքացիական հասարակության մի խումբ ներկայացուցիչների կողմից:

ՀՀ դատախազությունը, ուսումնասիրելով Բաց հասարակության hիմնադրամներ-Հայաստանի աջակցությամբ Թրանսփարենսի Ինթերնեշնլ հակակոռուպցիոն կենտրոնի իրականացրած Պետական գնումների համակարգի 2016-2017 թթ. մոնիտորինգի արդյունքները, խախտումներ է արձանագրել, ինչի առիթով հարուցվել է քրեական գործ: Տես ՀՀ դատախազության հաղորդագրությունը դատախազության կայքում: