Սոնա Այվազյանը ԹԻՀԿ-ի հիմնադիր անդամներից է: Նա ընդգրկվել է կազմակերպության ծրագրային գործունեությունում 2002թ.: Սոնան ԹԻՀԿ գործադիր տնօրենն է 2016 թ. սեպտեմբերից: Նա կազմակերպության նախագահն է եղել 2010թ. վերջից մինչև 2012թ: Ներկայումս նա նաև ղեկավարում է կազմակերպության գործունեությունը ընտրությունների, հանրային գույքի կառավարման և մարդու իրավունքների ոլորտներում:

Նախքան ԹԻՀԿ թիմին միանալը` Սոնան աշխատել է որպես շրջակա միջավայրի քաղաքականության փորձագետ ԱՄՆ/ՄԶԳ և ՄԱԿ-ի Զարգացման ծրագրի ֆինանսավորմամբ բնապահպանական ծրագրերում: Նա ավելի քան 10 հրապարակումների հեղինակ ու համահեղինակ է:

Սոնան ավարտել է Հայաստանի ազգային պոլիտեխնիկական համալսարանը, այնուհետև ստացել է Քաղաքագիտության մագիստրոսի կոչում Հայաստանի ամերիկյան համալսարանում և շրջակա միջավայրի միջազգային քաղաքականության մագիստրոսի կոչում ԱՄՆ-ի Մոնտերեյի միջազգային ուսումնասիրությունների ինստիտուտում:

Հայկակ Արշամյանը միացել է ԹԻՀԿ-ին 2016­թ. որպես ջատագովության և հաղորդակցության համակարգող։ Նա ԹԻՀԿ-ին անդամակցել է 2012թ., իսկ 2014թ. ընտրվել է կազմակերպության խորհրդի անդամ: Նա կրթության, մեդիայի, քաղաքացիական հասարակության, ջատագովության ու հաղորդակցության, սփյուռքի և երիտասարդության ոլորտներում աշխատանքի բազմամյա փորձ ունի:

Մինչև ԹԻՀԿ թիմին միանալը, Հայկակն աշխատել է «Երևանի մամուլի ակումբում» որպես ծրագրերի համակարգող։  1994-2015թթ. դասավանդել է Երևանի պետական համալսարանում, իսկ 2011-2014թթ. Հայաստանի պետական տնտեսագիտական համալսարանում:

Հայկակն ավարտել է ԵՊՀ պատմության ֆակուլտետը, պատմական գիտությունների թեկնածու է (1996 թ.): 

Նունե Այդինյանը միացել է ԹԻՀԿ-ին 2006թ. որպես թարգմանիչ և գործունեության լուսաբանման մասնագետ և ԹԻՀԿ անդամ է 2008-ից: Ներկայումս նա հաղորդակցության մասնագետ է: Նունեն պատասխանատու է կազմակերպության կայքի բովանդակության և նյութերի թարմացման համար, ԹԻՀԿ տարեկան հաշվետվությունների, համապատասխան նյութերի թարգմանության համար և այլն:

Մինչ ԹԻՀԿ-ին միանալը Նունեն աշխատել է Ռազմավարական և ազգային հետազոտությունների հայկական կենտրոնում: Նա ունի վարչական աշխատանքի, դասավանդման ու հանրային քաղաքականության ոլորտում թարգմանության, ինչպես նաև կայքի նյութերի պատրաստման փորձ:

Նունեն ավարտել է Երևանի Վ. Բրյուսովի անվան պետական լեզվահասարակագիտական համալսարանը, այնուհետև Հայաստանի ամերիկյան համալսարանը՝ ստանալով քաղաքագիտության մագիստրոսի կոչում:

Վարուժան Հոկտանյանը միացել է ԹԻՀԿ-ին որպես հանրային քաղաքականության փորձագետ 2002 թ.: 2009-ից մինչև 2016թ. սեպտեմբեր նա եղել է կազմակերպության գործադիր տնօրենը: Ներկայումս Վարուժանն աշխատում է որպես ծրագրերի ղեկավար, ով պատասխանատու է կազմակերպության հանրային գնումների և ընտրական ծրագրերի ղեկավարման համար: Նա հանրային գնումների և հակակոռուպցիոն քաղաքականության հիմնական փորձագետն է ԹԻՀԿ-ում:    

Մինչ ԹԻՀԿ թիմին միանալը Վարուժանն աշխատել է որպես կրտսեր գիտաշխատող Երևանի ֆիզիկայի ինստիտուտում, գիտաշխատող Հայաստանի ամերիկյան համալսարանի հանրային ուսումնասիրությունների կենտրոնում և կրտսեր գիտաշխատող Դալլասի Տեխասի համալսարանում:

Վարուժանն ավարտել է Երևանի պետական համալսարանի Ֆիզիկայի ֆակուլտետը: Այնուհետև սովորել է Երևանի ֆիզիկայի ինստիտուտի ասպիրանտուրայում բարձր էներգիաների և տարրական մասնիկների ֆիզիկա մասնագիտությամբ, եղել է նաև գիտաշխատող: Հետագայում նա ստացել է քաղաքագիտության մագիստրոսի կոչում Հայաստանի ամերիկյան համալսարանի քաղաքագիտության և միջազգային հարաբերությունների ֆակուլտետում: Նա նաև հանրային քաղաքականության մագիստրոսի կոչում է ստացել Դալլասի Տեխասի համալսարանում: Վարուժանը ավելի քան 15 աշխատությունների հեղինակ ու համահեղինակ է:

Դիանա Տեր-Ստեփանյանը աշխատում է ԹԻՀԿ-ում որպես հետազոտությունների համակարգող 2015թ. հունվարից: Նա պատասխանատու է ծրագրի հետազոտությունների, մոնիթորինգի և շահերի պաշտպանության գծով աշխատանքների համակարգման համար: ԹԻՀԿ-ի հետ նրա համագարծակցությունը սկսվել է 2012-ից՝ ընդգրկվելով ԹԻՀԿ կողմից իրականացվող  ինստիտուցիոնալ հզորացման ծրագրում որպես փորձագետ:

Նախքան ԹԻՀԿ-ին միանալը Դիանան աշխատել է Ագրոբիզնեսի և գյուղի զարգացման կենտրոն (CARD) հիմնադրամում որպես ծրագրի համակարգող: Նա ունի հետազոտական աշխատանքի, ծրագրերի ղեկավարման, ծրագրի մոնիթորինգի և գնահատման փորձ: Նա նաև հանդիասանում է Հայաստանում Ֆրանսիական համալսարանի Նախագծերի կառավարում առարկայի դասախոս:

Դիանա Տեր-Ստեփանյանը ավարտել է Երևանի պետական համալսարանի Սոցիոլոգիայի ֆակուլտետը և նույն հաստատության մագիստրատուրան՝  Սոցիոլոգիա և կոնֆլիկտաբանություն մասնագիտացմամբ:

Արմեն Գրիգորյանը աշխատանքի է անցել ԹԻՀԿ-ում որպես ծրագրի համակարգող 2015թ.: Մինչ ԹԻՀԿ-ի թիմին միանալը` Արմենն աշխատել է Քաունթերփարթ ինթերնեշնլ կազմակերպությունում որպես Քաղաքացիական հասարակության ծրագրի համակարգող:

Արմեն Գրիգորյանը նաև հրավիրյալ դասախոս է Հայ-ռուսական (Սլավոնական) համալսարանի Համաշխարհային քաղաքականության և միջազագային հարաբերությունների ֆակուլտետում: Նա «Քաղաքական էլիտան հետխորհրդային Հայաստանում. բնութագրիչները և ձևավորման ուղիները» գրքի համահեղինակ է, ինչպես նաև հոդվածներ է գրում www.civilnet.am կայքի համար Հայաստանի ժողովրդավարացման, քաղաքացիական հասարակության, տնտեսական, ինչպես նաև քաղաքական զարգացումների մասին:

Արմենը ավարտել է Երևանի պետական համալսարանի Միջազգային հարաբերություններ բաժինը, այնուհետև ստացել է Քաղաքագիտության և միջազգային հարաբերությունների մագիստրոսի կոչում Հայաստանի ամերիկյան համալսարանում:

Լիանա Ղալթաղչյանը միացել է ԹԻՀԿ-ին որպես հանրային քաղաքականության փորձագետ 2015 թ. ապրիլից: Նա պատասխանատու է հանրային քաղաքականության ուսումնասիրության (այդ թվում՝ օրենքների ու օրինագծերի), հետազոտությունների իրականացման և հանրային քաղաքականության բնագավառում փորձագիտական առաջարկությունների մշակման համար:

Մինչ ԹԻՀԿ-ում աշխատանքի անցնելը Լիանան աշխատել է ՀՀ արդարադատության նախարարությունում և ղեկավարել է օրենսդրության զարգացման և կատարելագործման վարչությունը: Նա փորձառու մասնագետ է իրավական ակտերի մշակման և փորձաքննության ոլորտներում: Լիանան միաժամանակ ունի փաստաբանի արտոնագիր և հանդիսանում է ՀՀ Փաստաբանների պալատի անդամ:

Լիանան ավարտել է Երևանի պետական համալսարանի իրավագիտության ֆակուլտետը և նույն հաստատության մագիստրատուրան: Նա նաև ԱՄՆ-ի Թաֆթս համալսարանի Ֆլետչերի անվան դիվանագիտության դպրոցի հանրային կառավարում ծրագրի շրջանավարտ է:

Վախթանգ Սիրադեղյանը միացել է ԹԻՀԿ-ին որպես լրատվամիջոցների գծով մասնագետ 2003 թ.: Նա պատասխանատու է ազգային տպագիր մամուլի կոռուպցիային առնչվող տեղեկատվության մոնիտորինգի, լրատվամիջոցների հետ կապերի և կազմակերպության մոնիտորինգային գործունեությանն աջակցելու համար:

Մինչ ԹԻՀԿ-ում աշխատանքի անցնելը նա աշխատել է որպես լրագրող տարբեր լրատվամիջոցներում:

Վախթանգն ավարտել է Երևանի պետական համալսարանի բանասիրության ֆակուլտետը:

Տաթևիկ Բարսեղյանը միացել է ԹԻՀԿ-ին որպես վարչական հարցերով օգնական 2012թ.: Ներկայումս Տաթևիկն աշխատում է ԹԻՀԿ-ում որպես ծրագրի մասնագետ/հետազոտող: Նա պատասխանատու է տվյալների հավաքման և մոնիտորինգի համար` ամփոփելով հետազոտության արդյունքները, ինչպես նաև պատրաստում և անց է կացնում կոռուպցիայի վերաբերյալ դասընթացներ երիտասարդների համար:

Նախքան ԹԻՀԿ թիմին միանալը նա աշխատել է Արմենպրես լրատվական գործակալությունում որպես լրագրող:

Տաթևիկն ավարտել է Երևանի պետական համալսարանի արևելագիտության ֆակուլտետի արաբագիտության բաժնի մագիստրատուրան:

Վանուհի Մաթևոսյանն աշխատում է ԹԻՀԿ-ում որպես ծրագրի մասնագետ 2016 թ. մայիսից: Մինչ այդ նա աշխատել է որպես ծրագրի օգնական 2015 թ. հուլիսից:

Վանուհին միացել է ԹԻ ՀԿ-ին 2014 թ. մայիսին: Մինչև ԹԻՀԿ-ին միանալը նա աշխատել է Հայաստանի ամերիկյան համալսարանի հատուկ դասընթացների բաժնում:

Վանուհին ավարտել է Հայաստանի պետական տնտեսագիտական համալսարանի Միջազգային տնտեսական հարաբերություններ բաժնում, այնուհետև ստացել է մագիստրոսի կոչում Հայաստանի ամերիկյան համալսարանի Քաղաքագիտություն և միջազգային հարաբերություններ բաժնում:

Մարիամ Հովեյանը միացել է ԹԻՀԿ-ին որպես ընտրական ծրագրերի օգնական 2016թ։ 2017թ․ հուլիսից աշխատում է որպես Պահանջատեր հասարակություն հանուն պատասխանատու կառավարման ծրագրի օգնական։

Նախքան ԹԻՀԿ թիմին միանալը աշխատել է Վորլդ Վիժն Հայաստան կազմակերպությունում՝ որպես համայնքային համակարգող և ֆինանսական ոլորտի մի քանի կազմակերպություններում։

Մարիամը ստացել է տնտեսագիտության բակալավրի աստիճան սովորելով Գավառի պետական համալսարանում և Սալոնիկի Ալեքսանդեր տեխնոլոգիական համալսարանում, ինչպես նաև նույն մասնագիտության մագիստոսի կոչում՝ սովորելով Երևանի պետական համալսարանում և Թուրինի Պոլիտեխնիկական համալսարանում։

Շահեն Շահինյանը միացել է ԹԻՀԿ-ին որպես գլխավոր հաշվապահ 2007թ.: Նա պատասխանատու է կազմակերպության ֆինանսական կառավարման և հաշվապահության համար, ինչպես նաև զեկուցում է կազմակերպության ղեկավարությանը, ԹԻ քարտուղարությանը (Բեռլին), դոնորներին և համապատասխան պետական մարմիններին:

Մինչ ԹԻՀԿ-ում աշխատանքի անցնելը նա աշխատել է տարբեր կազմակերպություններում որպես ֆինանսական մասնագետ:

Շահենը ավարտել է Հայաստանի ազգային պոլիտեխնիկական համալսարանի տեխնիկական կիբեռնետիկայի ֆակուլտետը:

Մանուշակ Ալավերդյանը միացել է ԹԻՀԿ-ին որպես ֆինանսական օգնական: Ներկայումս նա աշխատում է որպես ֆինանսական մասնագետ: Նա պատասխանատու է աջակցելու կազմակերպության ֆինանսական կառավարման և հաշվապահական գործընթացներին, ինչպես նաև դրամաշնորհի հետ կապված գործունեությանը:

Նախքան ԹԻՀԿ թիմին միանալը՝ Մանուշակն աշխատել է Քաունթերփարթ Ինթերնեշնլ հայաստանյան գրասենյակում որպես դրամաշնորհների օգնական: Նա մեծ փորձ ունի  ֆինանսական հաշվետվությունների և բյուջեի վերանայման և դրամաշնորհներին վերաբերող մի շարք այլ գործընթացներում:

Մանուշակն ավարտել է Երևանի Վ. Բրյուսովի անվան պետական լեզվահասարակագիտական համալսարանի օտար լեզուների ֆակուլտետը:

Քրիստինե Մարգարյանը միացել է ԹԻՀԿ-ին որպես գործերի կառավարիչ 2008թ.: Այժմ նա աշխատում է որպես մարդկային ռեսուրսների և կազմակերպական զարգացման համակարգող և պատասխանատու է ապահովելու մարդկային ռեսուրսների կառավարման կանոնակարգի մշակումը/թարմացումն ու իրականացումը, պայմանագրերի կառավարումը, ինչպես նաև  ԹԻՀԿ կազմակերպական զարգացումը:

Մինչ ԹԻՀԿ-ին միանալը Քրիստինեն աշխատել է որպես գրասենյակի/մարդկային ռեսուրսների կառավարիչ ՍոլարԵն ՍՊԸ-ում: Նա մեծ փորձ ունի մարդկային ռեսուրսների կառավարման, կազմակերպական զարգացման, աշխատանքային օրենսդրության ոլորտում:

Քրիստինեն ավարտել է Երևանի պետական համալսարանի Արևելագիտության ֆակուլտետը, այնուհետև ստացել է իրավական համեմատական գիտությունների մագիստրոսի աստիճան Հայաստանի ամերիկյան համալսարանում:

Լուսինե Ստեփանյանը միացել է ԹԻՀԿ-ին որպես վարչական օգնական 2015 թ.: Ներկայումս նա աշխատում է ԹԻՀԿ-ում որպես գրասենյակի կառավարիչ և պատասխանատու է կազմակերպության գնումների, ներառյալ ծառայություն մատուցողների հետ բանակցությունները, ծառայությունների մատուցման վերահսկողության, ինչպես նաև ԹԻՀԿ միջոցառումներին աջակցելու համար և այլն:

Նախքան ԹԻՀԿ-ին միանալը նա աշխատել «Մերի Քեյ Արմենիա» ամերիկյան ընկերությունում:

Լուսինեն ավարտել է Երևանի պետական համալսարանի փիլիսոփայության, սոցիոլոգիայի և հոգեբանության ֆակուլտետի փիլիսոփայության բաժինը, այնուհետև նույն բաժնում ստացել է նաև մագիստոսի կոչում:

Հերիքնազ Տիգրանյանը միացել է ԹԻՀԿ-ին 2009թ. որպես Շահերի պաշտպանության և աջակցության կենտրոնի իրավաբան: Ներկայումս Հերիքնազը պատախանատու է ԹԻՀԿ աշխատակազմին և շահագրգիռ կողմերին իրավաբանական խորհրդատվության տրամադրման, համապատասխան ոլորտներում քաղաքականության և օրենսդրական փոփոխությունների առաջարկությունների մշակման համար, և ներկայացնում է կազմակերպությունը դատարաններում:

Նախքան ԹԻՀԿ թիմին միանալը նա աշխատել է տարբեր պետական, հանրային և միջազգային կազմակերպություններում, ինչպիսիք են` Սփյուռքի նախարարությունը, Աշխատանքի և սոցիալական հարցերի նախարարությունը, Ընտրական համակարգերի միջազգային հիմնադրամը (IFES) և այլն: Նա փորձառու մասնագետ է սահմանադրական իրավունքի ոլորտում, ով նաև մեծ երկարատև աշխատաքնային փորձ ունի աշխատանքի և վարչական իրավունքի ոլորտներում:

Հերիքնազն ավարտել է Երևանի պետական համալսարանի իրավաբանության ֆակուլտետը: Նա արտոնագրված փաստաբան է և ՀՀ Փաստաբանների պալատի անդամ: