Խորհուրդ

Վազգենը ԹԻՀԿ-ի անդամ և խորհրդի անդամ է 2006 թվականից, իսկ 2012թ. ընտրվել է խորհրդի նախագահ: 2014 թ. լիազորությունների ժամկետը ավարտվելու կապակցությամբ Վազգեն Կարապետյանը դուրս է եկել խորհուրդի կազմից, իսկ 2015 թ. վերընտրվել է: 2017-ին նա դարձյալ ընտրվել է Ընդհանուր ժողովի կողմից:

Միաժամանակ Վազգենը Եվրասիա համագործակցության հիմնադրամի փոխտնօրենն է: Նա անդամակցել է հիմնադրամին 1998 թ. որպես տարածաշրջանային ծրագրերի համակարգող նոր հիմնադրված Հարավկովկասյան համագործակցության ծրագիրի շրջանակներում: Բացի դա, աշխատել է Փրկենք երեխաներին կազմակերպությունում որպես դրամաշնորների պատասխանատու, և Կաթոլիկ օգնության ծառայության հայաստանյան մասնաճյուղում որպես ծրագրերի համակարգող:

Վազգենն ավարտել է Երևանի պետական բժշկական համալսարանը: Նա նաև քաղաքագիտության և միջազգային հարաբերությունների մագիստրոսի կոչում է ստացել Հայաստանի ամերիկյան համալսարանում: 2003-2004 թթ. սովորել է Հուսիսային Կարոլինայի համալսարանի Հանրային կառավարում ֆակուլտետում Հուբերթ Համֆրի ծրագրի շրջանակներում:

[Շահերի ռեգիստր]

Նվարդը ԹԻՀԿ ՀԿ-ին անդամակցել է 2012թ., իսկ խորհրդի անդամ է ընտրվել 2016թ., իսկ 2019-ին վերընտրվել է որպես խորհրդի անդամ ԹԻՀԿ ընդհանուր ժողովի կողմից:

Նվարդը կրթության ոլորտի փորձագետ է: Աշխատում է որպես խորհրդատու և դասավանդում է ԵՊՀ Կանանց և առաջնորդության կենտրոնի մագիստրոսական կրթական ծրագրում: Երկար տարիներ աշխատել է հանրային հատվածում: Դասավանդել և աշխատել է պետական համալսարաններում: Ներկայումս նաև հանդիսանում է Հայ կրթական հիմնարկության կրթաթոշակային խորհրդի անդամ:

Նվարդը գերազանցությամբ ավարտել է ՀՊՃՀ կիբեռնետիկայի ֆակուլետը, ապա մագիստրոսական երկու կոչումները ստացել Հայաստանի ամերիկյան համալսարանից և Ցինցինատիի համալսարանից: Ունի քաղաքագետի և քաղաքաշինական զարգացման որակավորումներ: 2003 թվականից ՀՅԴ անդամ է:

[Շահերի ռեգիստր]

Սարհատը ԹԻՀԿ-ի անդամ է 2014-ից, իսկ 2017 թ. ընտրվել է խորհրդի անդամ։

Սարհատ Պետրոսյանը ՀՀ անշարժ գույքի կադաստրի կոմիտեի ղեկավարն է: Մինչ այդ նա ուրբանլաբի տնօրենն էր, որը Երևանում գործող քաղաքային անկախ հետազոտահեն կազմակերպություն է։ Մինչ այդ նա Հայաստանի ճարտարապետության և շինարարության ազգային համալսարանից ստացել է ճարտարապետության մագիստրոստի և գիտությունների թեկնածուի աստիճան։ 2004-2017 թ.թ. դասավանդել է նույն համալսարանի քաղաքաշինության ամբիոնում որպես դոցենտ։ Ներկայումս նա հրավիրյալ դասախոս է Հայաստանի ամերիկյան համալսարանի Հակոբյան բնապահպանական կենտրոնում։ Սարհատի մասնագիտական հետաքրքրությունների շրջանակում են հատկապես քաղաքային որակյալ միջավայրերի ու քաղաքների զարգացման քաղաքականությունների մշակումը։ Շուրջ երկու տասնյակ հրատարակությունների ու բազմաթիվ հրապարակախոսական հոդվածների հեղինակ է։ 2016 թ. նշանակվել է Վենետիկի ճարտարապետական բիենալիում Հայաստանի տաղավարի համադրողը։

[Շահերի ռեգիստր]

Սուրենը ԹԻՀԿ-ին անդամակցել է 2010թ. և նույն թվականին էլ ընտրվել է որպես խորհրդի անդամ: 2014 թ. լիազորությունների ժամկետը ավարտվելու կապակցությամբ Սուրեն Սաղաթելյանը դուրս է եկել խորհուրդի կազմից, իսկ 2015 թ. վերընտրվել է: 2017-ին նա վերստին ընտրվել է Ընդհանուր ժողովի կողմից:

Միաժամանակ Սուրենն աշխատում է որպես ՄԱԶԾ հայաստանյան գրասենյակի գնումների փորձագետ, գնումների և ընդհանուր ադմինիստրացիայի բաժնի ղեկավար: Մինչ այդ նա աշխատել է Վորլդ Վիժն Հայաստան բարեգործական կազմակերպությունում որպես կազմակերպական աջակցման բաժնի ղեկավար, ֆինանսների նախարարության ԾԻԳ-ում որպես գնումների գծով գլխավոր մասնագետ, Բաց հասարակության ինստիտուտ հիմնադրամում որպես գնումների գծով փորձագետ և այլն:

Սուրենն ավարտել է Երևանի պոլիտեխնիկական ինստիտուտը, այնուհետև Հայաստանի ամերիկյան համալսարանի Բիզնեսի կառավարում ֆակուլտետի նախապատրաստական դասընթացը: Նա սովորել է նաև Հոլանդիայի Մաաստրիխտի կառավարման դպրոցի ասպիրանտուրայում:

[Շահերի ռեգիստր]

Հերիքնազը ԹԻՀԿ-ին անդամակցել է 2010թ., 2019-ին նա Խորհրդի անդամ է ընտրվել  Ընդհանուր ժողովի կողմից: Հերիքնազը ՀՀ ազգային ժողովի պատգամավոր է ընտրվել 2018թ. դեկտեմբերի 9-ին, իսկ 2009-2018թթ. աշխատել է ԹԻՀԿ-ում որպես իրավախորհրդատու:

Նախքան ԹԻՀԿ թիմին միանալը Հերիքնազն աշխատել է տարբեր պետական, հանրային և միջազգային կազմակերպություններում, ինչպիսիք են` Սփյուռքի նախարարությունը, Աշխատանքի և սոցիալական հարցերի նախարարությունը, Ընտրական համակարգերի միջազգային հիմնադրամը (IFES) և այլն: Նա փորձառու մասնագետ է սահմանադրական իրավունքի ոլորտում, նաև երկարատև աշխատաքնային փորձ ունի աշխատանքի և վարչական իրավունքի ոլորտներում:

Հերիքնազն ավարտել է Երևանի պետական համալսարանի իրավաբանության ֆակուլտետը: Նա արտոնագրված փաստաբան է և ՀՀ Փաստաբանների պալատի անդամ:

[Շահերի ռեգիստր]