«Քաղաքացի դիտորդ» նախաձեռնություն

Սեպտեմբերի 13, 2015

Տավուշ և Շիրակ մարզերի համայնքների տեղական ինքնակառավարման մարմինների ընտրություններ

Վերջին հաղորդումներ

Ժամ Տեղամաս Ընտրախախտում Արձագանք
17:54 41/3 Ընտրողների փոխադրում և/կամ կուտակումներ տեղամասից դուրս
Ժամը 15:00-ի սահմաններում ընտրատեղամասից դուրս դիտորդը նկատել է մեքենաների և մարդկային կուտակումներ, սակայն ոստիկանության միջոցով կուտակումները վերացել են:
15:59 41/2 Այլ (քվեարկության ընթացք)
Ընտրողը ընտրատեղամաս էր եկել նույնականացման քարտով, բնականաբար նրան չեն թույլատրել քվեարկել: ՏԸՀ նախագահը հանձնարարել է համայնքի ղեկավարի թեկնածու Վարդան Ղալումյանի վստահված անձին ընտրողին մեքենայով տուն տանեն, որպեսզի անձնագիրը բերի և մասնակցի ընտրությանը:
Ընտրախախտումը բողոքարկվել է ԸԸՀ
15:28 36/1 Սառնաղբյուր Ընտրողների փոխադրում և/կամ կուտակումներ տեղամասից դուրս
Դիտորդը նկատել է, որ առավոտից տևական ժամանակ ընտրատեղամասին հարակից տարածքում, չպահպանելով 50մ շառավղի արգելքը, առկա են մարդկանց կուտակումներ: Ըստ թեկնածու Արտակ Ավդալյանի վստահված անձի` այդ մարդիկ թեկնածու Արտակ Գևորգյանի կողմնակիցներն են:
Ընտրախախտումը բողոքարկվել է ԸԸՀ
 Հանձնաժողովի նախագահին տեղեկացվել է կուտակումների մասին, վերջինս դիմել է ոստիկանների օգնությանը կուտակումները վերացնելու համար: Ձեռնարկված միջոցների արդյունքում կուտակումները վերացվել են:
14:32 41/1 Քվեարկության գաղտնիության խախտում
Քաղաքացին առանց ՏԸՀ նախագահին տեղյակ պահելու և առանց որպես օգնող գրանցվելու, տարեց ազգականին օգնել է քվեարկել:
Ընտրախախտումը բողոքարկվել է ԸԸՀ
 Վստահված անձանց դիտարկումից հետո ՏԸ հանձնաժողովը փորձել է միջամտել, սակայն քվեարկությունն արդեն կատարված է եղել և պարզվել է, նաև, որ օգնողը չունի անձնագիր: Տեղամասի գրանցամատյանում գրառում չի կատարվել առանց անձնագրի և գրանցվելու օգնելու փաստի վերաբերյալ:
12:27 41/2 Ընտրողների ուղղորդում կամ անօրինական կերպով օժանդակում
Դիտորդը և վստահված անձը նկատել են, որ ընտրող Անուշ Սահակյանի փոխարեն քվեախցիկ է մտել և առանց նրա քվերակություն է կատարել է այլ ընտրող: Հանձնաժողովի նախագահի ուշադրությունը հրավիրվել է այս փաստի վրա. պարզվել է, որ քվերակությունը կատարել է Ա. Սահակյանի հարսը՝ առանց օգնելու անհրաժեշտությունը հիմնավորելու և այդ մասին հանձնաժողովին տեղյակ պահելու և որպես օգնող գրանցվելու:
Ընտրախախտումը բողոքարկվել է ԸԸՀ
 Խախտման վերաբերյալ վստահված անձի դիտարկումը ՏԸՀ նախագահն անտեսել է, և այդ մասին գրանցամատյանում գրառում չի կատարել:
10:27 41/3 Այլ (քվեարկության ընթացք)
Իջևանի թիվ 41/3 տեղամսում առավոտից մոտ 10 ընտրող չեն կարողացել քվերակել, քանի որ ունեցել են կենսաչափական անձնագիր: ՏԸՀ-ից ուղարկել են անձնագրային բաժին՝ 9 -րդ ձև ստանալու, որտեղ մերժվել են կենասաչափական անձնագիր ունենալու պատճառաբանությամբ:Արդյունքում ընտրողները վերադարձել են տեղամաս առանց 9-րդ ձևի, և նրանց հնարավորություն չի տրվել քվերակելու՝ համապատասխան փաստաթղթի բացակայության պատճառով:
Ընտրախախտումը բողոքարկվել է ԸԸՀ
10:18 41/2 Ընտրակաշառքի բաժանում / խոստումներ
Ժամը 10:10-ի սահմաններում դիտորդը նկատել է, որ անձը չպարզված տղամարդը ընտրատեղամասի մուտքի մոտ փող է փոխանցել ընտրատեղամասից դուրս եկող կնոջը: Այնուհետև, տեսնելով, որ իրենց նկատել են լրագրողը և դիտորդը` տեղափոխվել են ընտրատեղամասից 50 մետր այն կողմ:
Ընտրախախտումը բողոքարկվել է ԸԸՀ
10:16 36/1 Սառնաղբյուր Այլ (քվեարկության ընթացք)
16 հոգի քվեարկել է նույնականացման քարտով մինչև ժամը 10:00: Միայն ժամը 10:00-ին է զգուշացվել ԿԸՀ-ից, որ չի թույլատրվում:
Ընտրախախտումը բողոքարկվել է ԸԸՀ
10:12 36/3 Այլ (քվեարկության ընթացք)
Քվեարկողները ընտրությանը մասնակցում էին նույնականացման քարտով, մոտ 5-7 քաղաքացի քվեարկել են նույնականացման քարտով: Ժամը 10-ի կողմերը ԿԸՀ հրահանգից հետո դադարեցրել են, և այլևս թույլ չեն տալիս, որ քաղաքացիները նույնականացման քարտով մասնակցեն ընտրություններին:
Ընտրախախտումը բողոքարկվել է ԸԸՀ

Առավել հաճախ կրկնվող խախտումներ

Առավել ահազանգերով տեղամասեր

Տեղամաս Հասցե Խախտումների թիվը
41/2 Իջևան, Թիվ 5 հիմն դպրոց, հասցեն՝ ԵՐիտասարդական փ. թիվ 3 3
41/3 Իջևան, Թիվ 1 հիմն դպրոց, հասցեն՝ Իջևանյան փողոց թիվ 8 2
36/1 Մարալիկ, Մարալիկ համայնքի ռեստորան-սրճարանի շենք 2
41/1 Իջևան, Իջևանի ավագ դպրոց, հասցեն՝ Թատերական փողոց, թիվ 3 1
36/3 Մարալիկ, Մարալիկ համայնքի արվեստի դպրոցի շենք 1

Բողոքարկումներ