«Քաղաքացի դիտորդ» նախաձեռնություն

Քվեաթերթիկների հաշվարկին ներկա են միևնույն թեկնածուի երկուական վստահված անձիք։ Դիտորդները դիմել հանձնաժողովի նախագահին, ով ոչինչ չի ձեռնարկել՝ ասելով՝ «ոչինչ»։

Հանձնաժողովի անդամ Նվեր Կիրակոսյանը գործող գյուղապետ Կարո Գևորգյանի վստահված անձ Թաթուլ Արշակյանին ասել է, որ «գնա աղջկեքին բերի» ընտրությանը մասնակցելու համար: Թաթուլը դուրս է եկել ընտրատեղամասից և ոմն Արմենին ասել, որ «աղջկեքին բերի»:

Դալար գյուղում՝ 17/1 տեղամասում, նույն անուն ազգանունով անձը պատահաբար ստորագրել է նույն անուն ազգանունով ուրիշի փոխարեն, ինչի մասին գրանցամատյանում կատարվել է համապատասխան գրառում։

Դալար գյուղում՝ 17/1 տեղամասի մոտ հավաքված էր մարդկանց խումբ (տասից ավել), ովքեր հետևում էին քվեարկության եկած ընտրողներին։ Ոստիկանների միջամտությունից հետո նրանք հեռացել են։

Դալար գյուղում քվեախցիկում հայտնաբերվել է մի մաքուր քվեաթերթիկ, որի մասին գրանցամատյանում կատարվել է համապատասխան գրառում։

24/1 տեղամասում /Ներքին Գետաշեն, Գեղարքունիք/ 18:00-ի սահմաններում քաղաքացի Արթուր Գրիգորյանը, ստանալով քվեաթերթիկ, չի ցանկացել քվեարկել և փորձել է քվեաթերթիկով դուրս գալ ընտրատեղամասից: Հանձնաժողովի նախագահ Լյովա Գևորգյանը փորձել է արգելել նրան և կանչել է ոստիկանություն: Վեճ է սկսվել, և Արթուր Գրիգորյանը տվել է միայն դատարկ ծրարը և արագ հեռացել: 20 րոպե հետո վերադարձել է ընտրատեղամաս և իր հետ տարած քվեաթերթիկով անարգել մտել է քվեախուց՝ ընտրություն կատարելու, որի ընթացքում 180 աստիճանով պտտեցրել է քվեախցիկը՝ ցանկալավ ապացուցել, որ քվեաթերթիկի վրա այդ պահին է նշում անում: Դեպքի առնչությամբ գրանցմատյանում գրառում է արվել:

Տեղամասում եղել է կուտակում, ընտրողների թիվը հասել է 19-ի: Հանձնաժողովի նախագահ Արարատ Բարբարյանը չէր ցանկանում միջոցներ ձեռնարկել, և միայն տեղամասում գտնվող մարդկանց հաշվելուց հետո կանչեց ոստիկան և խնդրեց կանոնակարգել մարդկանց մուտքը տեղամաս: Իրավիճակը տեղամասում տևեց 10 րոպե:

Տեղամասում գտնվելու լիազորություն չունեցող անձը, ով չի ցանկացել ներկայանալ, երկու անգամ մարդկանց խումբ է բերել ընտրատեղամաս: Ընտրողների և նրա միջև եղել է խոսակցություն, որ մարդիկ շտապեն, քանի որ կան սպասողներ, որոնց պետք է բերել տեղամաս: Անձը մուտք է գործել տեղամաս երկու անգամ: Հանձնաժողովի նախագահ Արարատ Բարբարյանի պահանջից հետո, նշված անձը հեռացել է տեղամասից:

Ոմն Ռուդիկ Սարգսյանն առանց հանձնաժողովի նախագահի թույլտվությունը ստանալու օգնել է տարեց մարդու կատարել ընտրություն, սակայն չի ունեցել անձնագիր, որպեսզի նրան գրանցեն գրանցամատյանում: Հանձնաժողովի նածագահ Արարատ Բարբարյանի պահանջով, օգնողը գնացել բերել է իր անձնագիրը, ինչից հետո նրան գրանցել են գրանցամատյանում:

Քվեախցիկում հայտնաբերվել է գործող գյուղապետի օգտին քվեարկած թերթիկ ծրարով: Ծրարը քվեաթերթիկի հետ պահվել է չհրկիզվող պահարանում, սակայն չեն մարել: Գրանցամատյանում կազմվել է արձանագրություն: