ԹԻՀԿ Հակակոռուպցիոն երկրորդ դպրոցի շրջանավարտների կողմից անցկացված դասընթացներ
Շուրջ երկու ամիս է, ինչ ԹԻՀԿ Հակակոռուպցիոն երկրորդ դպրոցի շրջանավարտները գործնականում կիրառում են դպրոցի շրջանակներում ստացած գիտելիքները։ Թիմերն իրականացնում են իրենց իսկ կողմից մշակված իրազեկման և մոնիտորինգային բնույթի հակակոռուպցիոն ծրագրեր։ Այս շարքով մենք որոշել ենք Ձեզ պատմել այդ անչափ ոգևորիչ երիտասարդական նախաձեռնությունների մասին։
Թիմերից առաջինը սույն թվականի մարտ ամսին անցկացրեց հակակոռուպցիոն դասընթացներ Շիրակի, Լոռու և Տավուշի մարզերում, որտեղ մեր շրջանավարտները շուրջ 50 երիտասարդների տրամադրեցին բազմակողմանի գիտելիքներ կոռուպցիայի, դրա պատճառների, դրսևորումների ու հետևանքների մասին, ծավալեցին հետաքրիքր քննարկումներ և իհարկե, մեծապես նպաստեցին երիտասարդների հետագա ներգրավվածությանը կոռուպցիայի դեմ պայքարում։
Դասընթացների շարքը հնարավոր է դարձել Ամերիկայի ժողովրդի աջակցությամբ՝ ԱՄՆ Միջազգային զարգացման գործակալության ֆինանսավորմամբ` «Թրանսփարենսի Ինթերնեշնլ հակակոռուպցիոն կենտրոն» ՀԿ-ի կողմից իրականացվող «Պահանջատեր հասարակություն՝ հանուն պատասխանատու կառավարման» ծրագրի շրջանակներում: