ՀԿ-ները դիմել են 2008 նախագահական ընտրություններում առաջադրված թեկնածուներին
Հայաստանի շրջակա միջավայրի հարցերով զբաղվող «Հասարակական կազմակերպությունների էկոլոգիական դաշինքը», թվով 40 հասարակական կազմակերպություններ իրենց խոր մտահոգությունն են հայտնել երկրի բնական ռեսուրսների շահագործման ներկայիս արագընթաց և մեծածավալ գործընթացների, մասնավորապես` Թեղուտի լեռնահարստացուցիչ կոմբինատի շինարարության և Թեղուտի անտառտարածքը որպես պղնձա-մոլիբդենային հանքավայր շահագործելու առիթով:
Հասարակական կազմակերպությունները գտնում են, որ սխալ է հանքավայրի շահագործման վերաբերյալ շտապողական որոշում կայացնելը և կարծում են, որ բազմաթիվ մասնագետների ու կազմակերպությունների կողմից հնչեցված մտահոգությունները առավել ուշադրության պետք է արժանանան երկրի տարածքում անտառների խիստ սակավության և ինտենսիվ անապատացման գործընթացների պայմաններում:
Ակնկալելով խնդրի կարևորության նախագահի թեկնածուների ըմբռնումը` ՀԿ-ները կոչ են անում, որ նրանք իրենց նախընտրական ծրագրում և ծրագրային ելույթների ընթացքում անպայմանորեն արտահայտեն իրենց դիրքորոշումը դրա վերաբերյալ:
2008 նախագահական ընտրություններում առաջադրված թեկնածուներին հասարակական կազմակերպությունների ուղերձի տեքստը