Առաջարկություններ հանքարդյունաբերական ընկերությունների իրական սեփականատերերի բացահայտման գործընթացում արձանագրված որոշ խնդիրների լուծման ուղղությամբ
Թրանսփարենսի Ինթերնեշնլ հակակոռուպցիոն կենտրոնը, ներկայացված լինելով ՀՀ արդյունահանող ճյուղերի թափանցիկության նախաձեռնության (ՀՀ ԱՃԹՆ) բազմաշահառու խմբի քաղաքացիական հասարակության խմբակցությունում, վերջինիս հետ համատեղ ներկայացրել է մի շարք առաջարկություններ՝ ուղղված հանքարդյունաբերական ընկերությունների իրական սեփականատերերի բացահայտման գործընթացում արձանագրված որոշ խնդիրների լուծմանը։
Փաստաթղթով ներկայացվում են մետաղական հանքավայրերը շահագործող և ուսումնասիրող ընկերությունների իրական սեփականատերերի հայտարարագրերի ուսումնասիրության արդյունքում վերհանված խնդիրները և ներկայացվում են օրենսդրական առաջարկություններ դրանց լուծման ուղղությամբ։
Առաջարկությունները վերաբերում են իրական սեփականատերերի բացահայտման գործընթացի ապահովման համար անհրաժեշտ մի շարք օրենսդրական փոփոխությունների իրականացմանը, մասնավորապես՝ չհայտարարգրելու արտոնությանը, սեփականատիրության կառուցվածքին և շրջանակին, տվյալների հասանելիությանը, վերահսկողությանը և պատասխանատվությանը և մի շարք այլ հարցերին վերաբերող խնդիրների։
Առաջարկություններն ամբողջությամբ հասանելի են ԹԻՀԿ կայքում։