Հանրային քննարկում՝ Փաստահավաք հանձնաժողովի կազմավորման և գործունեության շուրջ
Դեկտեմբերի 26-ին տեղի է ունեցել դատաիրավական բարեփոխումների 2019-2023 թթ. ռազմավարության շրջանակում Փաստահավաք հանձնաժողովի կազմավորման և գործունեության միջազգային փորձի կիրառման ու հնարավոր հայեցակարգային մոտեցումների շուրջ հանրային քննարկում: ՀՀ ԱՆ «Օրենսդրության զարգացման և իրավական հետազոտությունների կենտրոն» հիմնադրամի կողմից կազմակերպված քննարկմանը մասնակցել են ՀՀ ազգային ժողովի պատգամավորներ, պետական և հասարակական կազմակերպությունների շուրջ երկու տասնյակ ներկայացուցիչներ, այդ թվում` ԹԻՀԿ իրավական հարցերով փորձագետ Հայկ Մարտիրոսյանը:
Նա առաջարկել է
1․ հատուկ ուշադրություն դարձնել փաստահավաք հանձնաժողովի ձևավորման մեխանիզմներին, որպեսզի այն լինի հնարավորինս լեգիտիմության բարձր աստիճան ունեցող և հասարակության մեջ էական հակասությունների և լարվածության առիթ չհանդիսանա,
2․ հստակեցնել մրցույթային հանձնաժողովի ձևավորման սկզբունքները, անդամներին ներկայացվող պահանջները,
3․ Փաստահավաք հանձնաժողովի իրավասության շրջանակում ներառել և քննության առարկա դարձնել մարդու կյանքի իրավունքի գերակայության, ուստի նաև կյանքից զրկելու այն դեպքերի ուսումնասիրությունը, որոնք ազդեցություն են ունեցել կոռուպցիայի դեմ պայքարի գործում պետության քաղաքականության վրա։
Տես ՀՀ արդարադատության նախարարության կայքը