Գլխավոր էջ Նորություններ Ի՞նչ են անելու նրանք, ովքեր կրճատվում են, նրանք էլ արտագաղթելո՞ւ են
Նորություններ
2018 Դեկ
24

Ի՞նչ են անելու նրանք, ովքեր կրճատվում են, նրանք էլ արտագաղթելո՞ւ են

«Կառավարության կառուցվածքի և գործունեության մասին» օրենքում փոփոխություններ և լրացումներ կատարելու մասին օրենքի նախագծի վերաբերյալ ԹԻՀԿ ծրագրերի ղեկավար Վարուժան Հոկտանյանը զրուցել է «Հրապարակի» հետ: Նախագծի համաաձայն՝ 17 նախարարությունների փոխարեն ունենալու ենք 12 նախարարություն:

Ըստ Հոկտանյանի` եթե գումար է կրճատվում կառավարման արդյունավետությունը բարձրացնելու համար, պետք է հասկանալ, թե դա որքանո՞վ կապահովի տնտեսական աճ։ Մյուս կողմից էլ՝ ի՞նչ են անելու նրանք, ովքեր կրճատվում են, արտագաղթելո՞ւ են։ Փոքրացվելո՞ւ է մեր՝ առանց այն էլ փոքր շուկան։ Կոնցեպտուալ առումով Հոկտանյանը կցանկանար, որ բացատրվի, թե կառավարությունն ինչպես է տեսնում նախարարությունների միավորումը:

Օրենքը պետք է ուժի մեջ մտնի հունվարի 1-ից, ինչը նշանակում է, որ մինչև հունվարի 1-ը պետք է լինի ԱԺ արտահերթ նիստ։ Պաշտոնապես ԱԺ-ն գտնվում է արձակուրդում: Օրենքի նախագիծը վարչապետի աշխատակազմից  փաստաթղթաշրջանառության համակարգով ուղարկել են նախարարություններ։

Տես «Հրապարակի» նյութը