«Նախընտրական հակակոռուպցիոն լսումներ» խորագրով հանրային միջոցառում
Ս.թ. դեկտեմբերի 5-ին տեղի է ունեցել «Նախընտրական հակակոռուպցիոն լսումներ» խորագրով հանրային միջոցառում, որը նախաձեռնել են Ժուռնալիստների «Ասպարեզ» ակումբը, Թրանսփարենսի Ինթերնեշնլ հակակոռուպցիոն կենտրոնը, Հելսինկյան քաղաքացիական ասամբլեայի Վանաձորի գրասենյակը և Բաց հասարակության հիմնադրամներ - Հայաստանը: Բանավեճը նպատակ ունի ծանոթանալու կոռուպցիայի դեմ արդյունավետ պայքարին ուղղված կուսակցությունների և կուսակցությունների դաշինքների ծրագրային դրույթներին:
Կոռուպցիայի հետ կապված հետևյալ 4 թեմատիկ հիմնահարցերի շուրջ
- ապօրինի հարստացում և ակտիվների վերադարձ
- հանրային ֆինանսների արդյունավետ կառավարում
- դատական համակարգում կոռուպցիայի վերացում
- հանրային ծառայության բարեվարքության ապահովում
ՀՀ ազգային ժողովի արտահերթ ընտրություններին մասնակցող 11 քաղաքական ուժերից իրենց տեսակետներն են ներկայացրել հետևյալ 6-ը
- «Քաղաքացու որոշում» սոցիալ-դեմոկրատական կուսակցությունից Միքայել Նահապետյանը,
- Հայ Յեղափոխական Դաշնակցություն կուսակցությունից Գեղամ Մանուկյանը,
- «Իմ քայլը» դաշինքից Հերիքնազ Տիգրանյանը,
- «Լուսավոր Հայաստան» կուսակցությունից Ատոմ Մխիթարյանը,
- «Ազգային առաջընթաց» կուսակցությունից Հայկ Գրիգորյանը,
- «Սասնա ծռեր» կուսակցությունից Ալեք Ենիքգոմշյանը:
Հանրային միջոցառումը վարել է Ժուռնալիստների «Ասպարեզ» ակումբի խորհրդի նախագահ Լևոն Բարսեղյանը: