Գլխավոր էջ Նորություններ «Չեմ կարծում, որ օրենսդրական փոփոխություններ են անհրաժեշտ, որ բյուջեն չթալանվի»
Նորություններ
2018 Մայ
14

«Չեմ կարծում, որ օրենսդրական փոփոխություններ են անհրաժեշտ, որ բյուջեն չթալանվի»

Հայաստանում կոռուպցիայի դեմ պայքարի հարցում պետք են լուրջ բարեփոխումներ: Իսկ լուրջ բարեփոխումների համար պետք է նաև լուրջ օրենսդրական բազա լինի, լուրջ ռազմավարություն մշակվի: Lragir.am-ի հետ զրույցում նման դիտարկում է արել Թրանսփարենսի Ինթերնեշնլ հակակոռուպցիոն կենտրոնի ծրագրերի ղեկավար Վարուժան Հոկտանյանը: Այս փուլում նոր ձևավորված կառավարությունը օպերատիվ կառավարում պետք է իրականացնի, ավելի բարելավի օրենքների կիրարկումը: Դա ավելի նպատակահարմար է, քան, Ազգային ժողով օրենքների նախագծեր տանելը՝ իմանալով, որ այնտեղ լուրջ օլիգարխիկ կլանային շահեր ներկայացնողները մեծամասնություն ունեն: Այն օրենքները, որոնք այսօր կան, նույնպես հնարավորություն են տալիս բավական լուրջ քայլեր ձեռնարկել:

«Դրա համար պետք է այլ Ազգային ժողով լինի: Չեմ կարծում, որ ՀՀԿ մեծամասնության պայմաններում հնարավոր կլինի օրենսդրական լուրջ քայլերի գնալ: Դրա համար ներկա իրավիճակը գնահատում եմ որպես ժամանակավոր և հույս ունեմ, որ իսկապես աշնանը ժամանակ կգտնվի արտահերթ ընտրությունների անցակցման համար: Ոչ ուշ, քան աշնանը: Սա ես համարում եմ նախապայման բոլոր ոլորտներում, այդ թվում՝ հակակոռուպցիոն, լուրջ քաղաքականություն տանելու առումով»,- ասել է նա:

«Ընդ որում, առաջին քայլը, եթե իսկապես կոռուպցիայի դեմ պայքարից ենք խոսում, պետք է լինի ընտրական գործընթացում կոռուպցիան բացառելը: Հույս ունեմ, որ քաղաքական այդ կոռուպցիայի տարածումը, որը տեսնում ենք ընտրությունից ընտրություն, եթե չլինի, շատ բան կփոխվի: Դա կլինի առաջին քայլը՝ հակակոռուպցիան լուրջ պայքար մղելու ճանապարհին: Իսկ հիմա օպերատիվ կառավարում ու օպերատիվ հարցերի լուծում պետք է լինի, ինչի արդյունքում հնարավոր կլինի դա անել», -  նշել է Հոկտանյանը:

Տես Lragir.am-ի նյութը: