Մեկնարկել է ԹԻՀԿ նոր ծրագիր
17.01.2018
2018 թ. հունվարից մեկնարկել է ԹԻՀԿ նոր ծրագիր, որի նպատակն է նպաստել արդյունավետ հակակոռուպցիոն քաղաքականության ձևավորմանն ու իրականացմանը Հայաստանում` խթանելով հանրային ֆինանսների կառավարման թափանցիկ ու հաշվետու համակարգի կայացումը: Ծրագիրն իրականացվում է Բաց հասարակության հիմնադրամներ - Հայաստանի աջակցությամբ:
Ծրագրի շրջանակում մոնիտորինգի կենթարկեն և կվերլուծվեն
-հանրային ֆինանսների կառավարման համակարգի բարեփոխումների միջոցառումները,
-այդ բարեփոխումներին առնչվող Եվրոպական միության (ԵՄ) պայմանները, որոնք սահմանված են «Բազմաոլորտային բյուջետային աջակցություն Հայաստանի կառավարությանը» ԵՄ ծրագրով և
-այդ պայմանների, հատկապես ծրագրային բյուջետավորման, պետական բյուջեի գործընթացների վերաբերյալ
- քաղաքացիների իրազեկվածության,
- բյուջեի գործընթացներում ՀՀ Ազգային ժողովի վերահսկիչ դերի,
- ՀՀ Հաշվեքննիչ պալատի արտաքին վերահսկողության և
- հանրային ֆինանսների ներքին վերահսկողության իրականացումը:
